#الشاهين7
م فهمت صخر عايز يوصل لشنو بطريقه كلامو معي بالشكل دة بس العارفاه اني محتاجه افكر في كلامو بشكل منطقي شويهه، اهلي بستحقو انو افكر واحسبها علشانهم،م عندهم غيري وانا م عِنـ.̷̷̸̷̐ـديّ غيرهم وانا السند الوحيد ليهم، سندوني م̷ـــِْن انا صغيرة ف اعتقد انو دة اكتر وقت ممكن اجازيهم فِيَھ وهم اصلاً م عندهم غيري
..........
ي ملهم وين انت؟ خلاص تعال لي البيت عايزك، لا تعال وانا بقول ليك،تمام منتظرك،
................
في قعدة شاي عصريه مع ابوي وامي..
ي ابوي قبل كم يوم لقيت صخر في الشارع واتكلم معي بخصوص موضوع البيت وما البيت وكدة..
ابوي قال لي مالو البيت؟
قلت ليهو اقترح علي اقتراح كدة ي ابوي قال لي انو ممكن أديكم الجزء بتاع بيتي الفي الناصيه وفاتح في الزلط دة وكدة،
امي قالت ليـّ بري عشان بكرة امو تشيل حالنا بلسانها الطويل دة بري •اللّـہ̣̥ يكفينا شرو وشر امو ،
ابوي قال لي وبعدين انا لقيت بيت زول سيدو مغترب برضو وقاعد يبني فيهو وقال داير ليهو غفير بي اسرة يحرسو ليهو البيت والمواد وكدة بس لسسه م اخدتهه الاكيدة م̷ـــِْن الزول ي بتي
قلته ليهو ي ابوي هسي بكرة اول م يضمن غرضو اتقضى وبيتو جهز يجي ويقول ليك عندك مدة اسبوع تطلع لي م̷ـــِْن البيت ونتجهجه نحن،وبعدين منو القال ليكم صخر عايز يدينا ليهو مجان،صخر قال حيأجرو لينا، يعني ي ابوي نحن حنسكن بحقنا فهمتني؟
إيجار؟ي بتي نحن حمل إيجار؟ انتِ عارفه الايجارات بكم؟ يعني اقل شي 25 الف، نحن البناكلو ي دوب نلملمو
قلت ليها ي امي قال لي بديكم ليه ب 10 الف بس، ودة م مبلغ كبير شديد بالنسبه للموقع وبالنسبه لشكل البيت اقل شي 35الف
اها هسي ال10 دي حتطلع م̷ـــِْن وين؟
ي امي م احسن مما نقعد في حق الناس ونتمرمط كدة؟ لمتين بس ؟بي حقنا دة قاعدين وعينا قويه وقانونياً بنقدر ناخد مدتنا لْـۆ الزول حاول يجبرنا بالطلوع ولا شنو ي ابوي؟
خلاص ي بتي دامك قلتي كدة خلاص كويس ،ال10 دي هي زاتها شنوووو ولا شي والله بجاي وبجاي هينه وبتطلع
ابوي قال كلامهه دة وانا علـّى علم انو م حمل المبلغ دة في الشهر ،وصخر م جاب لي سيرة.إيجار ابداً بس دي كانت الطريقهه الأقنع بيها ابوي،دي الطريقه القدرت اتدارك بيها احتمال الرفض بتاع ابوي وتأثير امي عليها،بالليل رسلت لي صخر رساله محتواها:
صخر كيفك مساء الخير،اممممممم تكلمت مع ابوي في موضوع البيت الإقترحتو علي وكدة،في البدايه رفض بس بعدين فهمتو انو نحن حنأجرو منك ف بعدها وافق،علشان كدة اذا موافق على فكرة الإيجار دي اديني خبر علشان ابوي مستحيل يوافق بغير كدة 💔
