علي؛ لقينه علاء كاعد بالكاع ويقرأ قران
نورس؛ علاء انت وين جنت ليش هيجي اختفيت
علاء ببرود؛ مابية شي لاتخافين
نورس؛ شلون ما اخاف علاء تحجي صدك
علاء؛ اي مابية شي
نورس؛ الي جاي تسوي غلط
علاء؛ وين الغلط بالموضوع
نورس ؛ انك ما جاي اطلع الي بداخلك مايصير
علاء؛ ليش هوه شنو بداخلي حتى اطلعه
نورس ؛ شهـ بعدني ما مكمله الاسم واجاني صوته
علاء؛ بسسسس سكتي سدي حلكج ماريد اسمع اسمها فهمتي
نورس؛ من شفته عصب اغتنمتها فرصه حتى اخلي يطلع الي بداخلة... لا ما افتهمت ادري بيك تحبها وتموت عليها وهيه هسة على ذمة رجال ثاني فأنت لازم تطلعـ...
علاء؛ ولجج بسسس سكتييي ماريد اسمع هل حجي ماريد اسمع هيه لغيري ماريد اسمع اسمها فقدت اعصابي صرت اكسر شكو شي كدامي كسرت العطور المرايه صرت اصرخ واصرخ لحد ما تعبت وكعدت بالكاع
نورس؛ اول مره اشوف علاء متهستر ضل يكسر كلشي كدامه ويصرخ علي راد يكضه بس انا ماخليته على مود يطلع شكو شي بداخله كعد بالكاع فحطان تعب من الصريخ والتكسر رحت يمه
نورس؛ أهدأ الي حطها بطريقك يحط عشرة بمكانها لا تنقهر وتضوج كلشي بالدنيا قسمة ونصيب
علاء؛ اسمع حجي نورس ودمعتي طاحت ضعفت لأول مره ماتوقعت ابجي كدامها من َورا وفاة ابوي .
.
.
.
شهد؛ مرت ايام استاذ علاء ما يداوم ولا يجينة وصراحة احس من ورا موضوعنه استمرت ايامي عادية لحد ما زيوني قرر على نهاية الكورس يكون العرس وانقل لبغداد طبعاً انا كيفت ما اعترضت بديت اجهز ووياي نبا صديقتي هم بس كلش متكئبة نبأ ومالها خلك كل واحد بينه انطفى شي بداخلة بس انا ضليت اصبرها وانطيتها امل وضليت اذكرها بنفسي وان الله قادر يقلب الوضع كله لصالحج على لحظة... بيوم من الايام جنت بالجامعة وطالعه بالكفتيريا وكاعده اتراسل وي زيوني اجتني اشعار من صديقتي
💬استاذ علاء اجه وينج
💬شنوووووو! جاية جاية
رحت ركض للقاعة ماجنت متوقعته راح يداوم واليوم بالذات لان ما جنت بالقاعه كل يوم مزروعه بمكاني ما يجي اليوم لان سختت شوي اجه وصلت لباب القاعه وكلبي يريد يوكف من الخوف دكيت الباب اجاني صوته :
.
. علاء؛ مرت ايام مليت من الحزن والقهر قررت ارجع لحياتي وشهد الله ينسينياها رحت للجامعة الاساتذة يتحمدولي بالسلامة والطلبة كذالك اخذت مرحلة ثالثة ونوب عندي بالثانية رحت بس احس اعصابي بدت ترجف ماعرف شنو يصير من اشوفها خذيت نفس عميق وصليت على محمد ودخلت الطلبة ما توقعو اجي سلمت عليهم بديت اخذ حضورهم ما جنت اباوع عليهم مثل كل مره مجرد اسمع ردهم اندك الباب
علاء؛ تفضل
شهد؛ اسفة استاذ
علاء؛ ليش متأخرة مو عندج محاضرة؟
شهد؛ والله اسفة استاذ بس والله ما ادري كل يوم كاعده بمكاني بس اليوم نزلت للكافتيريا وانت اجيت
علاء؛ شفتها تحجي بخوف ومبين عليها ماردت اضعف كدامها واسامحها صحت بيها
علاء؛ طلعي برا
شهد؛ استاذ والله مـ.....
علاء؛ ما اعيد كلامي تفضلي برا
شهد؛ طلعت برا بس اريد اختفي من الفشلة فشلني كدام الطلبة 💔
علاء؛ طلعت حسيت ارتاحيت ضليت اشرح الهم على راحتي صحيح اعصب عليهم شوي بس ارجع اهداء كملت من عدهم سويت الهم اختبار سريع وطلعت رحت للمكتب اندك الباب
علاء؛ تفضل
نورس؛ احم احم استاذ اكدر ادخل
علاء؛ ههه دخلي دخلي شذكرج بية
نورس؛ والله شسوي انت قليل اصل انا اصير احسن منك
علاء؛ هاا الي هل حجي ولج
نورس؛ لالا اتشاقه وياك والله بس انت كاطع لا تسأل لا شي وانا مهيتتك على راحتك
علاء؛ مالي خلك
نورس؛ ديلا على الاساس انا الي خلك.. بس جايتك بعرض تبوس ايدي من جماليته
علاء؛ تخسين بس احجي
نورس؛ سفرة لبغداد نغير جو على نهاية الاسبوع نطلع من البصرة الخميس ب ٤ ونرجع الاحد
علاء؛ امممم ما اكول لا عادي نروح بس كلتي لعلي
نورس؛ عزيزي علي كتله ولشباب طالعين هسه يشترون سوالف الطريق يعني بقت بس انت واذا ما رحت بكيفك ناخذك غصباً عليك
علاء؛ ديالله انا جوعان كلش امشي للبيت خل نتغده
نورس؛ بيتنا لو بيتكم
علاء؛ بيتنا
رجعنه للبيت امي واخواني شافوني اضحك واسولف وي نورس وهمه هم يفتحون مواضيع حلوه لحد ما امي نطقت
الام؛ يمه فهودي يمتى اخطبلك
فهد؛ هسه حبي ماكلج لا
نورس؛ استحي ولك شنو هسه
الام؛ اي شكو بيها خل لعصريه نروح
نورس؛ لا خاله ماعليج بابنج من نرجع من بغداد نروح حتى نجيب الهم شي حلو مناك مو نروح وايدنه فارغة خل ابنج يستقر علينه
فهد؛ على راسي راعية الاصول انت
كملت من بيت عمتي ورجعت لبيتنه بديت احضر ملابسي بالجنطه امي اجت يمي كعدت
ام نورس: يمه نورس لا ترحين ما مرتاحه للسفره
نورس : لا يمه شسالفه قابل رايحه وحدي وياي سيارتين وانا الثالثه ولازم اتعلم على السياقه اكثر مليت وانا سياقتي محدوده بس بالمحافظه اريد اسوق طريق دولي
ام نورس : يمه قلبي عليج فكري
نورس:يمه لاتخافين ما يصير بس الي الله كاتبه الي ...
صار فجر السفره اجو الشباب لبيتنه ساعه 1 ص كاعدين نضحك ونسولف وامي تباوعلي وصافنه علي مادري ليش خوفتني نظراتها كلش صارت ب ٣ ونص صلينه وتقسمنه على السيارات سيارة علاء وياه فهد وميا وعلي وياه مهند الي ينعس بيهم يسوق واحد بيهم ببداله طلعنه لبانزين خانه ترسنه سياراتنه بانزين وتوكلنه طول الطريق احنه نتشاقه ونتسابق وواحد يكسر على الثاني وكفنه بالمطعم تريكنه ارتاحينه بقينه بالمطعم ساعتين وشوي حتى نرتاح من الطريق كملنه جاي اصعد بسيارتي شفت التاير القدام شوي نازل كلت يالله من اوصل لبغداد اسوي مو اول مره ينزل بدينه نمشي بالطريق وبدينه نزيد السرعه اكثر واكثر لحد ما سمعت صوت صكه قويه وو.......
علاء : كملنه من المطعم وطلعنه صرت اشوف سيارة نورس شوي شوي ما تتوازين لحد ما بلحظه شفتها انكلبت على التراب والتاير الكدام فلت من مكانه احس كلبي وكف اريد اوكف سيارتي ما اعرف طبكنه على صفحه انا وعلي ونزلنه نركض عليها نورس شبهة فقدت الوعي جانت لابسه حجاب كريمي حجابها صار بي دم الطكه صارت براسها اتصلنه على اقرب مستشفى والناس وكفت النا والشرطه بعد نورس حالها يرثى له بالقوه قدرنه نطلعها من السياره الي صارت الف وصله .
نقلنا نورس للمستشفى وحالتها خطره انضربت براسها وكذالك جروح قويه عدها احتاجت عمليه انا وعلي كل واحد بينه خوفه اكثر من الثاني على نورس مهند شكد قوي ساعات احس ان رب العالمين ماخلاله مشاعر ولا قلب ولا شي بس شفته يبجي عليها ميا كذالك ما سكتت بس تبجي وفهد كلش متوتر ويدعي كون مابيها شي عدت ساعات اهالينه صارو يتصلون علينه تلفونها هيه بالجنطه ولحد الان ماجابو اغراضها النا علي بلغهم عن الحادث طلع الدكتور كال ان الظربه اجت براسها وجانت كلش قويه وفقدت دم هواي لحد الآن ما يعرفون وضعها شنو لازم تحت المراقبه 48 ساعه احس روحي بدت تطلع ماريد اخسر نورس ياربي بس هيه وامي احبهم كلش هواي ماريد يرحون من عندي راح ابوي وشهد ماريد هسه هم نورس صرت اندعي وابجي ماريدها تروح لو يصير بيها شي علي حاله مو احسن من حالي نورس جانت صديقة الكل واخت الكل ساعات نحتاج نحجي اشياء ما نكدر نحجيها لامنا جنه نروح الها ونسولف وياها وتلكه النا حل لاي مشكله عمرها ما اشتكت من احد ولا جانت تبين للمقابل ان بيها شي
صار الليل واجت امها وابوها حالهم يصعب على الكافر امها تبجي وتعاتبنه شلون خليناها تسوي الي براسها وتسوق طريق دولي اكلت بكلبي عتابها اكل و......
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
