السلام عليكم
الكاتب
احمد الخفـــاحي
/////////////////////////
أصبحــــت أسيـــــرآ
ما مرتاح عيوني تستحي بس الدموع اوكاح
ما مرتـــــــــاح منٌك منٌي من الجاي من الراح
ما مرتــــــــاح عركه وي الزمن ورجعنه مكسورين وبعيده المسافه وينٌسي اللٌي طاح
ما مرتـــــــــــــاح
........................
دخلت للمحكمه وكان اغلب الحاضرين عسكرين لان المحكمه عسكريه يتحاكمون بيها فقط العسكرين
وكفت مدنگ راسي ومتأكد راح ينطق عليه حكم الاعدام
القاضي. كال... شنو اسمك وعمرگ ومن وين
كتله ... الجندي صباح حاتم من محافظة ذي قار عمري 18 سنه
كال... بعدگ طفل بابا ليش هيج تسوي
كتله... سيادة القاضي اني ما سويت شي غلط
كال... قضيتك هي عدم الانصياع للأوامر وهدتت الضابط مالگ بالقتل وسحبت عليه السلاح .. هذا الشي المكتوب
كتله... سيادة القاضي الكلام الي قلته صحيح قبل ما يحصل هذا الشي الضابط الي مسؤول عنا بعد انتهاء المعركه واني نايم اجه وداس برجله على وجهي وهذا الفعل خارج السياقات العسكريه
كال... مامها فعل وياگ انته لازم تحترمه
كتله... سيدي هذا ظلم واني ما تقبل على نفسي
المحامي صديق شعلان كان موجود
المحامي كال سيادة القاضي ممكن اتكلم عن موكلي المتهم صباح حاتم
القاضي .. كال تفظل تكلم بأختصار
المحامي... سيدي القاضي بعد ما تكلم جندي كان موجود بالفرقه وي صباح ونفس الموقف وياه
الجندي قال انه النقيب كان عنده عداوه وي صباح
وحاول يقتله لان النقيب ايحس بنقص وقراراته العسكريه خاطئه
القاضي... المحامي انته عندگ شاهد على هذا الكلام
المحامي... نعم سيادة القاضي عندي شاهدة الجندي الي انسجن وي صباح اسمه شعلان وهو موجود خارج القاعه
القاضي أمر العسكري الي واكف بالقاعه اينادي شعلان
اني بهذه اللحظات بدأ الأمل يرجع بداخلي لان اشوف القاضي بي مجال وعنده رحمه ويخاف من الله
دخله شعلان باوعليه واحسه مرتاح وعيونه بيها اطمئنان
سئله القاضي... اسمك وعمرگ وسكنك
جوابه شعلان .. كاله اني الجندي شعلان عبد الرحمن من بغداد عمري 18 سنه
القاضي... اريدگ تقسم بالقران ان تقول الحق
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
