السلام عليكم
الكـــاتب
أحمدالخفاجــي
//////////////////////
أصبحـــت أسيـــرآ
ازرعْ جميلا ولو في غير موضِعِهِ
فلا يضيعُ جميلٌ أينما زُرِعا ..
إن الجميل وإن طال الزمان به
فليس يحصده إلا الذي زرعا
……………………
طلع البعثي كنت موجه المسدس عليه من شافني وكف ما تحرگ ولا حجه شي
كتله.. اني خسرت كلشي ودمرت بسببگ.وانسجنت وجاي تريد تاخذ بيتي
دنگ راسه و كال لاحوله ولا قوة الا بالله صباح ارجوگ لا تقتلني عندي عائله اني اعاهدگ راح ما اشتري البيت
كتله انته تحاول تهرب من الموت
كال… اني هواي ظلمت امگ وغلطت بحقگ واني ندمان وخايف اموت
كتله… ندمان ودزيت عليه مره تهددني وتاخذ بيتي وشفتني بالمحطه مال القطار وضليت اشمر عليه حجي وهسه متفق وي الرجال اتريد تشتري البيت منه
كال… حقگ عليه صباح ما اعرف شلون اعتذرلگ
كتله… . شمدريگ ابو حيدر مشتري بيتي
كال… الرفيق ابوعاصفه هو كلي البيت روح تشتري من شخص اسمه ابو حيدر. وانطاني عنوانه لان يعرف بيه اريد هذا البيت
كتله… انته تعرف ابو عاصفه عمي
كال… اعرف هذا الشي من انته كنت طفل هو اصلآ حاقد على امگ وشخص انتهازي ويحب المال
كتله… امي وين جاوب لا تموت
كال… . صباح الله يخليگ طول بالگ اترجاگ لا تقتلني
كتله… جاوب بسرعه
كال.… والله ما اعرف عنها اي شي وداعت جهالي ما اعرف عنها اي شي
كتله… انته دمرت حياتي لازم تموت
كال … صباح عهد مني الگ ارجعلگ البيت ويرجع بأسمگ خلال يومين
كتله… . انته تحاول تهرب من الموت وتروح تشتكي عليه
كال… . اني ندمان واريد اعتذرلگ من هذا اليوم وهسه راح اروح على ابو عاصفه واقنعه يرجع فلوس ابو حيدر والبيت يرجع الگ ويتحول بأسمك
كتله… واذا ما رجع البيت
كال… اذا ما رجع خلال يومين دمي حلال عليگ او انطيگ فلوس بيهن سعر بيت
كتله… . اذا تحاول تلعب بذيلگ اني ما اخسر شي اقتلگ واشمرگ بالزباله
عفته ورحت هذا الرجل مو مال ثقه ورحت لكيت جايبين شهيد جديد للمنطقه هم شاركت بالتشيع ورجعت ارتاح للبيت منتهي من التعب
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
