Unicode
'ဝုန်း!!!´
"အမလေး ပလုတ်တုတ်!!"
သွားတိုက်၊မျက်နှာသစ်ပြီး ရေချိုးခန်းထဲက ထွက်လာလာချင်း ဝုန်းခနဲအသံကြောင့် ကျိရန်ယောင်မိသွားသည်။
"အဟက်!!ယောင်တာလေးကချစ်စရာကြီး"
ရုတ်တရတ် ကြားလိုက်ရသည့် အသံကြောင့် လားရာကိုကြည့်မိတော့ အိပ်ခန်းနဲ့တွဲယှက် ဝရန်တာမှာ နံရံကို ပုခုံးမှီပြီး သူ့ကိုကြည့်နေသည့် ဟောက်ရွှမ်းပင်။ညအချိန်မတော်ကြီး ဘယ်လိုခုန်ပျံကျော်လွှားရောက်လာမှန်းမသိသည့် ကျေးဇူးရှင်ကြောင့် ကျိရန်ခေါင်းမီးတောက်နေရသည်။တစ်အိမ်လုံးကလည်း အိပ်နေပြီမို့ အော်ဟစ်နှင်လွှတ်လျှင် အကုန်ဘူးပေါ်သလို ပေါ်နိုင်သည့်အတွက်ကြောင့် ဟောက်ရွှမ်းနားသို့ ကွိခနဲသွားလိုက်ရသည်။
"မင်း...မင်းဘယ်ကနေဝင်လာတာလဲ။သွား!!!!အခုချက်ချင်းပြန်တော့"
ကျိရန်က အသံခပ်ကြိတ်ကြိတ်နဲ့ နှင်ထုတ်လိုက်ပေမယ့် ဟောက်ရွှမ်းက မမှုသလိုပင် အခန်းထဲကို တစ်လှမ်းချင်းဝင်လာသည်။ကျိရန် ဟောက်ရွှမ်းနောက်က အမြန်လိုက်လာပြီး လက်မောင်းကို ကိုင်ကာဆွဲလှည့်လိုက်သည်။
"မင်းကိုပြန်လို့ ပြောနေတယ်လေ"
"လာတာ ပြန်ဖို့မှမဟုတ်တာ baeကလည်း"
"ba...bae ဝေါ့..ရွံ့စရာကောင်းလိုက်တာ။ငါမင်းထက်ကြီးတယ် ဘာ baeလဲ။ပြီးတော့မင်းဘာသာလာတာ ငါခေါ်တာမဟုတ်ဘူး~~အဲ့တော့အခုချက်ချင်းပြန်စမ်း"
ဟောက်ရွှမ်းက ကျိရန်စကားကို မကြားချင်ယောင်ဆောင်ကာ ကုတက်ပေါ်သို့ တက်ထိုင်လိုက်သည်။ကျိရန်မှာတော့ ကုန်းကုန်းကွကွနဲ့ ထိုင်မရထမရ ဘယ်လိုမောင်းထုတ်ရမလဲ စဥ်းစားရခက်နေသည်။
"ဘာလုပ်နေတာလဲ အိပ်စို့လေbae"
"ဘာ..မင်း..မင်းကဒီမှာ အိပ်မလို့လား!!"
"အင်းးးးညနက်နေပြီလေ။အိမ်မပြန်ချင်တော့ဘူး"
"မင်း!!!"
လက်ညှိုးငေါက်ငေါက်ထိုးပြီး စိတ်ကြိုက် ပေါက်ကွဲအော်ဟစ်လိုက်ချင်ပေမယ့် အကြောင်းအမျိုးမျိုးကြောင့်သာ အောင့်သက်သက်နဲ့ ပါးစပ်ပိတ်လိုက်ရသည်။သူပတ်သက်မိတဲ့ ကောင်လေးက တကယ့်ကိုအဆိုးအပေပင်။သူတို့တွဲနေသည့် တစ်ပတ်ကျော်အတွင်းမှာ သူလက်ညှိုးညွှန်ရာ ရေဖြစ်သည်အထိ ဘာတောင်းတတောင်းတ ဖြည့်ဆည်းပေးသည်။တစ်ခုပဲ သူ့ကိုပုံမှန်မတွေ့ရရင် တစ်နည်းမဟုတ်တစ်နည်းနဲ့ဂျစ်တိုက်တော့သည်။အချိန်တိုင်းလိုလို လိုက်ကပ်နေသည်မှာ စူပါဂလူးကပင် ဆရာခေါ်လောက်ရသည်။အခုလည်း ညအိပ်ချိန်ပါ ကပ်တွယ်နေရင်တော့ မဟုတ်သေးပေ။
YOU ARE READING
𝗠𝗮𝗿𝗶𝗴𝗼𝗹𝗱(Completed)
FanfictionUnicode တခြားငါ့မျိုးနွယ်ဝင်တွေကမင်းရဲ့အမြှုတေလေးပဲစားမှာ။ငါကတော့မင်းတစ်ကိုယ်လုံးကိုပါစားမှာ။ Wang Yi Bo အသွားထက်တဲ့ဓားကောင်းတစ်လက်ကိုအချိန်ပေးသွေးခဲ့တာခင်ဗျားနှလုံးအိမ်ကိုထိုးစိုက်ဖို့မဟုတ်ဘူး။ Xiao Zhan Zawgyi တျခားငါ့မ်ိဳးႏြယ္ဝင္ေတြကမင္းရဲ႕အျမႇဳေ...
