أصبحــــــت ٱسيــــــرآ

13

الســلام عليكم

الكاتـــب

احمد الخفاجي

////////////////////////

اصبــــــحت أسيـــــرآ

‏ظَل غَريب،
لا نبَع
لا شَط
لا مصّْب
لا شمَس
لا عَين
لا حُب
لا غَضب
لا حِلم
لا شوف
لا هَمْ ، لا سَبب
لآ ورد يَذبل عليك ، لآ ذنَب يزحف بِديك
وَ لاندم فاَيض عَلى ضِفافهَ النحَيب
ظَل غريب

شاكر السماوي

................................. .

صار عندي ارتباك من كلام بنته
جماعتي انصدمو وما عرفو شنو ايسون صابتهم حاله ارتباگ قويه

اني بسرعه بدون مقدمات انهزمت هو ضل يرمي عليه بالمسدس ما اعرف شلون. ما انصبت من الرمي الي رماه

ضليت اركض بين البيوت والدرابين هلكني التعب ضليت كوه اسحب النفس بعد ما وصلت مسافه ضليت امشي وطلعتلي جكاره ودخنت براحتي ومحتار وين اروح اذا ارجع للبيت اكيد راح يجون عليه.

جماعتي ما اعرف شنو مصيرهم وشنو راح ايصير بيهم كلت خلي ارجع لبيت المسؤول رجعت ما شفت اي احد لا السياره ولا جماعتي اكيد انسجنو بسببي قررت اروح على الشط واكعد جوه الجسر على ما يجي الليل

الجو بارد وخايف من الحزب صبرت على ما ظلم الليل وتقريبآ الساعه صارت ب 9 رحت على بيت هلال دكيت الباب طلعلي ابو هلال

كال اهلآ صباح شلونگ وليدي
كتله هلا بيك عمي هلال موجود

كال اي موجود هسه اروح اصيحه الك

اجاني هلال. كال ولك صباح وين شردت
كتله ادخل لا
كال تعال هلا بيك
كتله... شنو الموضوع
كال... من شردت شغل سيارة وطلع راح ايدور عليك احنى رحنى للبيوتنا والسيارات مال الحزب اجن على بيتك ودخلو للبيت وفتشوه وطلعو وهسه البيت مراقب

كتله... اني راح اروح

كال... هذا العشه جهز اتعشه ورتاح والجو بارد مو مال طلعه

كتله... خاف يجون على بيتكم

كال... . نشرد حتى لو اجو
كتله... هلال وامك ابوك واخواتك شنو ذنبهم ايدخلون عليهم الحزب
كال... والله ما تروح اذا تطلع اطلع وياك
كتله... ابوك يعرف كال لا ما يعرف
كال... يمعود ابوي يطلع من الفجر ايروح يحمل نفط بالعربانه ويرجع يفتر بالمناطق وهسه هو نام لان يتعب

كتله... .. والحل شنو هلال خاف يجون وباجر التحاق

كال... وداعتك ما يجون واذا اجو نكدر نشرد منهم
كتله... . والله ما ادري ليش سوت هيج هذه البنيه

كال... مو كتلك وحذرتك.... انته شنو سويت اله

كتله... رحت اشتري من حجي حمادي وسئلني الحجي عن السجن وهي طفرت وحدها