#الشاهين20
في جوانب مظلمه م̷ـــِْن حياتنا م ينفع نتشاركها مع كائن حي لأنو بيصعب شرحها،هي م بتتصنف ك أسرار لَـگِنْ ممكن نقول عليها جوانب خفيه م ينفع يشوفها غيرنا لأنو إنعكاساتها قد تكون سلبيه علينا، وفي نفس الوقت بيتقل علينا حِملها عشان كدة خلق •اللّـہ̣̥ التنهيدة وصنع البشر الورق والقلم ليخففو علينا اثقال اوجاع الماضي،دفتر ورقي، وقلم ازرق اللون،نجلس على زاويه مظلمه لنتشارك همومنا معاً كرفقاء في درب المعاناة
انا منو؟
أعتقد الشرح على الورق اسهل وأهون ...
سارهه،سارهه، سارهه، مالها بتي،بتي ماتت ي دكتور؟ماتت؟ سارة...
الحكايهه بدت م̷ـــِْن على مدى سنوات طويله مضت،إتولدت واتربيت في مكان الصفه السائدة فِيَھ الجهل،بحيث إنو بشكل 99% هناك
منطقه ريفيه غنيه بكل شي،طبيعه،محاصيل،ثروة حيوانيه،وكل فصل م̷ـــِْن فصول السنه عندنا شكلو بكون غير ،مافي تفاوت بين الناس ولا في تصنيف للفئات حسب الوضع المادي زي م في بقيه المدن،يعني عادي تلقى زول بيتو عباره عن خيمه معموله بقماش ورواكيب وحوش قش وتحت راسو خاتي 3 مليار اقل حاجه ،بيوت الريف الدافيه حيث الرواكيب والكرانك والقطاطي وبيوت القماش ،النظام عندنا قبلي،كل قبيله بتكون عايشه في حي م̷ـــِْن احياء القريه دي وبتفصلهم شوارع ليس إلا،دي قبيله فلان ودي قبيله علان ومعروفين يعني المولود جديد بتعرفو دة م̷ـــِْن اي قبيله،
وعيت على الدنيا دي على واقع إني يتيم،بس عايش تحت كنف امي،جدي، حبوبه،جدي بيتسمى شيخ القريه كلها هناك كل كبيرة وصغيرة م بتفوت عليهو واي مشڱلھِ هو بقيف على راسها ،وانا قمت بشخصيه جدي دي...
امي كانت بتعاملني بحساسيه مفرطه،م بتخليني اغيب عن ناظرها لثانيه واحدة،تعاملها كان ممزوج بعاطفه وخوف في نفس الوقت،حتى اللعب انا كنت مقيد او ممنوع م̷ـــِْن اللعب زي بقيه الأطفال والحاجه دي كانت زايداني عناد وفي الحقيقه كنت زول م هين زول شدايد،يعني اللعب العادي حق الشفع دة م كان بمشي معي،كنت عايز اطلع في شجرة،امشي الخلا اشوف الزراعه مع جدي،اسرح بالبهايم...الخ كنت ميال لي اي شغل حار وشاق عكس طبيعتي المفروض اكون عليها ك تركيب جسماني او تصنيف نوعي،امي كانت مديرة بمدرسه القريه،ليها مكانتها واحترامها بين كل الفي القريه،لما يقولو استاذة سلافه زي الكأنو قالو رئيسه الدوله
التعليم في المنطقه دي كان م مرغوب، تحديداً للبنات عشان نحن في منطقه المرة فيها مكانها الكانون، والغالبيه العظمى م̷ـــِْن المتزوجات قاصرات،اكبر م̷ـــِْن تتزوج عمرها م بيتخطى ال16 سنه،الواحدة بتتحجز م̷ـــِْن عمر ال7،8 سنه عادي واحياناً م̷ـــِْن اتولدت بتتحجز لولد فلان ولمن تصل ال12 العرس بتم وبتكون في بيتها، يمكن دي اكتر الحاجات الكانت مسببهه الرُهاب لي امي ومخوفاها علي لسبب ما ،كانت مهتمة شديد بموضوع تعليم البنات لدرجه انها بتعمل ندوات لأهالي القريه وبتتكلم ليهم عن ضرورة انهم يدخلو بنات المدارس،سنوياً كانت بتلف عليهم في البيوت عشان تقنعهم يسجلو البنات في المدرسه على راس كل سنه،بتعمل حلقات لتحفيظ القرءان وتثقيف النسوان بأمور الدين الواجبه عليهم
الفصول الوضع الطبيعي بتاعها كان بكون فاااضي،يعني المدرسه نفسها م كانت مؤهله للدراسه ممكن نقول رغم اجتهادات امي في انها تخليها احسن ..
وانا في عمر ال7 سنه كانت اول مرة نطلع فيها م̷ــن البلد م̷ـــِْن اتولدت،
كل الكنت عارفو انو نحن مسافرين،
جدي وحبوبه كانو مُصرين على عدم سفري،وامي وصلت معاهم حد في النقاش انها قالت ليهم: لْـۆ عايزني اسافر بدون ( بتي) انا بخلي السفر بس (بتي )م بخليها وراي كان اموت بالمرض هنا.
حالي حال اي طفل م غمضت لي عين لغايه م طلعنا العربيه البتطلعنا من الحته النحن فيها،
كنت طفل شديد التركيز والملاحظه،م بفوت علي شي ولا بيستصعب علي تذكر اي موقف كان..
