#الشاهين27
قال لي الدكتور مكتبو وين؟
قلت ليه معي رقمو دقيقه،
اتصلت عليه المكالمه الاولى م رد،المكالمه التانيه رد قال لي مرحب
قلت ليه دكتور معاك شهد بت حاج عبدالله مّرَيَـضّ الكلى
قال لي ايوة اتفضلي
قلت ليه ي دكتور نحن جبنا سرير ICU م̷ـــِْن برة عشان وضعو وكدة قلنا م نتأخر يمكن م نلقى شواغر،
قال لي كويس جداً خير م عملتو،هسي وين انتو؟
قلت ليه نحن تحت لسسه م دخلناه،
قال لي ټمـٱمـ انا بتصل للإستقبال عشان يرفعوه بالمصعد
قلت ليه ټمـٱمـ،
قفلت وقلت ليه قال بتصل على الاستقبال يرفعوه بالمصعد،
قال لي طيب ،مشى على بتاعين الاسعاف واتكلم معاهم،اتحركو بالسرير لغايه م دخلوه الإستقبال،وفضلنا واقفين لغايه م رفعوه بالمصعد،
لحقناهم على بال م نوصل لقينا الدكتور حتى جاب المقعد المتحرك لي ابوي ونزلوه فِيَھ،
لما شاف سامر لمن ابتهج براه،قال ليهو اوووووو ولدنا
سامر سلمو بالحضن لمن ابوي عايز يقيف ليه قال ليهو خليك خليك الف سلامه عليك ي حاج م تشوف شر ي رب واجر وعافيه كمان
قال ليهو تسسلم ي ولدي،گـّيَفْ الـّحـّال ٱن شـْاءِ اللـٌہ بَخـّيَرٌ؟
قال ليهو الحمدلله ي ابوي م عِنـ.̷̷̸̷̐ـديّ عوجه نهااائي
امي سلمت عليه ببرود كدة
ابوي قال ليهو كتر خير زين ولدنا الخلاك تظهر علينا ياخ وين الغيبه دي كلها؟ ، سامر ضحك وقال ليهو تقول شنو ي عمي
الدكتور قال للممرضه جيبيهو،
الممرضه عايزة تسوق العجله سامر قال ليها خليه وساقو،
ابوي قال ليهو الناس ديل دايرين يشلوني غصب
سامر ضحك وقال ليهو الف بعد الشر ي حاج لَـگِنْ عشان م تتعب بس
قال ليهو هو هسي كدة انا مرتاح؟خلاص ي ولدي الجسم اتهلك والروح دي خلاص بس كايسه السبب
سامر عاين لي وانا ماشه جمبهم قال ليهو بعد عمر طويل ي عمي ياخ معقوله لسسه شباب،دخلو الاصانصير قدامنا ومشو،
امي قالت لي دة الجابو شنو كمان؟
قلت ليها امي قولي مهند ولدك الما جابو شنو كمان مش سؤال منطقي؟
طلعنا السلالم لغايه م وصلنا الطابق الفيهو العنايه المركزة،طبعاً بدخلوه هو بس
وسامر وقف بره، رقدوه والدكتور بقى واقف فِيَھ ومعاه تاني دكتور
لما شوفت وقفه الدكاترة في حقيقه خفت وقلبي اتقبض وانا سامعه امي بتقول ي مهون ترفعو، ي مسهل،ي وكيل الغافلين، ي •اللّـہ̣̥ تغطيهو وتحفظو بعينك التي لٱ تنام،ي رب انت حسبنا ونعم الوكيل،
شويه كدة الدكتور جا طالع،سامر قال ليهو اها ي دكتور وضعو كيف؟
الدكتور قال ليهو انت ولدو؟
سامر قال ليهو لا
قال ليهو وضعو سلفاً انا كلمت بيه زوجتو وبتو،للأسف لآزٍمٍ يتلقي ليه متبرع في اسرع وقت ممكن ، لأنو الكليتين خلاص فقدو وظائفهم وخلاص وجودهم في حد زاتو بقى مشڱلھِ،دموعي جات جاريه،
كمل كلامو ب عشان كدة قلت ليك انت ولدو،لْـۆ ولدو ممكن تعمل الفحوصات اللازمه وتتبرع للسيد الوالد،او هي برضو تعمل الفحوصات اللازمه وتتبرع إذا م عندكم مشڱلھِ،
قلت ليه انا م عِنـ.̷̷̸̷̐ـديّ مشڱلھِ بعمل اي شي ممكن يخلي ابوي يقوم بالسلامه
