#الشاهين11
طلعت م̷ـــِْن الغرفه لقيت ابوي قال لي اكوي لي العراقي بتاعي دة،شلتو وقلت ليه سمح دخلت المطبخ بقيت اقلب م عارفه روحي بفتش في شنو، طلعت م̷ـــِْن المطبخ دخلت الحمام وجيت طالعه بقيت حايمه في الهول ارفع دة واخت دة،
امي قالت لي ي بت شهد بتكوسي في شنو؟
قلت ليها المكوة
قالت لي المكوة قدامك في التربيزة حقتها ي بت ها مالك بسم •اللّـہ̣̥
،قلت ليها اهاااا نـًسّْيـت يخ وانا بالجد م مستوعبه بعمل في شنو ومالي،خلصت مكوى،جهزت لي زين اللبن وعملت كيكه،ونضفت المطبخ وطلعت مسحت البيت كلووووو ،
امي قالت لي مالك ي بت •اللّـہ̣̥ الدنيا ليل بتنضفي كدة ؟
قلت ليها ماف شي،خلصت نضافه رتبت عدة المطبخ،
زين نام شلتو دخلتو الغرفه عاينت لتلفوني جاني فضول اشوفو واتأكد اني م بتوهم،رفعت التلفون عاينت ليه لقيت منو مكالمه،ضربات قلبي بقت تطاقش مع بعض،
قلت لنفسي لٱ ي شهد مستحيل،احبو ويحبني شنو، حب شنو زاتو ها الحب البسببو.بكون في امثالك وامثال زين ديل في الدنيا،قفلت التلفون ورقدت اتغطيت وانا سرحانه وحاضنه تلفوني ،عمري كلو م حسيت بالإحساس دة،ولا بيتهيأ لي اني ممكن اعيش احساس زي دة ولا حصل فكرت انو في يوم م̷ـــِْن الايام اني ممكن ارتبط وزول يجي يصارحني والمواضيع دة،م حصل جهزت نفسي لموقف زي دة رغم اني بسمع قصص البنات وحكاويهم عن البحبوهم ونهاياتهم السعيدة والتعيسه بس عمري م مَـرّھٌ في مخيلتي اني اعيش حاجه زي دي،مقتنعه تماماً اني حيجي يوم وهعرس ايوة بس مقتنعه بالعرس ك حاجه تقليديه، اياً كان هو منو وشكلو كيف ووضعو كيف م بهمني المهم الأبوي بيشوفو مناسب اكيد وموافق عليه انا م عِنـ.̷̷̸̷̐ـديّ فِيَھ مشڱلھِ،
بس م عارفه اشرح شعوري مع سامر بكون كيف،وهسي بعد كلامه الأخير دة خلاص يعني انا م عارفه حاسه انو انا م انا، قلبي تقيل كأنو في صخره عليه،حاضنه تلفوني وبعاين ليه وبعاين زين..
نمت وقلبي في يدي،الصباح في الجامعه قاعدة وسرحانه حسيت بضربه في كتفي، رفعت راسي لقيتها فجر،قالت لي مالك انتِ اليوم؟
قلت ليها ماف شي
قالت لي واضح شديد
قلت ليها زهجانه وقافله معي بس؟
قالت لي Whay?
سكتت
قعدت ورفعت لي راسي وهي ماسكه وشي بيديها قالت لي ششهههد ؟
دموعي جات جاريه،
قالت لي ي بت بسم •اللّـہ̣̥ مالك؟شهد؟ ي بت م تقلقيني مالك في شنووو ها ؟حضنتني بكيت مساااافه وهي تتكلم معي بي لهفه وقلق،فجأة جات جمانه قالت لي شهد؟ حبيبي مالك في شنوووو؟
في شنو ي فجر؟
قالت ليها انا كمان بسأل،
جمانه قالت لي شهد،رفعت لي راسي ومسحت لي دموعي وهي بتقول لي مالك ي بت م تقلقينا عليك؟
فجر قالت لي مهند جا واتشاكلتي معاه؟
هزيت ليها راسي، قالت لي طيب عمو؟ اكيد لٱ لانو مستحيل يزعلك،طيب خالتو؟
سكتت
قالت لي ي شهد •اللّـہ̣̥ يرضى عليك 💔
قلت ليهم متضايقه بس ماف شي عايزة ارجع البيت،
فجر قالت لي لٱ م بتمشي البيت بحالتك دي اتكلمي ي شهد،
قلت ليها ماف شي والله عايزة امشي البيت بس 💔
قالت لي طيب عايني ي شهد بتقولي ماف شي لٱ عمو مزعلك ولا خالتو،وانتِ متضايقه بس، ارح معي الداخليه نستكين شويه ونفهم الحاصل شنو بعدين ارجعي البيت تمام ؟
سكتت
جمانه قالت ليها وانا كمان جايه معاكم، فجر قالت ليها اوكيه دقيقه اطلب ترحال،
اقتراح فجر كان كويس،لاني كنت م قادرة امشي البيت بشكلي دة وابوي بعرفني حتى لْـۆ نكرت، سكاتي بعرف يصنفو اذا انا كويسه ولا لا،
طلعنا مشينا داخليه فجر،اول م دخلنا فجر قالت لي جمانه نطلب شاورما عربي ولا بيتزا انا جعانه؟
جمانه قالت ليها م بحب الشاورما بيتزا احسن
فجر قالت لي نفيسه،اها رايك؟
سكتت
قالت لي معناها بيتزا معانا ، اتفقنا يعسل 💋
