علي؛ شي جان يهون على شي وشي يجبر شي... لحد ما انكسر كلبي من جديد على اخوي ورجعت معاناتي القديمه على زينب لكن الله عوضني.. رجعت علاقتي قوية بنورس ورجعت اتصالات ما بينها وبين زينب كذالك بيوم من الايام اتصلت علي نورس وقالت ان انها ما مرتاحة وقاعدة تفكر بعلاء وحاسة ان بي شي ف نزلت اشوفه وين نزلت من السيارة واتجاهي لمكتبة دخلت ما لكيته رحت افتريت على المراحل كذالك ما لكيته بدربي لكيت دكتوره ميسلون
علي؛ مرحبا دكتوره
ميسلون؛ اهلا استاذ علي
علي؛ دكتوره ما شفتي علاء وين
ميسلون؛ قبل ربع ساعة طلع بس جان معصب ومبين على وجهة ان هوه حيل تعبان
علي؛ ليش صاير شي
ميسلون؛ لا ما صاير بس هوه قبل لا يطب للمكتب ماجان بي شي وجان فرحان اجت يمه طالبته َطلعت هوه شوي وطلع معصب واحواله مكلوبه
علي؛ الله يستر مشكورة دكتوره
ميسلون؛ هلو عيني
علي؛ من بعد هل حديث الدار ما بيني وبين ميسلون رجعت اتصلت بنورس
علي؛ نورس علاء طالع والدكتوره مكلوبه احواله ورا ما طلعت منه طالبته
نورس؛ طالبتة؟
علي؛ اي كالت قبل لا تجي جان كلش طبيعي وفرحان من طبت وطلعت انكلبت احواله
نورس؛....... لحظه صمت..... علي علي
علي؛ وياج
نورس؛ بس لا شهد
علي؛ يا شهد
نورس؛ لك شبيك شبسرعة نسيتها شهد هاي طالبته الي يحبها
علي؛ لحظه نورس هسة ارجع اتصل بيج
سديته من نورس ورحت رجعت للدكتورة اسألها شسم الطالبة ووين احصلها رحت لكيتها توها تريد تطلع
علي؛ دكتوره دكتوره
ميسلون؛ ها عيني
علي؛ ولو اذيتج بس شنو اسم الطالبة تعرفينها
ميسلون؛ ها قصدك الي دخلت للمكتب مال دكتور علاء
علي؛ اي هية
ميسلون؛ اي اعرفها هم طالبة ادرسها انا اسمها شهد مرحلة الثانية
علي؛ مشكورة دكتوره
رجعت اتصلت بشهد
علي؛ هيه مثل ما كلتي
نورس؛ شوف راح اكلك شنو تسوي حتى نعرف راسنه من رجلينه
علي؛ احجي
نووس؛.......
.
.
شهد؛ من طلعت من غرفة استاذ علاء حسيت بخوف مو طبيعي لا يرسبني او شي وبنفس اللحظة انقهرت علي وهم اكول شنو ذنبي مااحبه يعني مو اجباري كملت يومي لحد ما كملت محاضرتي اجيت اطلع اجاني شاب نازك لابس قميص كحلي وبنطرون اسود وحيل مرتب اجه وقال
علي؛ مرحبا
شهد؛ نعم تفضل
علي؛ انت طالبة شهد بالمرحلة الثانية
شهد؛ تفضل وصلت
علي؛ انا الدكتور علي اخو الدكتور علاء ممكن اخذ من وقتج جم دقيقة
شهد؛ خير استاذ صاير شي
علي؛ امشي وياي وهسة افتهم منج وافهمج
شهد؛ صحيح حسيت بخوف منه لان جانت عيونج تجدح عصبيه مشيت وياه كعدنه بالحديقة
علي؛ انت اليوم رايحة يم علاء بالمكتب
شهد؛ اولا مو انا الرحت هوه الي دز علي وواجبي ك طالبة وهوه دكتور من باب الاحترام ان من يطلبني اروح وياريت مارحت
علي؛ اهاا حلو شنو صار او شنو دار ما بينكم
شهد؛ حجه وياي
علي؛ شنو كلج
شهد؛ جريت نفس.... خطبني
علي؛ اي؟
شهد؛ شنو اي رفضت
علي بعصبيه؛ وليش يعني
شهد؛ لان انا على ذمة رجال ثاني
علي؛ بصدمة. شنو!!
شهد؛ اي استاذ انا مخطوبة واليوم فتح وياي الموضوع وانا رفضت واعتقد هذا هوه الصح والي لازم يصير
علي؛ مابين الصدمة ومابين افكر بكسرة قلب اخوي... وليش ما حجيتي من الاول
شهد؛ استاذ انا انخطبت بالعطلة ومااعرف انا شكو يعني اشم ايدي
علي؛ كسرتي كلبة شهد كسرتي كلبة
شهد؛ الله يوفقة ويلاكي الاحسن مني
علي؛ عفتها ومشيت ومااعرف وين اروح وشسوي وشنو اكل لامي وحتى اتصل علي ما يرد علي انا ونورس احتارينه شنسوي اضطريت ماارجع للبيت واكل لامي طالعين بشغله انا وعلاء واحتمال نتاخر لو مانرجع
.
نورس؛ ورا ما صار الي صار احس الدنيا وكفت بيه وكمية الخوف الي بكلبي ما تنوصف وخوفي على علاء صرت مااعرف شنو اسوي بس كاعده واتصل علي ويطلعلي مغلق يمكن هذا اليوم اصعبببببب يوم مر علي بالدنيا كلها احس ردت اموت لليل انا ماكدرت اتحمل كعدت بالكاع وضليت ابجي ابجي طلعت شكو الم بداخلي على علاء اريدة بس يرد علي علمود اعرف هوه وين وخايفة لا يسوي شي بروحة.
.
علاء؛ مخذول! مكسور! كلبي محروك!
كلهن شوية شويه بالنسبة لكمية الالم الي بداخلي طلعت رحت لفندق حجزت غرفة اسبوع طبيت للغرفة صرت احجي وي نفسي
يالله علاء طلع لبداخلك يالله ابجي صيح كسر سوي اي شي لكن كلشي ماكو البرود سيطر علي تماماً احس احد ضاربني ابرة بنج مااحس باي شي مجرد كاعد وصافن يجي الاكل ويروح الاكل وعلى حالة مااعرف شنو اسوي لو شنو اتصرف مااريد اي احد يمي اريد بس انا وروحي نكعد غلقت التلفون وشمرته بالكنتور لليل نزلت اشتريتلي ملابس ورجعت للغرفة كاعد يم الشباك تذكرت خساراتي ابوي... شهدتي... حبيبتي البنيه الوحيدة الي حسستني ان انا عندي كلب واعرف احب... زين انا هاي مواضيع تقهر تبجي انا ليش ما جاي ابجي علاء وين دموعك انت بحدك هسه يالله ابجي كسر الغرفه صرخ ليش ساكت؟؟ ماكو رد.... ضليت ٤ ايام بالفندق على نفس الووضع على امل اكدر اطلع الي بداخلي بس ماعرفت فشلت قررت ارجع للبيت لحظن امي على الاقل احس بعدني ماهاسر شي يالله عادي هوه كلبي لمات ماكو شي مهم رجعت للبيت و.....
.
.
علي ؛ بلغت اخواني وزينب على الموضوع بس وصيتهم ما يكولون لامي واذا سألت يكلولها ببغداد عدهم مؤتمر وان تلفون علي طاح واتكسر سبوع لو سبوع ونص ويرجعون صرت انام ببيت خالي ابو نورس.... نورس طبعاً حالتها مو أسوأ من عدنه التعب عليها صار واضح وساعه اصبرها وساعه تصبرني نروح لدواماتنه ونرجع والحال واحد لحد ما الله فرجها وعلى ساعة اتصلت زينب وكالت علاء بغرفته رجع احس الكاع ما شالتني عفت كلشي ورجعت اسرع من الطياره للبيت طبيت بسرعة للبيت لكيت امي جاي تصلي
ام علي؛ يمه جا وين اخوك
علي؛ يمه رجع قبلي فوك تلكي
ام علي؛ يمه صيحة مشتاقتلة
علي؛ اي يمه صاعدله صعدت طبيت لكيته واكف بس مو هوه التعب مبين على وجهة باوعلي ابتسم رحت علي شبكته حيل كتله
علي؛ وكفت كلبي عليك
علاء؛ عرضية اجت الحمدلله
علي؛ انت زين
علاء؛ اي
علي؛ نورس راح تتخبل عليك لبنيه ميته الا شويه.
علاء؛ مابية شي
علي؛ واضح ما بيك شي علاء انت فرغت ابي بداخلك
علاء؛ مابية شي علمود افرغة
علي؛ بس ما....
علاء؛ علي اريد انام اطلع برا
علي؛ طلعت برا خليته على راحته نزلت لكيت امي جاي تصلي خليت ورحت لنورس للشغل مالتها اريد اطمنها وصلت للشغل دكيت الباب
نورس بصوت مبحوح؛ تفضل
علي؛ اي آنسة نورس تخليني ادخل لو لا
نورس؛ علي لا تشاقة ترى الوضع كلش مو مال خفة دم
علي؛ ليش اسم الله شصاير
نورس بعصبية؛ اخوك ما ندري وينه مانعرف ارضه من سما وتكلي شصاير ياخي شهل برودة الدم
علي؛ على كيفج بويه شبيج اكلتيني اكل اخوش ذاك هوه قبل شوي طاردني من الغرفه
نورس؛ رجع
علي؛ اي
نورس بسرعة؛ امشي اريد اروحله ليش ما اتصلت علي من مساع
علي؛ اوكفي يا معودة خل احجي وين طايرة
نورس؛ شلون مااطير ٤ ايام علاء ماهوه اريد اشوفه
علي؛ علاء بعدة بقهرته وما مفرغ لبداخلة وانا اجيتج علمود انت تساعدي
نورس؛ مااركزت بحجي علي جان كل همي اروح واشوف علاء طلعت بسرعة للبيت عمتي وصلت سلمت على عمتي وزينب وميا صعدت اله دكيت الباب ما اجاني رد مره ثانيه ماكو ردت الثالثه ما تحملت فتحت الباب والا اشوف علاء بالكاع وووو.....
يتبع.....
٢٦/٢/٢٠٢١
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
