#الشاهين28
بعد كلامو دة بقيت عايزة اعاين ليهه بس م قادره،واحساس انو هو ماسك يدي حسسني بشعور احسن م̷ـــِْن الكنت عليه اول،وشبه هديت،ويدي فجأة بقت باردة وهو مكمل سواقه عادي فجأة جاتو مكالمه، عاين لي جريت يدي منو،شال التلفون وقال:
اي ي احمد،لٱ ماشي اوصل شهد دي البيت وجاين راجعين،داير العربيه انت ولا شنووو ؟لو دايرها سَـآعــهْْ وشويه كدة بنكون هناك تعال، حاجات وين ورا في العربيه؟ليييهه م گلمتِني قبيل ياخ كنت شوفتهم ليك، طيب ابشر بتأكد ليك منهم،انت مشيت سوقت البوكس م̷ـــِْن هناك ولا لأ؟ لييييهه؟
سايقو عبدالرحمن قالو ليك كدة؟
ټمـٱمـ، لٱ خليهو م تتصل عليه،ياااا احمد قلت ليك م تتصل انا بحل الموضوع ټمـٱمـ؟ يلا في امان •اللّـہ̣̥،
قفل واخد نفس كدة وهو باين عليه الضيق،عاينت ليه مساااافه قلت ليه مالك؟
قال لي انا؟ ماف شي
سكتت،وهو وبقى يمسح في جبهتو والحركه دي م بعملها الا وهو متضايق
وصلنا البيت ،فتح لي الباب دخل معي ولع لي الأنوار وقال لي بنتظرك برة شوفي احتياجاتك واطلعي
قلت ليه ماشي،
في كدايس فجأة جو يتشاكلو في نص الحوش وانا كنت داخله على الهول ف وقفت
ضحك وقال لي بنتظرك في الحوش هنا طيب يلا اسرعي،
دخلت اول حاجه عملتها استحميت بسرعه والجو بارد والمويه ابرد،شلت عراريق وسراويل خفيفه لي ابوي عشان جسمو بسخن،وشلت ملابس لي امي ومهند لبست عبايتي وجيت طالعه وانا برجف ،
قال لي خلاص؟ قلت ليه ايوة،وعلى فكرة ممكن تدخل تستحم لْـۆ عايز وكدة،قال لي لٱ انا استحميت قبيل احمد جاب لي غيارات في العربيه
قلت ليه ټمـٱمـ طيب يلا،طلعنا وانا اسناني بتضرب في بعض وكلام م قادرة اتكلم ،اول م ركبنا سمع صوت اسناني قال لي بردانه ولا مالك انتِ استحميتي ؟
هزيت ليهو راسي
قال لي حمام انتحاري عديل في برد زي دة
قلت ليه اعمل شنو ريحتي كلها مستشفى مستشفى،
ضحك وقال لي ودي كيف دي؟ دقيقه ،
رجع لي ورا في شنطه فتحها طلع منـِْها حاجات كتيرة ٱڅڑ حاجه قال لي هاك، دة جاكت برد جابو لي احمد مع الملابس
قلت ليهو لٱ خليهو انت حتحتاجو اكيد دة م برد زول يمشي فيهو ساي و...
فجأة لقيتو بلبسني ليهو وبقول لي بتحبي تصرفي عربي كتير في حاجات م بتسوى، وهو مقرب مِڼـّي وبلبسني ليه انا جمبو زي الشافعه، واعاين لي مرة ومرة ازح وشي منو،
بعد م دخل لي يدي فيهو قال لي كدة ټمـٱمـ وحتحسي بنفسك افضل،ودة المكيف قفلناهو والقزاز كمان م حنخلي فِيَھ منفذ،
فجأة في زول دق باب العربيه
سامر عاين لي ونزل القزاز
سلام عليكم
كان عمو اسماعيل
قلت ليهو اهلين عمو اسماعيل گـّيَفْ الـّحـّال ٱن شـْاءِ اللـٌہ بَخـّيَرٌ؟
سامر قال ليهو مرحب السلام
عمو اسماعيل قال لي في شنو مالكم ي ناس، حاج الصادق مالو ليكم يومين غايبين واظن قالو عيان خير؟
قلت ليهو والله ي عمو ابوي تُعباُنٌ شديد للإسف والكلى ضمرت
قال لي لٱ حول ولا قوة الا بالله،متين ووين هسي هو وليييهه ماف زول كلمنا يااااخي معقوله؟
قلت ليه كل شي حصل فجأة والله ي عمو تعب بس سقناه ومسكوه هناك
