السلام عليكم
الكاتب - احمد الخفاجي
لبارت 33
_________________________________________
كتله :- حجي انه يتيم الاب وحيد وماعندي لا اخ ولا اخت
كال: - الله يرحم والدك چا امك وين!!
من جاب طاري امي هنا بدت ملامحي تتغير وهو حس بيه
كال: - صباح هم امك متوفيه
كتله :- هااااااا
كال: - صباح احجي شبيك
كتله :- حجي ما اعرف
كال :- شنو ما تعرف اكو احد امه مايعرف امه متوفيه او لا
كتله: - اي انه الي ما اعرف متوفيه او لا
كال: - صباح انته مخبل لو تضحك عليه
كتله :- ولله لا مخبل ولا اضحك عليك وجاي احجي الحقيقه
كال: - يعني هاي حقيقه واحد ما يعرف امه وين ؟ صباح اكيد انته جاي تشاقه
كتله - والقران الكريم مجاي اشاقه
كال :- الكلام مراح يدخل بعقلي
وحنى جاي نحجي اجه ساري كال ولو قطعت حديثكم الجماعه مجمعين وعدهم موضوع كال الحجي جايين وراكم
حجي صاحب ;- كال صباح بعدين انكمل كلامنا انته وراگ اسرار عظيمه
الصراحه كان عندي خوف من حجي صاحب لان اني وضعي حرج جدآ وتندمت لان كتله عن خصوصياتي لكن شسوي الزلمه عرف نفسيتي
رحنى للقاعه لكينه ابو حارث يحجي والاسرى كلهم كاعدين يستمعون كال :- اخوان اي خدمات ماعدنا بالمعتقل والوضع جاي يزداد يوم بعد يوم خلي نشوف حل لا حكومتنا اطالب بينا ولا ذوله جاي ايرحمونه
كالو الجماعه ابو حارث شنو بدينا انسوي كال نسوي مظاهرات وشغب
حجي صاحب كال هل شي خطأ راح ينظربون بينا اهواي واحتمال ايقتلون كم نفر بدم بارد بدون ما ايرف الهم جفن
ابو حارث ;- كال للحجي انته جبان وعميل ومن التوابين العملاء
حجي صاحب ;- كاله انعم الله عليك ومشكور وما تقصر
ابو حارث :- كال يا جماعه خلي نقلب المعتقل عليهم جهنم وصاح كلا كلا للظالم كلا كلا للظالم
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
