أصبحــــــت ٱسيــــــرآ

5

الســــلام عليـــــكم

الكـــــــاتب

احمد الخفـــــاجي

////////////////////////////////

ٱصبـــــــحت ٱسيـــــــرآ

‏المشكلة ليست فى الصعوبات، فلكُلّ مرحلة صعوباتها وتعقيداتها، وأيضاً ضحاياها، ولكن المشكلة -كما أرىٰ- هي فى إنعدام اليقين، فى الهزيمة الداخلية التي نعيشها مما يجعل الكثيرين حائرين ثم يائسين. !

"""""""""""""""""""""""""""""""""""""""""""""""
السـاعه 11 ونص رحت على الموعد لكيت هلال منتظرني على الشارع
رحنا لدكان حجي حمادي مقابل الاعداديه مال البنات
هلال دخل يشتري واني انتطرته بعيد عن الدكان لان الحجي شك بيه عندي شي طلع من المحل هلال طلعنه للشارع الرئيسي هلال خايف كال صباح رحمه لروح ابوك لا توكعنا بمصيبه وشيخلصنا من الحزب

كتله شبيك هلال بس اريد اعرف هذا الولد منو وشعنده وي حبيبتي

ضحك هلال كال صباح شبيك اسودنت شنو حبيبتك عيب لا تعرفك ولا تعرفها ولاحتى اسمها تعرفها

كتله هلال اريد اعرف كلشي عنها حتى ابتعد وبعد ما اجي للمدرسه ولا اراقبها واصحى من هذا الحلم

هلال گال يا صباح. فكر بأمك اذا متخاف على نفسك خاف على امك اذا صار عليگ شي امگ تتبهذل وتشبع ضيم
كتله هلال اعرف العواقب واعرف خطورة الموقف ما اكدر گلبي سلمت احاسيسي لنفسي وعقلي ما يشتغل واذا افكر صح عقلي يرفض الحب وهاي الشغلات وكلبي موبيدي سلمته لنفسي

واحنى منتظرين اجت سيارة الحزب الي بيها الرفيق الي يكرهني ويكره امي من شافني وكف هلال ضل يرجف
نزل الجام سيارة وكال هااا ابن ام الخضره شعندگ هنا
ليكون ترگض ورى بنات العالم اذا الزمگ واشوفك تحجي وي بنيه من المدرسه او احد يشتكي من عندك
ما يحتاج اكول واشرح انته تعرف مصيرگ المحتوم

هلال كاله لا عمو كنا بالسوك وشفنا حمامه وراقبنا الحمامه حتى انطلع حمامنا ويجيبها اني ساكت ما حجيت شي

البعثي كال هذه السوالف مو عليه الي بعمرگ اعرف شنو تفكيره وشنو سوالفه وياويلي الي الزمه مسوي شي خلي ايكون عدكم معلومه واني حذرتكم وانطيتكم انذار انتبهو وخصوصآ انته ابن ام الخضره

من راح هلال كال شسويت بيه هذا واحد لا ذمه ولا ضمير وتالي اتبهذل بسببك صباح خلي نرجع واترگ الموضوع عوف هل السالفه

كتله هلال اذا تريد تروح روح اني باقي منتظرها ولازم اسوي حل

هلال .. ياحل صباح شلون اروح واعوفك امشينا وعوفها غير مره وبعدين نجي وحاجيها

هلال لا يكدر ايروح ولا يكدر ايعوفني ضل محتار وخايف عليه من السالفه.

طلعت البنات اعدادهن هواي ضليت اراقب من بعيد الى ان طلعت من المدرسه طلعت ورها وهلال ضل يمشي بعيد عني وتقربت عليه اجيت احاجيه اجت سياره من راحت السياره رجعت ورها شفت رجال واكف باب بيته
الى ان اجه الولد الي شفته امس ويها سلم عليه وضلو يمشون سويه