#الشاهين8
يااااا شهد عمرو البني أدم م بقيموه بي وضعو لأنو دي حاجات ثانويه التركيز عليها م مفروض يكون محوري،بس انا اتفاجأت شويه م̷ـــِْن كلامك وكدة فهمتيني؟
قلت ليه ايوة فاهماك بس انا مما رجعت وبفكر في كلامك، صح انا م شفت الدار بس فكرة انو ترجعو بعد تعلقو بيك دة كلو حتعلم عليه العمر كلهه قادرهه احس بإحساسو عشان كدة اقترحت عليك الإقتراح دة م عارفه إذا انا صح او لٱ بس دة الطلع معي في الاخير هو طفل م ليهو ذنب يتملطش الملطشهه دي كلها 💔
قال لي فعلاً معاك حق وم قصرتي ي شهد والله سعيك مشكور 🌻
قلت ليه العفووو المهم انت فكر في الموضوع واديني خبر تمام؟
قال لي ابشري م عندك اي مشكله،
قفلت منو وانا م عارفه هل العملتو دة صح ولا غلط،يعني انا عارفه وضعنا ي دوب مكفينا،وعارفه انو نحن م حمل مسؤوليه زيادة ولا وضع ابوي بسمح بس دة الحسيت انو صح واتصرفت بإندفاعيه احسن م قلبي يوجعني، حسيت اني حاولت اعمل حاجه علشان اريح ضميري وبس 🙇♀️🌻
.............
اتفاجأت شديد بمكالمه شهد وإقتراحها لي الما كان متوقع ابداً،انا في وضع محتاج اني اخت كل الحلول القدامي وادرسها لأنو زين محتاج رعايه خاصه الناس الهو معاهم ديل م في وضع بسمح ليهم بي كدة م̷ـــِْن كل النواحي،وفي الفترة الاخيرة دي وضعو الصحي متدهور وماف زول بخلي بالو منو بالطريقه الهو محتاج ليها،وانا م كل الوقت متوفر معظم الوقت ماسك شغل،وم بقدر اكون مطمن ومأمن عليه عند اي زول لانو زين وانا بعرفو عنفواني وعصبي شديد وم بتأقلم على اي وضع،ساعي وعايز اقدم ليه حياة طبيعيه ممكن يعيشها زيو زي اي طفل بس حاسي انو الظروف كلها ضدي وبتعاندني💔
.................
ابوي مشيت وين اتأخرت كدة؟ودي شنو الورقه الشايلها في يدك دي
قال لي مشيت مع ولد اسماعيل مكتب المحامي عملنا العقد ودفعت ليه القروش وكملت كل الإجراءات وجيت راجع،عشان كل شي يكون قانوني وعلى نور مش دة كان رايك ي المبروكه
مشيت مع صخر؟ ودفعت القروش؟ ابوي دفعت القروش م̷ـــِْن وين؟
كيف دفعتها م̷ـــِْن وين ؟ي بتي انتِ ناسيه انو ابوك دة ضراعو اخدر؟
قلت ليه عارفه ي ابوي عارفه والله ضراعك اخضر وبتشيل بلد بحالو بس برضو فهمني؟ وليه م كلمتني
قال لي القروش طلعت م̷ـــِْن شغلنا دة ي بتي انتِ قال ليك ال10000الف دي بقت قروش، اي كلام سااااي، م گلّمّتگُ قلت النعملها ليك مفاجأة لَـگِنْ النقة والاسئله الكتيرة والتحقيقات تخليها لمنووووو انتِ؟
ضحكت ومشيت بوستو في راسو وقلت ليهو م انت عشان لْـۆ م عملو ليك كدة م بتقول اسوي ليك شنووووو؟
قال لي هاك امسكي دة المفتاح تمشي مع امك تنضفو عشان بعد 3 يوم كدة الزول دة جاي
قلت ليه طيب حاضر 🌻❤️
