#الشاهين24
حكيت ليها تفاصيل الإتقال لي كلو،قالت لي كر علي وبعلي وبعلي قتلوها عديل،البت المسكينه؟ لٱ حول ولا قوة الا بالله، لٱ حول ولا قوة الا بالله كان شفتيها صغيرة جاهله حلات الدنيا عليها كانت،
سكتت مسااافه وهي سرحانه مع نفسها قالت لي يعني هسي دي اختها؟ سمح م قالت ليك اي شي تاني؟ هي الصغيرة ولا الكبيرة؟
هزيت ليها بمعنى م عارفه ورقدته في رجولها..
قالت كيفن الكلام ده؟ ي ربي دي اي واحدة فيهن الصغيرة ولا الكبيرة انا مالي م عرفتها؟ وهسي الحلا ليهم شنو ي دوب عرفو انها اتقتلت يعني ولا الجدة.شنو؟
...............
على لسانٍ ٱڅڑ..
في زول في الحمام
ايوهه انا
في منو في البيت؟
ماف زول
وين مشو؟
امي مشت المدرسسه وعزام مشى صف العيش،وجميله في الجامعه
يعني ماف زول؟
اي
بعد دقيقتين..
صوت ضرب في الباب وبعده مباشرة دخول للحمام..
عمار دة شنو؟ عمار انا اختك ،اطلع برة انت مجنون، اطلع برة ي مجنون
ضربته ولزيتو رميتو وطلعته وانا شايله جلبابي في يدي، م عرفت اللحظه ديك اتجه علـّۓ وين ف لبست جلبابي وجريت على الهول على اساس اللفح لي توب اجري بيه على الشارع وقبل م اصل الهول جا لاحقني دخل وقفل الباب،قال لي اقعدي، اقعدي سرعه في السرير دة، م كان لابس غير هدومو الداخليه وم كان واعي
قلت ليه عمار،عمار انا اختك انت واعي؟
قال لي ويعني شنو اختي؟
انتِ قايله نفسك بتعرسي غريب؟ م بتعرسي غريب،انتِ بتعرسي زول جايبو ليك انا،وطالما جايبو ليك انا معناها ماف شي تخافي منو،وبعدين انتِ خايفه كدة لييييهه المخوفك شنوووو؟الشي دة جديد عليك؟ الشي دة م زماااان حصل بينا اظنك نسيتي
بصوت مرتجف قلت ليه عمار،عمار انت بتقول في شنوو؟انت واعي؟ انا زمان كنت م عارفه للدنيا شي،وانت غصبتني و استغليت غيبه امي والبيت فاضي زي م هسي وعملت العملتو م كفايه اني ساكته بالعملتو دة لغايه هسي وم كلمت زول وساتراك؟
احساس انو الضلع المفروض تحمي نفسك بيه هو الهاجس بتاعك في الحياة واكبر مشاكلك واسباب خوفك ، في الوقت الدنيا كلها شايفاه بحميك م̷ـــِْن خوفو عليك وهو في الواقع بأزيك وبس،كل البنات مشاكلهم مع اخوانهم انهم متسلطين وبتحكمو فيهم بس م اكتر، اما انا ي ريت لْـۆ عِنـ.̷̷̸̷̐ـديّ اخو متسلط،قلبو حار علي وبحميني بس انا ابتليت الا بالأسوأ احساس انو اخوك يستبيحك لنفسو،يحلل ليك الحرام بصورة مقرفه،قعدني وبحاول يقنعني بحاجات وبأفكار غريبه
واثناء م هو بتكلم معي لقيت نفسي ناطه السرير وجاريه فتحت الباب وهو جاري وراي وينادي علي،
طبعاً اخت طالعه الشارع بجلبابها واخوها وراها اكيد هي العامله غلط في نظر الناس وماف زول بمسكو منها،بتاع الدكان،الجيران، الماره كلهم كانو عيونهم علينا وهو بقول لي تعالي هنا،تعالي هنا قلت ليك، دخلت بيت الجيران وقفلت الباب
كانو حبوبه كبيرة في العمر وراجلها بس وكان جا بي سكرتو دي ممكن يعمل فيههم اي شي ،
قالو لي في شنووو؟
شكلي كان سيء جداً جلباب قصير وخفيف وشعري طاير، وانا واقفه برجف
مالك ي بت؟
جدو مشى بسرعه علـّى باب الشارع وفتحو
حبوبه سعاد ادتني توبها وهي بتقول لي مالك ي بتي ان شاءالله خير؟
قلت ليها عايزة تلفون اضرب لي امي،
قالت لي سمح تعالي هاك،
ساقتني ادتني التلفون،دخلت الحمام وقفلتو علي،
مسكت التلفون مكالمه ورا مكالمه لي امي لغايه م ردت،قلت ليها امي اللحقيني،امي عمار ولدك..
قالت لي مالك في شنو ي بت، عمار مالْـۆ؟
بديت احكي ليها تفاصيل الحصل..
قلت ليها امي تعالي راجعه البيت سرعه،امي عمار ولدك لقاني في الحمام ولما عرف البيت فاضي وعزام في العيش قلع ملابسو ودخل علي و...الخ
كل الحصل دة كوم،ورد امي وهي بتقول لي سمح وقت طلعتي وجيتي بيت ناس حبوبتك سعاد ضاربه لي بشنو م تقعدي لمن اجي..
اخدته لي صنه وانا بحاول استوعب أإأذأإأ امي مستوعبه البقول فِيَھ انا،قلت ليه امي انا بقول ليك ولدك..
قاطعتني قالت لي اوعى بس تكوني كلمتي زول م̷ـــِْن الحله؟اوعى تكوني حكيتي لي حجه سعاد؟
الحاله الانا داخله فيها،الخوفه،حجم الشي الحاصل وحوجتي لي انو زول يضمني عليه ويطبطب علي اللحظه ديك كلو خلتو على جنب حتى انها م سألتني اذا انا كويسه ولا لأ ،كل همهما كان وين؟ اذا انا وريت زول ولا لأ،بقيت ببكي، اعمل شنو،اتصلت بعزام اخوي الصغير، قلت ليه خلي العيش وتعال هسي،
قال لي مالك في شنووو؟
قلت ليييه تعال بس عمار دة جا البيت سكران وشايل سكين وعايز يضربني انا طلعت في بيت ناس حبوبه سعاد هسي،
طلعت م̷ـــِْن الحمام لقيت حبوبه واقفه،
قالت لي مالك ي بتي مالو معاك اخوك؟
قلت ليها جا راجع سكران وعايز يضربني ي.حبوبه 💔
مسكتني قالت لي •اللّـہ̣̥ يهديه •اللّـہ̣̥ يهديه بس تعالي ودخلتني بيتها وانا كنت برجف م̷ـــِْن البرد جابت لي غطى وقالت لي ارقدي لمن اهلك يرجعو.
..........................
فتحت عيوني م̷ـــِْن النوم على صوت مكالمات كتيرة في تلفوني،فتحتو لقيتها جمانه،ورساله بتقول شهد اللحقيني،لْـۆ لقيتي رسالتي دي ارجعي لي ضروري 💔رجعت ليها بسرعه اول م فتحت الخط قالت لي شهد،
قلت ليها جمان بسم •اللّـہ̣̥ في شنو مالك؟
قالت لي عمار ي شهد عمار اخوي امس....الخ
كانت بتتكلم وبتبكي، قالت لي م عارفه اعمل شنو،م عارفه بجد ي شهد امشي وين واقول ي منو م عارفه في بيتنا بقيت م ضامنه روحي
قلت ليها م قادره استوعب كيف يعني اخوك؟ دة م طبيعي الا اذا م طبيعي بجد،حسبي •اللّـہ̣̥ ونعم الوكيل اخوك دة،دة،دة،كيف كيف يعني،انتِ وين؟كويسه
بقت تبكي
قلت ليها طيب م تبكي، فهميني الحصل بعدها شنو،امك عملت شنو م اتكلمت معاه م حكيتي ليها؟م حكيتي لزول؟
قالت ليـّۓ امي؟ امي ي شهد لما حكيت ليها قالت لي انتِ كان جنبتي قوولي شان نششوف ليك طريقه علاج، قالت لي زول جا سكران واترمى في الصالون نام نومو ،وانو م كان مفروض اطلع م̷ـــِْن البيت عملت ليهم فضيحه مع الجيران،يعني بالواضح كدة كان اخلي ولدها يعمل العايز يعملو فيني،قالت لي انتٌ مجنونه ساي 💔
