#الشاهين43
وانا قاعدة منتظرة سامر اتأخر،بتصل عليه رقمو م بدخل،عِنـ.̷̷̸̷̐ـديّ كتاب لأجاثا كريستي اخدتو وساهرته فِيَھ لغايه م نمت،
صحيت بصوت سامر بصحي فيني ف قمت مخلوعه،
قال لي بسم •اللّـہ̣̥
قلت ليه جيت متين والساعه كم هسي؟
سمعت اذان بأذن قلت ليه دة الصبح؟
كنت وين كل دهه انت؟
قال لي كنا في المقابر
قلت ليه مقابر؟ المات منوووو؟
قال لي المحامي عبدالله..!
لما سامر جا وقال لي الخبر اكتر شي حسيتو تأنيب الضمير،اتوفى بذبحهه،م عارفه سببها الاساسي شنو بس احساسي بي إني كنت واحدة من اسباب موتو.لازمني،كل م اتذكر نبرتو معي في ٱڅڑ مكالمه وهو بقول لي نتلاقى ونقعد قلبي بيوجعني لأني رفضت،
عمري م اتوقعت انو ممكن يرف لي جفن واحزن عليه كدة،
معظم الوقت بقيت بسأل سامر انا قاسيه؟ قلبي كعب؟
قال لي لٱ ابداً، بس انتِ ليك ظروفك..
طيب انا كنت غلط في تعاملي معاه؟
م عارفه انا ليه حاسه إنو هو مات زعل وانا السبب الاساسي في كدة
قال لي شهد يومو تم،انتِ م ليك ذنب، ...💔
بعد اسبوع م̷ـــِْن وفاتو جات عمتو ام احمد وابوه وامو في البيت،ام احمد دي م̷ـــِْن شافتني دمعتها م وقفت ابداً وبكتني معاها،حتى احمد زاتو كانت شبه ببكي
قالت لي هو متشخص بزهايمر مبكر م̷ـــِْن فترة.طويله لَـگِنْ م شديد،وحتى كانت اعراض بس م اكيد لَـگِنْ ماشي على كلام الدكتور والبيديه ليه بياخدو،وماشاءالله افراح م مقصرة معاه بالخصوص دة ،"افراح دي كانت زميلتو واتزوجها قريب"الفترة الاخيرة دي شويه انضغط عشان كدة النسى بتاعو بقى كتير لدرجه ي شهد احياناً بطلع البقاله بنسى شبشبو وبجي حفيان بعد يصل حتى يفكر انو ماشي حفيان وم عارف شبشبو وين وكان بحس بالحرج،كان برتب في امورو وحاجاتو عشان ماشي يستقر في تركيا ويفتح مكتب عقار هناك مع مرتو وبدو يعملو في اجراءاتهم لَـگِنْ ارارد •اللّـہ̣̥ كمان
يومو الوقع مات دة جاني، ختيت ليهو الغداء اتغداء وشربنا الشاي وقعدنا نتونس لما المغرب دخل قال لي ماشي اصلي في الجامع ،حكمة •اللّـہ̣̥ الفترة الاخيرة دي بقى حريص شديد على صلواتو وكلها في الجامع وعشان بنسى احياناً كتيرة بجبرو يصلي مع ابو احمد في البيت، وانا جد اللحظه قلبي اكلني لَـگِنْ قلت ليه امشي،
اها اراد •اللّـہ̣̥ مشى صلى طالع م̷ـــِْن الجامع وقع في حتتو، الًيَوُمًِ تم لَـگِنْ شاهد •اللّـہ̣̥ كويس م عليهو شي بجيب ليهو الذبحهه 💔
سامر قال ليها رحمة •اللّـہ̣̥ عليه كلنا ليها ي خالتي 💔
ابو احمد قال لينا الحمدلله على ما اراد •اللّـہ̣̥ ،الحمدلله،
المهم ي بتي نحن هسي جاين هنا لي غرض وامانه ووصيه ابوك دة قبل م يموت كان بجهز فيها على حسب انو مسافر يتعالج ويستقر وكدة م عارف جايهو قدر ربنا زاتو بس حكمة •اللّـہ̣̥،
خلى لينا امانه هي المفروض تكون تحت تصرفك وتقيفي فيها،نحن م عارفين غرضو شنو لَـگِنْ الامانه دي امانه والوصيه دي وصيه،ابوك رحمة •اللّـہ̣̥ عليه خت قروش تحت تصرفك..
بقيت اعاين لسامر.
احمد قال لي قبل م تبدي اي ردة فعل انا حقول ليك الفكرة العامة،
ابوك مخلي ليك القروش دي تستثمريها وتنفقيها في سبيل •اللّـہ̣̥ في نفس الوقت،
اتفضلي ،مد لي ظرف،
بقيت ساكته مسااافه بعدين قلت ليه معليش بس انا م بقدر،
احمد قال لي شهد دي وصيه وامانه نحن م عندنا يد فيها وم عندنا رأي غير انو نوصلها،الظرف دة نحن م فتحناه ولا شفنا الحاصل فِيَھ شنو لَـگِنْ هو م̷ـــِْن فترة ادانا فكرة عامه قبل م يموت وم عارف نفسو بموت لانو هو عمل ليك التوكيل دة بحكم انو مسافر م̷ـــِْن البلد دي،نحن م حنشيلو حنخليه هنا تفتحيه براحتك وقت م حسيتي إنك قادرة على كدة وتشوفي هو قال شنو،
ام احمد قالت لي مات وخلى وراهو كل شي ي بتي،وبقولو إذا مات ابن ادم انقطع عمله الا م̷ـــِْن ثلاث،م̷ـــِْن ضمن الثلاث ديل ولد صالح يدعو ڵـهٍ،طول عمرو كان لافي م̷ـــِْن هنا لي هنا ساااي م عرس وعمل بيت واولاد وشال مسؤليه نهااائي رغم محاولتنا معاه في كده،عشان كدة لما لقاك في وشو وعرف انك بتو بقى عاصر عليك شدييد وم كان طمعان في انك تعامليه عادي لانو انا زاتي كتير ناقشتو.انو الموضوع م عُاَدّيَ وم يضغط عليك،معظم قروشو قضى عمرو مضيعها ساي م عندو حاجه لي بكرة كان ولا عندو الجنى البشيل همو،وعرسو م̷ـــِْن افراح دة عقد ساي وتم في الفترة الاخيرة دي،وهو على حسب الزهايمر المتشخص بيهو دة اختار انوِ يرمي عليك صلاحيات احوالو الماليه،وفي حال حصل ليهو اي شي ليك حق التصرف فيها، والظرف دة م تفتكريهو القروش،الظرف دة فيهو المفروض تعمليهو بالقروش شنو ف شنو ي بتي حاولي ختي الرحمن في قِلًبُكً♥ وهو كدة كدة بقى تحت التراب يعني م علينا الا ندعي ليهو بالرحمه والمغفرة ونعمل الشي الممكن يشفع ليهو بعدين ...
