السلام عليكم
الكاتب :- احمد الخفاجي
البارت :- 40
اعزائي المتابعين دعمكم للقصه بالتصويت على البارات ومتابعه لحسابي اكون ممنون منكم
_________________________________________
انه ما كدرت اسوي شي من الصدمه ؟ ما كلت شي فقط كلمت ليش ؟
هي راحت جابت المسدس ورفعته بوجهي ؟
كتلها :- سيده مريم شنو تريدين مني؟ انه جبت سيارتج وراجع للمزرعه
هي سكتت ونزلت المسدس
راحت جابت الدراجه وكالت اصعد
كتلها :- وين ياسيده
كالت :- اصعد ومن نوصل هناك اكلك
صعدت ورها بالدراجه مجبور على ذلك لان هاي مصيبه. ثانيه ؟
وصلنا سنتر مدينة اردبيل وناس وحركه وحياه وتسوق ب 12 من الليل
كالت خلي نكعد مطعم اعزمك علئ اكل وعندي الك سؤال واحد
دخلنا بطعم وكان الاكل طيب جدآ بعد ما كملنا هي نزلة اركيله
انه متفاجئ لان تدخين النساء بكثره هنا في ايران
بعد ما كعدنا. هي باوعت بنظرة غضب
كالت :- سيد صباح انته شنو عرفت عني؟
كتلها: - سيدة مريم الي عرفته انتي انسانه دكتوره وبنت سيد علي اصغر
كالت :- لا شنو تعرف عن خصوصياتي؟
كتلها :- سيدة مريم شنو معنى هذا السؤال اني اعرفج مجرد امس وصلتيني اله عرفتج بنت سيد علي اصغر
كالت: - انته تلف وادور بكلامك ؟ احجي الحق
كتلها: - ليش رايده تقتليني؟
كالت: - انته تعرف ليش اريد قتلك وانته لازم تموت وماتبقى عايش
كتلها :- ليش
كالت :- اذا بقيت راح تسبب الي اهواي متاعب.
كتلها: - سيده اني رجل اعمل فلاح واهتم بتربيه الحيوانات شنو المشاكل شنو متاعب هذا الكلام غير مقبول منج
كالت: - انته اكيد عرفت سري ليش وكعت
كتلها :- انتي دكتوره وتعرفين بالامور الطبيه انه شلون اعرف سر فقدانج الوعي قابل اني دكتور؟
كالت :- انته عرفت عني كلشي
كتلها :- سيده مريم انتي جاي تتهميني بالباطل . انه باجر احجي والدك واقدم استقالتي من العمل في المزرعه وغادر مدينتكم وابحث عن عمل بغير مدينه
كالت :- افضل حل هذا
كتلها :- لازم اروح للمزرعه الوقت نص ليل
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
