#الشاهين19
بقيت بتمتم وانا بعاين ليها والدموع على جفوني واقفه م عايزة تنزل،وصوتي حاساهو اختفى، في اللحظه ديك غير فقدته حواسي كلها في لـحـظـــِھّ ; ..حتى الإستيعاب،وضعي كان في حاله صدمه لٱ قادرة ابكي،لٱ قادرة اتكلم ولا قادرة استوعب،
كملت كلامها ب لْـۆ سألتي نفسك هو ليييهه متمسك بزين؟ ولييهه ولد شاب في العمر دة يتبنى ليه طفل ويتحمل مسؤليه زي دي وهو لٱ متزوج ولا مكون أسرة؟ لو رجعتي وبحثتي عن الموضوع دة حتلقي إجابات كامله على كلامي دة،
شدي حيلك واضبطي اعصابك واستغفري امسكي في الاستغفار دة وان شاءالله عوجه م بتجيك ي بتي،واهو قدر اخف م̷ـــِْن قدر،وانا والله م كنت دايرة اجي واحكي ليك نهااائي لَـگِنْ ضميري اولاً تاني شي سامر طول مننا وجبنا سيرتو حتى يمن حكت لي إنك انتِ كمان بتسألي عن سامر،وبعدين سألتي عن زين وكنتِ فاكرة انو معانا،وبعدين شلتي رقم احمد،
قَلبـي اكلني وقلت اكيد في شي م ساي،اتصلت على احمد وحكى لي كل شي، قلت مدام الموضوع والمبادرة جات منو هو انا كمان اقول الفي ضميري وابرئ زمتي،اها ي بتي انا على مشيه،تطلعي معي؟
سكتت
قالت لي استغفري ي بتي وقوي قلبك دي الحياة كدة اصلاً م تضعفي نهااائي بالعكس تنبسطي انو ربنا فتح بصيرتك قبل الفاس تقع في الراس،
فجأة جاتها مكالمه وهي بتتكلم،
ردت وقالت الوووو؟وعليكم السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ،ايوة طلبت،انا في ...قريب يعني؟
خلاص تمام
قالت لي ي بتي زي م قلت ليك الموضوع دة احفري ليهو هنا وادفنيهو عليك •اللّـہ̣̥ ي بتي الكلام دة م تقوليهو لي جن احمر،اها دة بتاع الترحال إتصل،
الوو؟ وصلته؟ خلاص طالعه عليك،
وصل ي بتي قومي ارح نوصلك في طريقنا واستهدي بالله
م كنت قادرة اتكلم بس دموعي جاريهه 💔
قالت لي تقعدي ترتاحي شويه حتى تطلعي ؟
خلاص اقعدي ارتاحي ي بتي واهدي بعدين اطلعي، يلا ابقي عافيه،
طلعت وخلتني في حاله م يعلم بيها إلا •اللّـہ̣̥،م عارفه هل الدنيا كانت ممطرة ولا الدموع الفي عِيوني هي الخيلت لي كدة،م كنت شايفه غير ضباب وسيل بتاع دموع جاري م̷ـــِْن عيوني،
عشان استجمع نفسي عديت قريب الساعه في المحل حتى اني كنت ببكي بصوت،
................
ي امي جيتي؟ مشيتي وين انتِ اتأخرتي كدة بتصل عليك م بتردي
مصدعه شديد كدة جيبي لي مويه ،وافتحي الشنطه دي طلعي لي منـِْهـا حبوب كدة،
مشيتي وين انتِ ي امي؟
م تكتري فيني الكلام ي بت مشيت محل مشيت في شنو مالك بترضعي فيني انتِ؟اديني الحبوب دي ودخلي لي الشنطه دي جوة الدولاب في الضلفه الفوق ختيها
طيب ي امي،
هاك دي الحبوب،
ناوليني مويه كدي،
كويس،هاك دي المويه،
دخلي لي الشنطه دي الدولاب زي م قلت ليك ختيها ركن بعيد في اول ضلفه واقفلي الدولاب بالمفتاح وجيبي لي
