السلام عليكم
الكاتب
احمد الخفاجي
///////////////////////
أصبحـــت أسيــــرآ
ياهو انته
انه المحتام مدري المن
انه الفوگه المصايب كلهن التمن
انه الموجوع من ناسه
انه المسجون بحساسه
انه الهوسه حـﭼـي ابراسه
……………………
كانت لابسه عبايه وبوشيه على وجها لزمتها بعصبيه
كتلها هاي انتي الي اشمرين اوراق على بيتي شفته وجها ما شايفها ولا اعرفها سحلتها اجيت ادخلها للبيت
وصاحتها بكل قوتها يااااا ناس يا عالم خلصوني
حاولت امنعها او اخلي ايدي على حلكها ما اكدرت صوتها عالي طلعو المنطقه والتمت النسوان والجهال والزلم وخلصوها من عندي
والحجي والغلط عليه من العالم ايكلولي انته ما تستحي وما توقعناگ هيج اسوي
كتلهم يمعودين هذه لكيته باب بيتي لو اني اعرفها جان رحت عليهم
هي ضلت تبجي وكالت الهم هذا الولد ايريد ايدخلني لبيته
الناس تعاطفو ويه المره و الحجي والغلط كله عليه
الناس كالو ليش هيج اتسوي وتريد اتسويلگ مصيبه ما تستحي ترگض ورى اعراض الناس بالشارع
كتلهم والله هذه المره لكيتها باب بيتي لو رايح اله بيتها الكم حق عليه
كالو ما توقعناگ هيج اتسوي
هي ضلت تبجي وكالت اريد روح لبيتي اكول ولدي على هذا الساقط
الناس حاولو ايسدون القضيه خاف تصير مشكله جبيره
كتلهم خلوها براحتها اني موجود بالبيت والي يجي اهلآ وسهلآ
المره راحت والناس كلمن دخل لبيته
بعد ما شفت وجها طلعت مو امي ومنو هذه وليش تشمر ورق باب البيت اكيد احد دازه عليه وتعرفني حق المعرفه
دخلت للبيت ما اعرف شسوي راسي راح ينفجر من كد التفكير
ما اعرف شسوي اروح للبعثي و اكله انته عمي لو اروح ادور على بيت المره واستفسر عنه ما اعرف شنو الحل
تعبت وصلت مرحله ما اكدر اكمل ولا اكدر اتراجع
نمت بدون ما اتخذ اي قرار نص الليل اسمع الباب مال بيتي يندگ
باوعت للساعه اشوفها ب 3 ونص
كلت منو
كالت اني
سمعت صوت مره
كتلها منو انتي
كالت افتح. الباب
فتحت الباب وطلعت هي المره نفسها الي لزمتها باب بيتي
كتلها انتي
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
