#الشاهين16
م عارفه في اللحظه ديك حسيت اني بحلم،اعصابي اتشنجت ،فجأة سمعت اصوات رصاص وناس بتقول ابشر ي عريس، اااااابشر ي عريس، بقيت انادي على امي بصراخ وبكي..
امي، ي امي، امي...
امي جات جاريه م̷ـــِْن برة ومعاها فجر،حالهم حال المتسابقين وبكل خوف امي قالت لي في شنووو؟
في شنوووو ي بت؟
وانا ببكي
فجر قالت لي بصوت عالي في شنو ي شهد مالك؟
قلت ليها عقدو ي امي عقدو 😭💔والتلفون لسه في يدي وانا بتكلم
فجر قالت لي كذابه كيف يعني عقدو؟شالت مني التلفون
جات خالتو هيبات والزينه جارين قالو في شنووو؟
فجأة فجر قامت تزغرد،قالت ليهم فعلاً ديل عقدو
بقو يتسائلو عقدو؟ كيفن عقدو؟
اترميت في حضن امي وبقيت ابكي، بكيت قدرتي وامي حاضناني وهي تبكي وتقول لي الف مبروك ي بتي •اللّـہ̣̥ مبروك، والبيت اتملى زغاريت وجوطه مخلوطه بي تساؤلات كيف جاين خطوبه عقدو مع إستنكار اهل سامر لموضوع العقد دة اصواتهم كانت واصلاني..
ام سامر كانت بتقول والله حسب علمي الموضوع خطوبه عقد دة م جابو لينا سيرتو عشان كدة جينا وم كلمنا الاهل
تماضر:الا كان دة اتفاق بين سامر ومرتو لانو نحن زاتنا زينا زي الضيوف
في واحدة قالت ليهم خير البر عاجله والعقد مالو اخير م̷ـــِْن الخطوبه وجرجرة المواضيع المهم الف مبروك وربنا يتم ليهم على خير ي رب 🌻❤️
بعد ربع سَـآعــهْْ كدة سمعنا اصوات رصاص برة،جمانه قالت واااي،فجر قالت ليها شكلهم الرجال جو م̷ـــِْن الصلاة،
امي جات داخله قالت ليهم قومو ي بنات الرجال جو يلا الضيافه واطلعو استقبلوهم،جمانه قالت ليها نمشي وين في الرصاص دة ي خالتو م سامعه؟بري م طالعه انا م قنعانه م̷ـــِْن روحي 😭💔
فجر قالت ليها ي بت ي هبله دة الحماس زاتو انا غايتو ماشه اشوف
اصوات الرصاص بقت مخلوطه بي اصوات الزغاريت، وحاجه كدة على قدر م هي بتتسمى فرحه على قدر م هي موترة وفيها رهبه، زين جا جاري ورقد وراي في السرير م̷ـــِْن الخرف،
الهول بقى فاضي كل النسوان طلعو برة يشوفو ضرب الرصاص دة،فضلت بس انا وجمانه وزين في الغرفه،
شويه كدة جات فجر جاريه بتصرخ وبتقول لينا واااااااي كان شفتوهم بتجالدو جلد لمن دمهم جاري وااااااي 😭😭😭
قلت ليها منووووو البتجالدو؟كيف يعني؟
قالت لي سامر بجلد فيهم ي بت راجلك جايب معاهو حله كامله بي بكاسيها كملو الرصاص وقبلو على الجلد،يشهد •اللّـہ̣̥ برة عربات وطلق وقليع جلاليب وجلد وبعلي بس 😭💔
قلت ليها سامر بجلدو فيهو؟😳قالت لي لٱ ي بت هو العريس هو البجلد،ديل اصحابو واهلو اظن جاين معاهو حلهه كامله 😭💔جمانه قالت ليها دي عادات ي بت ها عادي 🤣🤣🤣💔قلت ليها دقيقه اتصل عليهو،اتصلت م برد،بقيت متوترة طبعاً طالما جلد اكيد بتجلد، قلبي بقى يرفني 💔
النسوان جو جو راجعين وهم بزغرتو،فجأة ابوي جا داخل علينا في الغرفه ،نـًسّْيـت كل شي بفكر فيهو وم̷ـــِْن غير م احس قمت وجريت اترميت في حضنو وانا ببكي،
هو ولا كلمه م قادر ينطقها حتى مبروك م قدر يقولها لي بكى قدرتو رغم انو حاول م يبكي وكان بقول لي هَا العويرة دي بتبكي مالك، بعدين لما شافني لٱ عايزة ارفع راسي منو ولا اتفك منو بقى يبكي معي، قال لي المبروكه بتي السمحه،الببكيك شنو ابكي انا م انتِ ،هو العرس دة موت روح انتِ قايلاهو ولا شنو ؟ انا قاعد
ي بتي ها،
زدته في البكى، رفع لي راسي وباسني فيهو قال لي يلا امسحي دموعك دي النصيب دة.اتخرب راجلك جاي يشوفك كدي؟
جمانه ضحكت قالت لي شهد كفايه يلا،
اصوات الزغاريت عِلت برة، وبقت في صوت بقول مبروك ي سامر، مبروك ي اخوي،وصوت فجر بتزعرد وبتقول ااااابشر ااااابشر ي ساامر اااابشر،تَعاّل شهد هنا، ابوي قال ليها لبسيها توبها يلا ومشى وقف في الباب وقال:دقيقه بس واحدة،
لبست توبي،ابوي قال لينا خلاص؟عاين لي وقال لي فجر غطيها ولبسيها كويس ..
قعدنا نضحك عليهو يخوانا ابوي غيرتو كانت واضحهه في اللحظه ديك 🤣🤣🤣😹🙈
قالت ليهو كدة تمام؟
قال ليها اي ادخل ي ولدي،
وسامر جا دااخل لابس الجلابيه ولافي العمه ومركوب النمر ومحنن يخواني محنن، جمانه زغردت، قالت ليهو م بعرف ازغرد لَـگِنْ بقولو موت الجماعه عيد،مبروك ي عريس
ضحك قال ليها م قصرتي •اللّـہ̣̥ يبارك فيك 🤣🤣🌻❤️فجأة لقيت الغرفه فاضيه،كلهم اتضايرو حتى ابوي طلع
اول كلمه قلتها ليهو اتجلدته؟ جلدوك؟
بقى يعاين لي وبضحك بعدها
قال لي لا ابداً،العريس م بتجلد 🤣🤣💔
قلت ليه ودة شنوووو دة جيت متين لما لحقت تتحنن،وكمان م گلمتِني انك جاي،وحتعقد والكلام د...
قبل م اتم كلامي قال لي مش انا لما اتكلمت معاك قلت ليك الموضوع منتهي؟
هزيت ليهو راسي بمعنى ايوة
قال لي طالما قلت كدة يبقى اكيد حلو عِنـ.̷̷̸̷̐ـديّ، يعني مسافه كم سَـآعــهْْ عشان حاجه بتستحق م حاجه مفروض تتخت ليها حسابات،فِداك 1000 كيلو متر
بقيت اعاين ليه وانا ساكته،
فجأة جات فجر داخله وقالت إحم إحم،
اتلفت عليها
قالت ليهو اتفضل ي عريس،كانت شايله مويه وعصير
قالت ليهو اسفه على الإزعاج
ضحك قال ليها لا انا زاتي طالع
قالت ليهو لٱ طالع وين سوق مرتك دي طلعها معاك برة،
يلا ي شهد،
مسكني اول م طلعني الزغاريت اشتغلت،
مسكتني خاله سامر وقالت لي الف الف الف مبروك ي جميل، والله ي سامر ي شيوب بختك بالبيبي دي 🤣🌻❤️ضحك،وبعدها جات ام سامر وحضنتني وبقت تبكي قالت لي مبروك ي بتي ربنا يجعلكم خير لبعض،وبعدها تماضر،ومرت اخوهو التاني واخواتو،
قعدت في الكرسي، سامر قام ماشي فجأة واحدة م̷ـــِْن عماتي قالت ليهو دقيقه ي ولدي استنى دقيقه واحدة،
بثينه وينو الصادق ناديهو
امي قالت ليها اي كلمتو قال جاي
قالت ليها ارجعي كلميهو تاني
امي طلعت وجات راجعه مع ابوي
عمتي دار النعيم دي الكبيرة وطبعاً هي ممكن نعتبرها العمة المتسلطه الخاربه سمعه العمات،
قالت ليهو تعالو عايزاكم في كلمتين كدي في الغرفه دي،بقيت اعاين لي سامر وهو بعاين لي، قالت ام العريس وخالتو اتفضلو،
سامر وامي وخاله سامر وابوي وام سامر وانا دخلنا الغرفه،
قالت ليهو. طبعاً ي ولدي انتو فاجأتونا وكل شي بقى بي استعجال يعني نحن زاتنا لو م سمعنا البت بتكورك م عارفين بموضوع العقد دة،كنا فاكرين انو خطوبه وقوله خير وكدة بس،
اها ي ولدي في حاجه لآزٍمٍ تعرفها م دامو الموضوع بقى رسمي وكدة،والكضب •اللّـہ̣̥ م برضاهو والني للنار
البت دي طبعاً هسي بقت مرتك والواضح م فاضح اي ڼـعمًـْ هي بتنا واي حاجه لَـگِنْ بتنا بالإسم بس لَـگِنْ في الحقيقه كدة هي م بتنا ولا الصادق اخوي ابوها ولا بثينه امها،بت جابوها محل جابوها وربوها حالها حال الأولاد البقولو عليهم ااا ...
نور خاله سامر قاطعتها قبل تتم كلامها وقالت ليها فاقدي السند اسمهم فاقدي السند،
