#الشاهين35
قفلت الخط وانا برجف وعيوني مليانه دموع وم قادرة اتنفس حاسه نفسي اتقطع، ف بقيت احاول اخد اتتفس،حسيت بصوت فجر بتقول لي شهد،
لبيت اتلفت عليها
جات مسكتني قالت لي شهد مالك؟ كنتِ بتتكلمي مع منو؟ سامر؟
بقيت شايفاها طشاش طشاش وم قادرة اخد نفس خالص،
بقيت اعمل ليها حركة بيدي،
قالت لي شهد، في شنو مالك؟مسكتني وقالت جمانه تعالي بسرعه،
جمانه جات قالت ليها مالها بسم •اللّـہ̣̥ شهد؟
قلت ليهم م قادرة، م قادرة اتنفس،
جمانه قالت لي ټمـٱمـ دقيقة،فكت لي الطرحه وزرارة العبايه
حسيت عيوني بتطلع م̷ـــِْن محلها وم شايفاهم جدجد،شبه وقعت
وعيت لقيت نفسي في الكلينك حق المستشفى مركبين ليـّ اكسجين،وجمبي جمان وفجر واقفه ماشه وجايه وبتقول: ياخي دة حقير، حقير قلت ليك عايز يسل روحها حتى يرتاح
جمانه شافتني قالت لي شهد، بقيتي احسن؟
هزيت ليها راسي وطلعت بتاعه الاكسجين
فجر قالت لي مالو معاك؟
جمانه قالت ليها فجر بتبالغي طبعاً م تبقي اوڤر
سكتت
بعد نص سَـآعــهْْ مدة بقيت احسن طلعنا،
قالو لي نمشي البيت
قلت ليهم لٱ م ماشه،
جمانه قالت لي حترتاحي في البيت،
قلت ليها م ماشه وكنت ببكي دموعي جاريه عشرة عشرة
فجر حضنتني قالت لي قلت ليك اتجنبيهو ي شهد م تتواصلي معاه علشان يوصلك المرحله دي،تفتكري لْـۆ مُتي موتك حيفرق معاه؟
لٱ طبعاً
قعدت ابكي نص سَـآعــهْْ،بعد م هديت حتى قالو لي مالو معاك فهمينا؟
قلت ليهم مشڱلھِ كدة بس، اتناقشت معاهو فيها
جمانه قالت لي هو ضرب ليك ناقشك فيها يعني ولا شنووو؟
هزيت ليها راسي بمعني لٱ
فجر قالت لي اها؟
قلت ليهم انا ضربت..
جمانه قالت لي ضربتي ليهو براك فتحتي الموضوع و ناقشتيهو ؟
قلت ليها ايوة لأنو هو غلط ..
فجر قالت لي نقاش عادي ولا ردحتي ليهو عديل؟
قلت ليها ردحت
جمانه قالت لي وهو قال ليك شنو؟
قلت ليها م قال شي،قفلت الخط قبل م يرد
جمانه قالت لي مبسوطهه م̷ـــِْن حنااااان ابو اهلك ان شاءالله بس تكوني سمعتيهو النفسي اسمعو ليهو؟ احييييييييين ياااااااخ ليه م قلتي لينا عايزة اردح ليهو عشان نزيدو م̷ـــِْن الشعر بيت،بغض النظر عن الموضوع شنو المهم قلتِ ليهو كل الجواك منو؟
هزيت ليها راسي بمعنى ايوة
جمانه قالت لي يعني انتِ الاتصلتي، وفتحتي الموضوع،وناقشتي وردحتي للولد،وم خليتيهو يرد قفلتي الخط في وشو،وبعد دة بتبكي عشان ردحتي ليهو؟
سكتت
قالت لي الهرمونات عايزة مـڼـڱ شنو الًيَوُمًِ ي شهد؟ 🤣🤣🤣🤣↙️↙️↙️↙️↗️↗️↗️
فجر قالت لي عايني م تركزي مع جمانه دي لْـۆ باريتيها حيطلع في راسك ويدلدل رجولو، النهم بالله عليك م حاسه نفسك ارتحتي وقادرة تتنفسي وجواك نشاط وحيويه وطاقه سمحهه شديد بعد قلتِ ليهو الجواك كلو ؟
سكتت
قالت لي انا م لقيت شعور مؤذي نفسياً زي الكبت عشان كدة هسي مبسوطه ليك يستاهل ،حرفياً يستاهل،واوعى تزعلي عليه ايااااااك دة م يتزعل عليه خليك مصنددة كدة
