#الشاهين40
بقيت اعاين يمين شمال في نايمين واعاين في السقف، قلت ليه مبالغه طبعاً حبيت شديد العاملنو في البتاع الشكل غرفه وم غرفه دة..
ضحك قال لي اسمها قطيهه 😅
قلت ليه عارفهه على فكرة 😒
ضحك و قال لي خلاص بدون زعل عارفه 😹😹💔 جعانه صح؟
قلت ليهو ايوة 🤭
قال لي ټمـٱمـ اطلع اجيب اللبن وارجع نظبط موضوع الفطور طيب؟
قلت ليه ټمـٱمـ،
نزل م̷ـــِْن السرير
قلت ليه بس حتجيب اللبن م̷ـــِْن وين؟
قال لي م̷ـــِْن الزريبه 😅
نزلت وقلت ليه ټمـٱمـ ماشه معاك ياخ 😍
قال لي وين وين ي زوله مكانك
قلت ليهو لٱ ماشهه بس تخليني هنا براي كيف يعني؟ ..
قال لي لٱ قلنا اسوقك وين بطلي عوارة يقولو علينا شنووو الناس؟ 🤣🤣🤣💔
بقيت اعاين ليه وانا ساكته
قال لي مالك؟
قلت ليه كيف يعني يقولو علينا شنووو؟
جا رجع قربني عليه وباسني في راسي وقال لي مرتي وتاج راسي واااي شي وم قصدي بس اصلاً المسافهه قريبهه لْـۆ وقفتي في باب الشارع حتشوفيني وصلتها ،
فضلت برضو واقفه وساكته
قال لي م مصدقه؟
طيب تعالي، مسكني م̷ـــِْن يدي وطلعنا م̷ـــِْن القطيه وي رهاااابه شكل الحوش برة ، في عريشه فيها زي 4 عناقريب واظن مظبطنها جديد ضاربين القش المعمول بيها كم لون، وفيها لفلاف ماليها بالجمبات، والبيت كلو عبارة عن رمله بيضاء، وفي شجر مزروع بالجمبات، وبرميل مويه وجمبو ازيار ياااااخ شكلهم فنان 🙈والجو مغمم لمن ضباب،
قلت ليه سامر انت متأكد البيت دة م ساكنين فِيَھ ناس؟
قال لي م هو عشان م ساكنين فِيَھ ناس كدة مع حبه صيانه،وتوصيه م̷ـــِْن ناس بعرفهم انو يراقبو ويهتمو بيه الفترة الاخيرة دي بالذات وكدة،كنت مخليهو لزول شغال معي فترة هو ومرتو قاعدين فِيَھ ماشاءالله م مقصرين زارعنو ومهتمين بيه ،تعالى ،دخلني مكان كدة مبني قطيه برضو، قال لي دة المطبخ، لف يديهو حوالي وقال لي او ممكن نقول مطبخك...
فيهو بس تربيزة فيها بوتجاز وانبوبه وكانون بالجمبه ، وشويه حاجات بس وفيه عنقريبين وتربيزة
قلت ليه حبيتو ياخ ظريف،
في حله لونها اسود كدة شالها قال لي اجيب اللبن واجي،مش دايرة تشوفي المكان؟
هزيت ليهو راسي بمعنى ايوة
قال لي تعالى طيب..
فتح الباب، المكان النحن فِيَھ عبارة عن مساحهه فاضيهه ومع المطر الدنيا كلها خضراء والبيوت بعيدهه مننا م شديد بس يعني مسافه
قلت ليه سامر نحن ساكنين برانا 🤣🤣🤣🤣🌻❤️
قال لي لٱ بس هم اهل في بعض وانا غريب واشتريت الحته دي والجمبي دي كلها اراضي ناس غالباً بس م مسكونه،المهم عايني ديييك الزريبه الانا ماشيها ټمـٱمـ؟
قلت ليه طيب يلا اسرع عشان المطر شكلو جاي 😅
قال لي يلا ادخلي
قلت ليه لٱ بستناك هنا لما تجي
دخلني جوة وجر الباب وخلاهو متاكا وفتحه صغيرة قال لي م تطلعي راسك برة طيب؟
ضحكت قلت ليه طيب حاضر..
مشى وانا واقفه وبعاين ليه لغااايه م وصل قعد قريب نص سَـآعــه وزيادة ْْ رجولي لما نملت دخلت شلت مويه م̷ـــِْن البرميل ودخلت الحمام استحميت وغيرت وجيت اصلي حتى جا هو داخل..
قلت ليه م بدري 🙂👏
ضحك قال لي ناس البلد دي انتِ م بتعرفيهم ان م طلعو زيتك بالاسئله م بخلوك المهم ختي في حساباتك انو احتمال الحلة كلها تكون عندك هنا..
ضحكت وقلت ليه نحن م صلينا الصبح على فكرة،م نفسك تصلي؟
قال لي ادخل دة واجي،
دخلت القطيه علـّى بال م افتش الاسدال بتاعي واطلعو واللبسو جا داخل لابس بس االشورت وخاتي الفنيله في راسو،
لما شوفتو اتخلعت جاي م̷ـــِْن الحمام كدة 🙈
فتح الشنطه بتاعتو لبس فنيله، قال لي المويه باردة شديد استحميت بيها كدة.؟
بقيت اعاين ليه وانا ساكته
قال لي كان تنتظريني اجي اركب الانبوبه دي وادفي ليك مويه
قلت ليه بصوت متردد لٱ م مشڱلھِ اصلاً متعودة م فرقت
قال لي طيب يلا نصلي،لبس
وجاب مصلايتين فرشهم هو قدام وانا ورا بدينا نصلي..
احساس اللحظه دي مميز شديد يعني لما يكون إمامك البتحبيهو وبالحلال وانتِ مع كل سجدة بتسمعي الهمس بتاعو وهو بدعي "اللهم بارك لي فيها،وبارك لـٍهآ في، اللهم ڵـڱ الحمد ولك الشكر على وفير نعمك علي"احساسك وانتِ بتسمعي الهمس دة مطمئن جداً...🌻❤️
خلصنا صلاة اول م اتلفت لقاني بعاين ليه،بكون نفسي اقول ليه كلام كتيييير بس اول م اعاين ليه في وشو لساني بتقل وبتلخبط وكلو بطير
قرب مِڼـّي وباسني في راسي مسااااافهه وقال لي:لما قلت ليك محتاجك ترتبيني كنت بقول الكلام دة بالمعنى الحرفي ي شهد م اي كلام اتقال وخلاص..
قلت ليه حاضر انا هنا خليك واثق من الحته دي..
قال لي والحمدلله على نعمة انك هنا وبس ي شهد دي حاجه بحمد عليها ربنا صباح ومساء 🌻❤️
