#الشاهين38
بقيت اتلفت،بعد مسااافه قلت ليه بإستغراب انت بتتكلم معي انا؟
عاين يمين شمال قال لي لٱ مع خيالك ي شهد ،مع خيالك،
خليك جادة شويهه عشان نلحق..
قلت ليه نلحق شنووو ي استاذ كدة دقيقه؟
قال لي برضو خليك م̷ـــِْن نلحق شنو سألتك انا جاوبي،عندك مانع نرجع؟او بمعنى اصح مش بعد كدة نبطل البنعملو في روحنا دة؟
قلت ليه البنعملو؟قاصد شنو بالتعميم دة ي الشاهين؟
اخد نفس عميق وقال لي شهد م عارف حتفهمي الحقولو ليك دة ولا لأ بس محتاجك انا،محتاجك اكتر م̷ـــِْن اي شي ومن اي وقت قبل، جايط شديد وم عارف..سكتت مسافهه وقال لي م اظن في شي بقدر يرتبني في الحياة دي غيرك...
كان بعاين لي وهو ساكت بعد كلامو دة حسيت انو في وخزة في قلبي لأنو م كان قادر يرتب كلامو حتى ..
وانا بفكر اتخيلته ردة فعل فجر اول حاجه وكميه الشتايم والتهزيء الحتسمعني ليهو..
هو لسه بعاين لي وانا مشربكه صوابعي وموترني زيادة بنظراتو..
قلت ليه انت مش خاطب؟
قال لي ي بت الناس انتِ خاطب دي جايباها لي م̷ـــِْن وين؟ انا بقول ليك م بفكر في الاستقرار الا معاك انتِ تقولي لي خاطب؟
قلت ليهو اكيد م مختلقاها م̷ـــِْن راسي في واحدة معانا في الجامعه اسمها سمهدل بتعرفك وبتبقى للبت الانت خاطبها بت خالتها على طول ..
قال لي انا؟ دي منو دي ان شاءالله كمان؟وسمهدل دي منو هي زاتها؟بعدها ضحك وقال والله دي محن دي القال ليك منو الكلام دة؟
قلت ليه سمهدل قالت مصلحتها شنو في انها تكذب يعني؟
قال لي طيب وانت اي شي قالو ليك طوااالي جاريه تصدقي م̷ـــِْن غير م تسألي وتتأكدي؟
قلت ليه انت م قلت اسأل ليه؟
قال لي م دي مشكلتنا هنا،
قلت ليه ڼـعمًـْ ؟
طيب م قالت ليك البت اسمها منو؟
قلت ليهو م قالت بس ياها البت المخلي معاها زين..
قال لي بي إستغراب ندى؟ ؟؟
بقيت اعاين ليه..
قال لي بت خالتها قالت ليك انا خاطبها؟
قلت ليهو المهم
قال لي ي بت الناس ابقى حيوان لْـۆ خطيت خطوة زي دي وانا على تواصل معاك وادس مـڼـڱ ليييهه؟ دي م بتبقى حركات رجال اصلاً..
قلت ليه اممممممممممممممم يعني لٱ؟
قال لٱ طبعاً ي شهد الزوله دي علاقتي معاها زين وابوها لانو نحن متكفلين بي علاجو واحتياجاتو وكدة في المنظمة،لَـگِنْ هي ابداً..
قلت ليه وهسي؟
قال لي هسي ابوها بس ي شهد زين زاتو اخدتو منها وقاعد معي انا وخالتي في البيت..
قلت ليهو طيب ..
هو بقى ساكت وانا ساكته وم عارفه اقول شنو وهو بعاين لي بإصرار رغبتو.في سماع اجابتي وكدة
قال لي اخليك تتشاوري مع صحباتك؟
عاينت ليه بي خلعه بقى يضحك..
قال لي مش يوم زعلتك ديك قلتِ حذروك مِڼـّي وكدة شكلي محتاج ارضي صحباتك واخد موافقتهم اول.. 😅
قلت ليه م كدة،والموضوع م ليه علاقه بصحباتي اصلاً هم بزعلو لزعلي م لي شي شخصي معاك،
قال لي انا كمان بزعل لزعلك ي شهد م هم بس ..
قلت ليه بتزعل لزعلي ف بتبعد ،وبتختفي وبتزعلني اكتر🙂
