#الشاهين17
قال لي نمشي النيل؟
قلت ليه النيل؟
اتحرك وقال لي ماف فرصه احسن م̷ـــِْن يوم زي دة اقضيهو معاك،قلت ليه م جادي انت الباب فاتح اهلي بصحو،
قال لي بنتصرف بعدين م مشڱلھِ اقول ليهم جيت سوقت مرتي لفيت بيها اها دي مشكله؟
قلت ليه خليك جادي شويه
قال لي كل الجديه الفي الدنيا دي، وصلنا شارع النيل نزلنا هو كان لابس ملابس غير ملابسو حقت العقد، بنطلون وقميص،مسك يدي وقال لي م داير اقعد،خلينا نتمشى احسن تشربي حاجه؟
قلت ليه لٱ م نفسي بس ممكن نتمشى برضو ونرجع بسرعه،ضحك،قلت ليه سامع نرجع بسرعه دي؟ قال لي سمعاً وطاعه،
بقينا ماشين وانا قلبي م حاسه بيهو،متوترة وخايفه وخجلانه وكل شي حاسه بيهو في اللحظه دي
قال لي انتِ طبيعي هادئة كدة ولا دة هدؤ الزعل؟
ضحكت قلت ليه بس انا م زعلانه
قال لي طيب الحمدلله هم واحد وإنزاح على الأقل كدة حأسافر وانا مطمن انو مرتي بـّخـْيرٌ
لما قال مرتي 🤭🙈🙇♀️
قلت ليه ولو م كنت بخير م حتسافر؟
قال لي زمان كان زين بس ليه الأولويه وممكن أأجل اي شي عشانو،هسي انتِ وهو الاتنين في نفس المكان
قلت ليه م̷ـــِْن متين؟
قال لي شنوووو؟
قلت ليه اني انافس زين في مكانه وكدة؟
قال لي م مهم متين المهم انا حسيت بشنو؟
قلت ليه طيب قول لي حسيت بشنوووو؟
وقف وعاين لي بغيظ
ضحكت
كان في جمبنا درداقه واحد ببيع عيش ريف او ذره،
عاين لي وقال لي تاكلي؟
قلت ليه المُحبب للقلب، اكيد❤️🌻
إشترى لي وليهو،وكان لسسه ماسك يدي،والراجل كان بعاين لينا،سامر لما قمنا ماشين قال ليهو حرم مرتي ي عم وعرسان جداد ي دوب عقدنا الًيَوُمًِ ورفع ليهو يدو وقال ليهو اها عاين بي حنتي ،الراجل بقى يضحك قال ليهو اصلاً دي امور الجُداد كدة 😹😹😹💔
ضحكت قلت ليه عاجبك كدة هسي؟ 🤣🤣🤣💔
ضغط على يدي وقال لي م عِنـ.̷̷̸̷̐ـديّ شي اسمو جُداد بعد ميه سنه إن جينا مارين بالمكان دة حأمسكك بنفس الطريقه دي، كملنا مشي وتعاليق على كل حاجه مرت م̷ـــِْن قدامنا،
قال لي عايز اشرب قهوة،
كنا مارين بجنب الكشك بتاعنا وانا انتبهت بس هو حب يشغلني قال لي انتِ عارفه القهوة دي لْـۆ م شربتها بتصدع بي شديد،
قلت ليه ممتاز
قال لي شنو هو الممتاز بقول ليك بتصدع بي؟
قلت ليه انا شايفه الكشك على فكرة
بقى يعاين لي
قلت ليه عندك مشكله في إنو نمشي نطلب منهم؟
قال لي لا بس حسبت حساب إنك ممكن تتضايقي ❤️🌻
قلت ليهه لا ابداً..
قال لي تعالي طيب،مشينا عليهم، بقيت اعاين فِيَھ ،اتذكرت يوم م جا مهند وعمل عمايلو ديك بس م بينت،
كان فِيَھ ناس غير البدفعو لينا حق الإيجار،
إشترينا كُشري وقلت ليه بعد كدة رجعني البيت الساعه ماشه لكم؟
قال لي ودة؟
قلت ليه حناكلو في الطريق،
كانت كلها تفاصيل عااااديهه وم فيها شي مميز،بس كونو يفضل يقضي معي الساعات دي كلها وينسى التعب و الإرهاق الهو فيهو دة خلت اليوم يكون مميز بالنسبه لي،
اول م وصلنا البيت قلت ليهه ادعي انو عماتي يكونو نايمين وم يصحو بي لانهم راقدين في الحوش 😹💔
