#الشاهين31
عشان كدة حاول احترم عقلي وجاوبني نور قتلتو ي دكتور؟
بقى يعاين لي بي دهشه وصلح قعدتو وانا بعاين ليه بنظرات إصرار على گلآمَي ومستني منو تأكيد،
بعد مساااافه قال لي:
إحم طيب هسي نحن في العيادة ممكن نتكلم بعد اطلع لأنو هسي عندي مواعيد ضروريه مع مرضى
قلت ليه الإجابه م حتاخد مـڼـڱ دقيقتين
قال لي لْـۆ بالتفصيل حتاخد،وانا م ماش مكان بس اخلص مواعيدي مع المرضى ونقعد
ردو كان مبهم م نكر وم اعترف،خلاني رهين للتحليلات والاستنتاجات،
كان مفروض ألح عليهو بس كان وراي مرضى حالتهم م بتستحمل الانتظار زي،
طلعت وقلت ليه حستناك لغايه م تخلص محتاج كم سَـآعــهْْ؟
قال لي 2 بالكتير
قلت ليه ټمـٱمـ،
طلعت وانا لسسه بكذب الصوت الجواي، لسسه مكذب احساسي ومتوقع اسمع منو العكس،
طلعت على ناس احمد برة،
احمد قال لي م محتاج اسألك بس محتاج اسمع اجابه م تخلينا نباريك زي غنم الإشلاك ،فهمنا الحاصل شنو؟
بعد لـحـظـــِھّ ; .. صمت طويله وصوت إلحاح احمد قلت ليه ماف شي ي احمد، م̷ـــِْن فترة عندي ورم في رقبتي جيت اقابل بيهو الدكتور،انتو المكبرين الموضوع
قال لي عليك •اللّـہ̣̥ بطل طلسك دة نحن م شفع
قلت ليه احمد طلس شنو ياخ اديني سبب يخليني اكضب عليك؟
مروان قال ليهو احمد خليهو م تضغط عليه دام دة كلامو ،المهم وين الورم دة كدة ومن متين؟
داير يقرب مِڼـّي قلت ليه م بحتاج عملت صورة ومنتظر دكتور عمار داير اقعد معاه انتو امشو انا بلحقكم
احمد قال لي ماشين الخماسيات لاحقنا؟
قلت ليه ان شاءالله
مروان قال لي بينا الشبكة
خليتهم مشو وقعدت ختيت يدي في وشي وانا بحاول اتنفس وافكر بشويه عقل ومنطق،
م عدت فترة طويله الا ولقيت الساعتين عدت،
رجعت مكتب دكتور عمار لقيت معاه اخر مريض بعدين طلع قال لي يلا،
قلت ليه وين وين؟
قال لي اكيد م حنقعد في العيادة ارح ي زول،
طلعنا مشينا هو ركب عربيتو وانا وراه،
اتصلت عليه قلت ليه بركن على جنب،
قال لي خليك ماشي وراي بس لغايه م نصل،الغريب انو وصلنا الحي الكنا ساكنين فيهو،اتصل علي قال لي خليك واقف في الشارع الرئيسي دة، لما اقول ليك كنتك كنتك ټمـٱمـ؟
قلت ليه م فاهم بتقول في شنو انت؟
قال لي انت بس اعمل البقولو ليك
وقفت مكان م قال لي وهو مشى لقدام شويه، بعد 10 دقايق اتصل علي قال لي كنتك واضرب بوري
كنتكت وضربت
بعد مسااافه باب العربيه فتح وسمعت صوت بقول بصوت هزيل: السلام عليكم عمار
عاينت ليها لقتني نور،هي زاتها اتخلعت، وبقت متمسمرة في مكانها وماسكة الباب،
دكتور عمار اتصل علي قال لي الأفضل تسمع منـِْها م مِڼـّي، اقعدو برواقه بدون م تضغط عليها اسمع منها العايز تسمعو احسن،وارجع واقول ليك بدون ضغط لانو وضعها النفسي م ټمـٱمـ وانا م مفروض اخطي خطوة زي دي بدون م اتأكد انها جاهزة تحكي بس الافضل ليها هي نفسها تواجه مخاوفها، ف براحه عليها بس يلا في امان •اللّـہ̣̥
