السلام عليكم
الكـــاتـــــب
احمد الخفــــاجي
_________________________________________
لزمت الرساله وكلبـــي دك بسرعه لان خايـــف من ردة فعلها اكيد اتعاتبني اوزعلانه عليه اجيت افتحها ونادو عليـــه اكو شي يتحرك عالجه … باوعت بالقناصه اوركزت على الناضور طلع جلب تايه
.. رجعت ريت عليهم كتلهم هذا جلب وماله داعــي اكتلــه لان حيوان وما اله ذنـــب… سكتو ما ردو عليـــه
شويه وانفجر لغم مزروع .. خطيه الجلب دخل حقل الالغام وتكطع لحمه… من انفجر اللغم الايرانيين بدو يرمون علينا. . عبالهم احنى رمينا عليه واشتد القصف مدافعهم كلش دقيقه اسمع الندائات مال جماعتنا .. لا تردون عليهم
لزمت القناص وبديت ابحث عن طعم .عيني صارت على صخره جبيره .. كلبي لعب منها .. اكيد يطلع وراها شي .. حسب الخبره الي عندي .. ضليت مركز عليها .. وما تحركت وعفت المنطقه كلها وبعد 19 دقيقه … طلع راسه من خلف الصخره
مجرد ما مد راسه خليتها اله بالگصه وكع وضل يتكلب على وادي المزروع الغام … من شفته ضميري اذاني عليـــه وهو مال اله ذنــب ولا انـــي الي ذنب الذنب ذنب القيادات الي وقعت بالحرب منا ومنهم وقائدنا وقائدهم… لان جاي نتحارب ومانعرف علئ شنو
صــار نداء من الأمر احسنت بابا بارك الله بيك علي هذا الهدفــ
بعدها ضليـــت اراقب الوضـــع ماكو شي بس الرمي منهم مستمر ما انكطع… . اتمددت على ظهري باوعت للسماء حلوه وصافيه .. شربت مي واكلت قطعتين بسكت ودخنت جكاره واذكرت الرساله من اذكرتها كلبـــي دك بسرعه اريد اشوف عاصفه شنو كاتبتلي .من كلام زعلانه عليــه لو مشتاقتلي .. ولو تارستها اعتاب لو كايلتي احبــك يادمــي ولحمــي وطلعت اشم بالرساله واتخيل شنو المكتوب
بعد ما هدء الوضع وانتصف النهار طلعـــت الرساله وتمددت على الارض .فتحت الظرف مال الرساله .. باوعت للرساله كان الخط يختلف كلش قوي … وبديت اقرأ… اســـمع وأعلـــم وأفـــهم … خلي هذه الكلمات بذهنك. .. هذه الرساله مني الي تعتبرني عمك .. وانا مو عمك ولا اشرف بيك والقرب منك يا اقذر مخلوق .. ويا منحرف ضال عن الطريق .
كدرت توصل الى نقطة ضعفـــي واقرب شي على قلبـــي بنتـــي عاصفه وتضحك عليها بحجة الحب وسوالف الساقطين خلقيآ وأولاد الشوارع … الحمدلله الذي نصرني عليـــك يا ابن الزانيـــه .. تجاوزت حدودك وتسلطت على اغله شي بعمري…
مستحيل اخليك اشم الهوى اذا حاولت تأذي بنتي او تأذي الخدامه ام عبده … وعاصفه راح ازوجها لان خانت الامانه واجاوزت حدودها… وخذ مني وعد رجال اذا حاولت تتقرب منها راح اضيعك من الدنيا… . احذر من انذر
شمرت الرساله…
وصحت بصوت عالي لاااااااا
نادو عليـــه من العمليات… كالــو .. شكو اتصيح صاير وياك شي… صار عليــك تعرض
كتلهم :- لا مصاير شي شويه ضايج وتعبان
سكتو محد رد عليه
عقل ما ضل براســي ليش هيج سوت ام عبده وخانـــت عاصفه وخانتني ام عبده … كنت باني امال على عاصفه هيج ايصير بينه .. حتى البنيه الي احبها تطلع محرمه عليه .. وينهدم كلشي بسهوله… عاصفه هي الي كنت عايش على مودها بعد ما فقدت كلشي
دخنت جـــكارتي وجابو اكل وما اكلت اي شي نفـــسي انسدت . بعد ما ظلم الليل نادو عليـــه كالو خلص واجبك اترك موقعك
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
