الكلمات تكتب بوجع الاشتياق وتعبير القلوب
الكاتب أحمد الخفاجي
………………… .
اخذت الرساله من ام عبده ورحت للبيت حتى افتحها وشوف شبيها لازم الرساله وكلبي ايدك اريد اقرأه شنو كاتبتلي عاصفه من كلام وفتحت الظرف لكيته. فارغ ولا اي حرف مكتوب بي باوعت بالورقه ممكتوب اي شي شكيت الضرف بالنص احتمال كاتبه. بالظرف هم ممكتوب اي شي كلت ماكو. غير ام عبده هي الي غيرت الرساله اكيد تريد تبعدني عن عاصفه واكيد بدت تضغط على عاصفه في سبيل تاخذ منها فلوس وتتحكم بيها لان لزمت عليها مستمسك وعرفت بالعلاقه
احتاريت اروح احجي واعاتب ام عبده لو اضل ساكت لحد يوم الخميس حتى اوصل الرد مال الرساله واذا طلعت ام. عبده جاي تلعب علينا اني وعاصفه شلون اكشفها . اهواي اسئله بدماغي ما لكيت الها جواب . لان خايف من غدر عمامي اي لحظه ايغدرون بيه ومن السهوله تنتهي حياتي
كلبي يلعب من ام عبده وشلون اثق بيها ورغم عاصفه كالت هاي المريه فقيره وكلش ثقه وما تحجي
ضليت ادور على حل بعد ماكو غير حل واحد ان اراقب بيت ام عبده وين تطلع وين اتروح بالايام الي ماتروح بيهم لبيت ابو عاصفه احتمال اتفق وياها ابو عاصفه
بقيت بالبيت ومامرتاح اي لحظه انغدر او ايصير شي لان كلبي ما مطمئن للوضع الحالي خلص اليوم وقررت اروح لبيت عاصفه او اكدر احصل فرصه احجي وياها طلعت من البيت الساعه ب ٨ بالليل ولبست اشماغ على راسي حتى محد يتعرف على وجهي
وصلت البيت الشارع هدوء والناس بيوتهم باوعت على البيت كله ضويات وسياره عمي ابو عاصفه موجوده ما كو منفذ اكدر ادخل منه للبيت والبيت كلش محكم كلت لنفسي خلي ارجع ليشوفني احد وايصير شي وانه مناقص مصايب
رجعت للبيت وصافن وداخن اريد اعرف ليش عاصفه دزت الرساله فارغه شنو تقصد لو ام عبده غيرت الرساله المشكله لازم انتظر للخميس الظهر حتى اكدر انطيها الرساله تالي جبت ورقه وقلم حتى اكتب رساله قويه الى عاصفه. بسم الله الرحمن الرحيم. فصيلة دمي التي ورثتها من ابي ومن جدي التي نتشارگ بها معآ ولكن مصرينا يختلف
وطريقنا واحد وطبقتكم عاليه وانا في اسفل المجتمع حبيبتي لا اتحمل بدون النظر الى عيونگ والى ملامح السعاده التي فقدتها في وجهك . اود ان نلتقي ونتكلم لان الرساله التي وصلتني فارغه ولا اعرف هذا هل هو قصدگ ام الطرف الثالث غير الرساله . احبگ ابنة عمي
كملت الرساله وخليتها بظرف وانتطرت الصبح ورحت لبيت ام عبده دكيت. الباب طلعت الي
كتلها… شلونج خاله
كالت… هلا بيك يمه خير جاي من الصبح
كتلها… هذه رساله اريدج توصلينها الى عاصفه
كالت… الجمعه اروح عليهم واني انطيها الرساله
كتلها .. استلمي خاله وهذا دينار الج مصرف جيب
كالت .. اشرگ يا ولدي والله ايكثر خيرگ
كتلها… اني رايح واشلون استلم الرد مال الرساله منج
كالت.. بالليل الجمعه تعال للبيت وانه انطيك الرساله وتدلل عليه
انطيتها الرساله وسدت الباب ودخلت لببته اكو شله مال ولد واكفين براس الشارع سلمت عليهم وضلينه انسولف على الحرب وعلى دوامنه بالعسكريه واخذتنا السوالف. الى ان طلعت ام عبده من بيتها
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
