#الشاهين6
قلت ليها م فهمت هو جابها لشنوووو يعني؟
قالت لي شهد م تستجوبيني انا م عارفه المهم دي حاجهه لطيفه منو صراحه، لما عرف بالحصل اتصل وسأل وإهتم،وجاك في الجامعه وجاب ليك هديه كمان اظن دي حاجات تستحق الشكر ي شهد صح؟
سكتت
قالت لي زوقانياً كدة المفروض تتصلي وتشكريهو 🙂
رجعت البوكس الدولاب وقلت ليها امي عملت شنو يتأكل
شالت تلفونها وقالت لي عموماً دة رقمو رسلتو ليك واتس تقدري تتصلي عليه او ترسلي ليه مسج شوفي البريحك واعمليه وم تبقي انسانه دمك خنزيري 🙂وطلعت مشت
فتحت الرساله لقيت ياهو نفس الرقم الكان مرسل لي وحظرتهه،
بقيت قاعدة وبعاين ليه م بين ارسل وم ارسل،
وانا بتكلم مع نفسي...
ايوة يعني انا م جبرتهه يعمل دة كلو هو عمل كل دة م̷ـــِْن تلقاء نفسه انا ذنبي شنووو يتفرض علي اشكره او غيرو،
بس برضو فجر كلامها صح ي شهد منطقياً كدة انتِ مفروض تعملي القالتو
طيب حأرسل
فتحته الشات حقه،رفعت البلوك ورسلت :السلام عليكم، شكراُ.
وطلعت م̷ـــِْن الشات
خليت تلفوني ومشيت المطبخ..
.....................
عملت كل اللازم ي خالتي،اي هسي العمال شغالين صيانه وتركيب وان شاءالله اسبوع قدام الترميم كلو بكون خلص واتشطب ابشري،طيب م عندك اي مشكله بشوف ناس يشتغلو الحديقه انا رسلت ليك كل الخيارات الممكن تتصمم على اساسها بس منتظر منك رد عشان ابقى عليها،تمام،الحاجه والجماعه ديل كلهم كيف ان شاءالله كويسين؟
الحمدلله، لا م مشكله بتكلم معاها في وقت تاني ان شاءالله،يلٱ في امان الله ي خالتي الله يعافيك ي رب ❤️🌻
اول م خلصت مكالمه مع خالتي نزلت عِنـ.̷̷̸̷̐ـديّ رساله،فتحتها وكان المحتوى
"السلام عليكم شكراً"
هو مستفز نوعاً ما وخالي م̷ـــِْن اي تعبير بس
بقولو فاقد الشيء لٱ يُعطيه"مُلحد انا بالمقوله دي وفهمها ومؤمن تماماً بمرادفها البقول "فاقد الشيء يعطيهه ببزخ"
اعتقد انو نحن اتولدنا عشان نطبق محتوى المقوله دي،
في مكالمه اُخرى..
الووو،
ي ولدي گـّيَفْ الـّحـّال ٱن شـْاءِ اللـٌہ بَخـّيَر
تمام الحمدلله انتو كيفكم
تمام الحمدلله لكن زين دة شويه محموم كدة
كيف محموم لييييهه مالو ومن متين ليييه م كلمتوني؟
والله م̷ـــِْن جا م̷ـــِْن الروضه اخد ليهو نومه صحى محموم،
وين هسي انتو ي عمتي؟
نحن في المستشفى،لسسه م دخلنا الدكتور ويزن دة يبكي قال لي الا دايرك م̷ـــِْن قبيل
اديني ليهو كدة..
الووو،يزن ي ولدي مالك؟الواجعك شنو قول لي كدة،خلاص انا جاي اي م تبكي انت حاضر؟ انت زول راجل ياخ في راجل ببكي؟قلنا شنو نحن المرة الفاتت؟خلاص م تبكي عشان نتفاهم، قول لي المزعلك شنووو؟انا جاي والله جاي،
الووو؟
اي ي عمتي،قال م بدخل الدكتور الا انا اجي؟خلاص انا جاي عليكم في اي مستشفى انتو ؟ جاي عليكم
طيب تمام...
