the COUPLE-verse.2(ДУУССАН)

АНХ-7

Өвлийн сүүл сар. 

Автобусны буудлаас сургуульруугаа гудамж өгсөн урагшлах Мину. Нэхмэл хөх ороолтдоо шигдэн алхах түүний урт шулуун сормуус анзаарагдам мөстжээ.

Чихэндээ уясан чихэвчнээс нь таатай хөгжим эгшиглэж, урамтай гитарын нотонд нь хөлөө зөөн алхах хүртэл хөнгөн санагдана.

- Ах аа!

Сургуулийн хашаагаар орж явтал нь Жисон гэнэт л урд нь гарч ирээд түүнийг цочоож орхив.

Чалчаа хөвгүүн хэдэн өдөр уулзалдаагүйгээ нөхөх аятай амаа завгүй хөдөлгөж юм ярихад хэдийн түүнээс цочихдоо толгой дундуур нь адис буулгаад авсан Мину мэндийн зөрүүгүй алхаагаа үргэлжлүүлээ.

- Юу сонсож байгаа юм?

Дүү сурагч ахынхаа нэг талын чихэвчийг сугалж аваад сонсов. Мину гийн сонсож байсан дуу бол Жисоны түүнрүү явуулсан "Love will find a way" гэх дуу байлаа.

- Ах аа,.. та нээрээ. Ёстой нэг

Жисон ахыгаа чихэвчээ суглуулчихгүйн тулд түргэн алхахад хүргэн байж урд нь гараад дууг ам барин дуулж гарлаа. Толгойгоо хоёр тийш аяд тааруулан савлаад, хоёр гараа өмднийхөө халаасанд нуусан ч найгах хөдөлгөөнөөрөө өмнө нь бараг л бүжиглэж, тэгээд эрхий хуруугаа түүнрүү гозойлгох хөвгүүнрүү Мину "юу гээв?" гэх шиг мөрөө хавчхаас хэтэрсэнгүй.

- Ах аа, та ёстой шилдэг нь! Намайг танд ямар их хайртайг мэдэх үү? Би танд үнэхээр сайн, ах аа

Анги руугаа ч оролгүй, Мину г даган ахлах ангийн давхарлуу шатаар дэгдэх жаал ахаасаа зүүгдэн тийн дэмийрэхдээ утсыг нь булааж аваад дууг дахиад эхнээс нь тоглуулах аж.

- Яваач ээ, яв яв

- За яг энийг сонсож дуусаад л явъя

- Үгүй ээ, өөрийнхөөрөө сонс

- Би чихэвчээ мартчихжээ. Ээ тэг л дээ

- Тэгвэл минийхийг ав.

Жисоноос баахан төвөгшөөн чихэвчээ салгаж өгчхөөд урагш алхах гэсэн Мину өөдөөс нь бэлтгэлийн цүнхээ үүрсэн Бан Чан бууж ирэхийг хараад хэсэг гацсанаа анги руугаа яарлаа.

Ахынхаа хойноос харж, өөдгүй хэмээн бувтнан үлдэх хөвгүүний дэргэд дээд үеийн нэг ах гуай ирж зогсчхоод замыг нь хаагаад байгаа аятай хөшиж, дээрээс нь доош гүйлгэж харснаа өөрийнхөө мөрийг байдгаар нь өргөн тэнийлгэв.