#الشاهين44
م شفتها فرحت كيف ي سامر،بتتكلم معي بإحساس انها م مصدقه انها لقت شغل وحتمتحن الايلتس في نفس الوقت ياخي بكتني 🥺🥺❤️
•اللّـہ̣̥ يديمها عليها مسكينهه تستاهل ربنا يجبرها ان شاءالله زي م جبر خاطري بيكك ي المبروكه ي شهد 🌻
سامر اعترف ليك بحاجه؟
قولي لي
انا كنت شايفهه نفسي كتيرة على الدنيا دي كلها لغايه م جيت انت بعدها م عارفه الحصل شنوو 🥺❤️🌻
الحصل إنو ماف شي اغلى مـڼـڱ وماف شي بوزنك وي بختي وهناي بيك ،مفروض ننوم عشان بكره مواعيدنا مع احمد الساعه 10
بقيت ساكته وبعاين ليه..
قال لي في شنووو؟م غيرتي رايك صح؟
قلت ليهو ابوي برضو قال لي مفروض اعمل زي م انت قلت كدة ورأيو م̷ـــِْن رايك بس..
م مرتاحه؟
سامر هو م كان زول كعب شديد صح؟ عِنـ.̷̷̸̷̐ـديّ كم يوم بفكر في كدة بالذات بعد الحاجات الكلفني بيها دي يعني م عارفه اقول شنو بالضبط بس حد تفاصيل تعاملي معاهو هو عاملني بطريقه كويسه حتى في موال قضيتك لما عرف اني انا اخدته رقمو علشان اتكلم معاهو بخصوصها وكدة اتصل علي لما م اتصلت قلت ليه كلام م حلو وقتها 💔
زي م قلت ليك انو عدوانيتك تجاهو مبررة لحد ما بس م بالحجم الانتِ اتعاملتي معاه بيه
م̷ـــِْن كم يوم قلبي واجعني ي سامر وبفكر في امي الميته م̷ـــِْن ناحيه، وفيهو هو م̷ـــِْن ناحيه م عارفه بفكر في شنو بس كدة هم في بالي
تعالي، ضماني عليه وقال لي دي كلها حاجات التفكير فيها م بفيد في شي،وبعدين م فكرتي فيها؟
الزول دة عايزك تكوني الولد الصالح والبار البيدعي ليهم ويتصدق بأسماءهم، حكمة •اللّـہ̣̥ شوفيها بتجي كيف ي شهد ،يعني ربنا سبحانه وتعالى م كتب يجمعكم في الدنيا بس سبب الاسباب البتخليك تكوني بارهه بوالديك حتى ولو بطريقه غير مباشرة، عارفه ي شهد اوقات كتيرة بحس بضيق الدنيا دي وانا براي يعني لٱ ام اللجأ ليها ولا حتى ابو شفتو بعيني في يوم بس كل م احس بالاحساس دة بعمل شنو؟
بتصدق ي شهد،كل م احس بفراغهم بتصدق لزول، كل م يمرو على مخيلتي بشوف لي زول محتاج افك كربتو،احياناً بشتري مصاحف بوزعها في الجوامع،واحياناً بشوف اذا في جامع ناقصو شي واعملو والاحساس دة في الاغلب ملازمني بشكل يومي بس اول م اعمل كدة ي شهد بحس نفسي شبه مرتاح او احساس الضيق ببقى اقل لأني عارف انو الحاجه دي ممكن تخفف عليهم وعلي كتير،
امي ي شهد لْـۆ كانت عايشه حياتي يمكن شكلها هسي حيكون مختلف،كل م اتضايق بدل م اختفي كنت حأرقد في رجولها،وم حتجتهد عشان تعرف مالي انا امي لْـۆ رمشته غلط ساي بتعرف اني م طبيعي..
العيد البعدي علي مسيخ لْـۆ هي عايشه حأفرح بتوب وجلابيه العيد الحأجيبهم ليها وجوطه البيت البتكونو فيها ايام العيد ديك حأكون معاها فيها،اوقات كتيرة بتخيل لْـۆ هي عايشه والدنيا عيد وصوتها مالي البيت،ي سامر هاك جيب لي دة،وجيب لي دة،ي سامر ارفع لي دة وخت لي دة،ي سامر عَلـــَّق لي الستاير، ي سامر ساعدني في الخبيز دة،ي سامر،ي سامر،ي سامر،وصباحيه العيد تصحيني م̷ـــِْن صباح الرحمن وتمرق لي الجلابيه وهي بتكورك قوم نلحق الصلاة،الجلابيه م مكويه كويس و ...الخ،المشهد المحروم منو دة بعيشو في مخيلتي كل عيد بشكل كامل وبنبرتها على مر السنواو دي الحاجه الوحيدة البتخليني استقبل العيد بنفسيات احسن لاني بكون عشت الحاجه دي في مخيلتي حتى لْـۆ وهم وخيال كونو بخليني اكتسب شعور احسن دي حاجه كفيله اني م امل منو ابداً، امي كانت هميمة ي شهد،هميمة شديد كانت بالذات في اي شي بتعلق بي، يمكن عشان وحيدها ،عشان كدة لما ابوك وكلك بي إنو تكوني المسؤل عن الحاجات دي كلها انا م لقيت تعليق على التصرف دة غير انو عايزك تضمني الجنه ي شهد...🌻❤️
