أصبحــــــت ٱسيــــــرآ

3

الســــلام عليكم

الكــــاتب

ٱحمــد الخفـــــاجي

""""""""""""""""""""""

ٱصبـــحـــت اسيـــــرآ

لماذا مضى عنّا زمان الودّ حتّى
تحوّل حسنه فينا لقبح

وليس يفيدني منك اعتذار
ولا يجدي التّراجع والتنحّي

ولست مبدلاً حبّي لكره
ولا عزّ الجبال بذل سفح

سأمضي راحلاً مافي ضميري
مشاعر مبغض أو شعر مدح

معاركنا انتهت أفلا تراني
رميت مهنّدي وكسرترمحي

""""""""""""""""""""""""""
امي قررت تحجيلــي قصة هذا البعثــي

انـــي ارمله وعايشة بيت وحدي وما عندي احد وتعودت اشتغل واكدر اعيشك بظروف زينه و ما امد ايدي واطلب من الناس او الناس تصدق عليه بكم فلس تعرف السوك تجي اله الناس وهذه الناس انواع الزين والمو زين ونسمع انواع الكلام ونشوف مواقف ما تسولف ولا تنعقل

اني محافظه علئ نفسي ومحترمه العالم وعندي حدود الى ان اجه شخص شاب متوسط عمره يجي ايگلب بالخضرة وما يشتري ويسمعني كلام غزل وشغلات ما احب اسمعها واني اهم شي سمعتي بهذا السوك طردته حاولت وياه ولكن زاد ضل يجي ويصيح احبــــج كدام الناس من شفة تماده بتصرفاته نزعت الحذاء وضربته كدام المجمتع الي موجود بهذا السوك

صارت عنده ردت فعل قويه اجه يضربني بس النسوان الي ايبيعن كامن ايصيحن وحجي قوي عليه عاف السوك وراح وكام ما يوصل للسوك اني گلت خلصت منه ورتاحيت من هل شخص القذر

ولكن ضل يفتر بالمنطقه من ارجع للبيت اشوف لازم الركن ويباوع عليه ونظراته بيه شر واخذله فتره على هذا الحال اني من طبعي انام من وقت والناس بسيطه كلش بسنة 75 واغلبهم عايشين بالفقر صار الوقت متأخر والباب يندك عليه خفت افتح الباب ضل ايدك لحد ما راح وما عرفت منو ضليت للصبح ما نمت من الخوف صارت افكار عندي الليل مخيف وماكو مان بالدنيا
منو يجي لبيتي خاف واحد مخبل او حرامي والحرامي ما ايدك باب

من صبح الصبح وصلتك للمدرسه ورحت ابسط بالسوك بس ضلت هواي افكار في بالي منو هذا وشنو  يريد مني مثل كل مره ارجع من. وقت للبيت اوصل قبل ما تجي من مدرستك حتئ اجهز الغده او مرات انتظرك في باب المدرسه خاف احد ايعاركك من الطلاب واخاف عليك حتئ من. الهوا مالي من الدنيا غيرك

من رجعت اجه هذا الشخص شفته واكف قريب على بيتي ويباوع من بعيد وبدون ما يحجي او يتحرگ من دخلت للبيت شكيت هو هذا الشخص الي دگ الباب عليه البارحه وضليت اراقب بالباب خاف ايأذيــك او يضربك صار بالي وياك من اجيت اطمئن گلبي

مـــرت ايام الرجال وعلئ هذا الحال كل ما اجي اشوفه واكف وضليت من اجي من السوك امر على المدرسه اجيبك واجي للبيت هذا الشخص كل تفكيرة اني ارمله و وحيدة وهذا ايريد يستغلني ويخرب سمعتي اني ما انطيت مجال على نفسي لان الشرف والعفه تمشي بعروقي