#الشاهين32
اخدتهه لي سكتته وانا بسمع هو بقول في شنو بدون اي رد فعل،
قال لي الوو..
كنت سرحانه مع نفسي وبحاول اتذكر كل حرف قالتو المرة القالت انها خالتي يوم طلعته لاقيتهم مع المحامي في بورتسودان..
سامر لسسه كان بقول الووو؟
قلت ليه ا،أ،أيوة معاك معاك
قال لي المهم خلي بالك زي م قلت ليك وصحبتك كيف هسي؟
قلت ليه الحمدلله
قفلت منو وانا قلبي قابضني،لييييهه سامر؟ليييهه م يمشي بطريقتو براه؟والقضيه دي معقوله تكون ليها علاقه بي موت امي زي م هم قالو؟
قلت اتصل عليه ،لما ضغطت على زر الاتصال اتراجعت،م عارفه السبب الخلاني اتراجع في نفس الوقت لْـۆ اتصلت حأقول ليه شنووووو؟
وانا مع نفسي بفكر جاتني فكرة اتصل على المرة خالتي ديك،
بس الدنيا ليل،
قلت لنفسي حتكون نايمه بس اتصلي..
إتصلت عليها مرة م ردت فصلت على كدة
،.......................
في جانب ٱڅڑ..
مسافر هسي يعني؟اتصلت عليك كتير ي سامر كم يوم بتصل عليك ،مش المفروض اننا نطلع وكدة زين فالقني بالطلعه دي وإفتكرني بكذب عليه
ايوة طالع على طول والله،معليش بس حصلت معي ظروف كدة طالعه م̷ـــِْن يدي عشان كدة م لقيت طريقه اجي عليكم
زين ي ولدي كدة تعال جاي نتفاهم، عاين انت زعلان واي شي لَـگِنْ كلام رجال انا ماشي وم بتأخر اول م اجي نعمل كل المتفقين عليه طيب ټمـٱمـ؟
زين:انت كذبت علي
عيب تقول لبابا كدة ي زين ربنا بدخلك النار بعدين قول ليه اسف
زين: خلاص قول والله بجي بوديك اي مكان عايزو؟
هههههه والله، انا بحلف ليك
زين:البحلف زاتو بخش النار لْـۆ م جيت حتدخل النار معي وانت حلفت
قلت ليه والله انت مستهبل 🤣🤣طيب حاضر، لْـۆ احتجت حاجه بس ارفع التلفون دة ضرب لي ټمـٱمـ؟
ندى:هههههه قول ليهو خالتو م محوجاني حاجه صح؟
قلت ليهَـا م بتقصري عارفك ي ندى يديك العافيه ي رب،اها الوالد كيف ان شاءالله طيب؟
ندى:الحمدلله ټمـٱمـ، نايم هسي لْـۆ عرف انك جيت او.جاي م كان نام
قلت ليها ههههه لٱ خليهو احسن يرتاح •اللّـہ̣̥ يديه الصحه والعافيه م ناقصو شي صح؟ قاعدة توديه المقابلات وكل شي
ندى:ايوة الحمدلله في نعمة م ناقصو شي والله
الحمدلله طيب ،يلا انا اقوم امشي ابقو عافيه
قالت لي خلاص؟
اي الزمن وكدة بنسابق فيهو شان نصل
قالت لي طيب،
قالت لزين يلا قول لي بابا مع السلامه
قال ليها لٱ انا ماشي مع بابا الشارع،
قالت ليهو لٱ الشارع فيهو كلب بعضي
بقيت اعاين ليها وانا ساكت على إصرارها انو زين م يطلع معي،
قلت ليه زين خلاص ي ابوي اسمع كلام خالتك ندى قول ليها حاضر
قال بصوت باكي ابيت، ابيت،وجرى مشى على غرفتو،
قالت لي زين والحركات،لْـۆ طلع وصل العربيه معاك م حيخليك تاني عارف عباطتو
قلت ليها فعلاً بس برضو زعلو كعب خليني كدة امشي عليه
قالت لي بالعكس برجع بالساهل خليه،
قلت ليها طيب ټمـٱمـ انا ماشي طيب،عايزة اطلع قالت لي سامر
قلت ليها ايوة
سكتت
قلت ليها خير عايزة حاجه؟
م ردت
قلت ليها لْـۆ في شي قولي لي!خير
قالت لي خلي بالك م̷ـــِْن نفسك واعمل حسابك للطريق وانت سايق م معروفه ظروف الشارع شنووو
