احدهم لم يكن صدفه

البارت الثاني

فـٲلقـلوب ٲلصادقـہ لـن تمـوت🎈🧡
.
.

..............
نبأ : رحت للمدرسه والبنات خابصات روحهن لان اليوم طلبه راح يجون وي دكتورهم وانا كلش مالي خلكهم لان تعلمت اكعد بالملعب واكل بالفرصه شوي واحنا بالدرس سمعت هوسه واصوات مشي بالممر والا شاب ورا هم بنات وولد بس فد شكله يجذب النضر البنات عيونهن نطت انا رجعت ركزت بالدرس هيه مال تباوع عليهم
هناك ونسمع اصوات مال تصفر ولعب وضجه فعلاً تشوقت اعرف شكو لان كلش احب سوالف مال اللعب والهوسه من جنا انا ومراد صغار اذا نلعب البيت ينكلب هرجه بلا وعي اخذت لفتي وكتابي ودخلت للملعب يمهم وكعدت زاويه اباوعلهم واكل وعين على لعبهم وعين على الكتاب اراجع شكلهم كلش حلو وحبيت اختصاصهم نويت اذا ادخل جامعه اروح قسم الرياضه
علي :رحنا للمدرسه والمديره استقبلنا ودلتنا على الملعب بدلنا بالحمامات لبسنا زي اللعب وبدينا نلعب لفتت لنتباهي طالبه بيضه حلوه وناعمه وكلش لبسها نازك عكس البنات بيدها لفه وكتاب وبطل ماي مااحس الا دخلت داخل الملعب مشت مشت وكعدت على صفحه بين لتباوع وتاكل وتقرا شكلها جان كلش بريء وكيوت ضليت كل شوي اباواع الها وهيه تقرا وتباوع النا وكل شوي تبتسم
دك الجرس كملت اكلي وطلعت جاي امشي واجت بيه الطوبه برجلي  وجانت قويه الضربه بسرعه طحت بلكاع التمو علي البنات والولد ها خو ما تعورتي
نبأ : رجلي اذتني اخخ
ولد:اي شدخلج هسه ما تشوفين جاي نلعب
نبأ :انا جايه لمكاني ما جايه الك ما ميته على لعبكم
علي : ها عمو شبيج
نبأ :عمو ضربوني بالطوبه وهذا جاي يحجي علي يكلي شجابج عباله ميته عليكم مايدري انا هذا مكاني متعلمه عليه
علي : بالله وخرو اشوف وين رجلج تعورج
نبأ :هنا اشرت على مكان الالم
علي : شوفي راح اطكها الج بس صيري قويه وتحملي
نبأ : لا لا عمووو ماريد اخاف وآلله ماريد
علي : شنو تخافين انت سبعه وخري ايدج اشوف
نبأ : وخرت ايدي عن رجلي وغطيت وجهي بثنتين ايدي وكعدت ابجي من الألم هناك ورجلي طكت صرخت من الالم
علي : ضلت مثل لجهال تبجي وغطت وجها بثنين ايدها هناك وصرخت اجت المديره والمعاونه ووياهم امي تعجبت!
علي: يمه شتسوين هنا بصدمه
ست الهام ام علي: ماما انا هنا ادرس شنو نسيت من انقلت لهنا
علي :اي وآلله نسيت اصلاً ما مركز 
ست الهام: يمه نبوي حبيبتي خو ما تاذيتي
علي؛ شنو ادرسينها
الهام: اي هاي احسن طالبه عندي خوش بنيه
علي : اهااا
نبأ : ست عفيه اريد ارجع لامي
المديره : اي ماما كومي يالله

......
.
.
.
شهد: بعد ما طلعت من الكافتيريا خابرت السايق يجي علي لان خلصت محاضراتي كعدت انتظره برا وشمس حر اتصل وكال صار عنده بنجر فراح يتاخر كعدت على المسطبه انتظره والشمس كلبت احوالي كلش متت مدنكه وحاطه الدفتر على راسي حد مااا كضتني دوخه كلش قويه هناك واجه السايق وبالكوه كدرت اكوم صعدت لكيت مشغل تبريد ردت روحي بس احس لهسه دايخه وراسي المم لا يطاق وصلت للبيت بالكوه امشي صارت عندي ضربة شمس امي شافتني وجهي احمر انطتني ادويه وخلصتها بس نايمه ثاني يوم ابوي راح اخذلي اجازه بس رجع وكال الدكتوره ما موجوده والدكتور الي راح يجي مكانها ماهوه ماجاي فمااخذت اجازه منه وبلغته كتله مالازم تعودنا على شرح ست نرمين اكيد الدكتور الراح يجينه شايب وحال الظيم حاله المهم اخذتلي اجازه اسبوع وكعدت بالبيت حد ماا رجعت صحصحت ورد النشاط بيه واموري رجعت تمام التمام وباجر احد وراح اداوم اخذتي محاضراتي من زميلاتي وجنت ادرس اول باول
ثاني يوم داومت والا بوجهي يصير الشاب الغثيث.....
علاء:رجعت للبيت وتبلغت من العماده باجر انا راح اخذ مكان ست نرمين كعدت افكر شلون اتعامل وي مرحله الأولى اكيد تصرفاتهم مال جهال شايلين طيش الاعداديه وجاين... ثاني يوم رحت جانت عندي محاضره بالاولى رحت الهم مباشرةً دخلت سلمت كعدت احجي وياهم واخذت الحضور واسمائهم بس كالو اكو طالبه ما جايه اسمها شهد سجلتها غياب عندي لان ما ماخذه اجازه مني كملت محاضره وياهم وكدرت اسيطر على وضعيتهم خلصت رحت الكفتيريا تذكرت البنيه ام لسان اليوم ماهيه ماشفتها كعدت انتظر ماكو اتمشيت ماكو ماالها اثر وانا ماعرف اي قسم هيه حتى اروح اسئل عليها كلت دخل تولي وحده ما مادبه عليمن ادور عليها تعلمت على دحرتها
مر سبوع وهيه مالها اثر وروتيني مثل ما هوه والطالبه شهد مااداوم صرت اضوج منها لان مااحب الطالب الما يلتزم وغياباته هواي
اجت الجمعه والسبت ارتاحيت من ضغط الدوام خلصتها نوم العطله
اجه يوم الاحد مادري ليش مستعجل على الطلعه اريد اروح للجامعه  اجه علي ورحنا وصلني والا بالباب  اشوف البنيه نفسها بلا وعي كتلها شلونج
شهد : اجه وكلي شلونج انا صفنت
علاء: شبيج
شهد: زينه
علاء:مختفيه
شهد: عفواً! شعليك
علاء: لااا شوفي اذا من اولها نبدي مداحر ومشاكل كولي
شهد: لا مداحر ولا مشاكل بس شنو مختفيه!
علاء: اي صدك شعلي بيج ديلا منا
شهد:كلي ديلا منا تنرفزت مالحكت ارد عافني وراح رحت للقاعه متنرفزه منه اذا اعرفه الا اشتكي عليه عند العماده سلمو علي صديقاتي وضلينا نسولف هناك تلفوني دك طلعت برا احجي امي كاعده تبجي وتحجي ماافتهمت شي عبر من يمي الشاب الغثيث مااهتميت اله بالاخير فهمت بيبيتي ماتت وامي منهاره من خلصت من المكالمه درت باوعت باب القاعه مسدود! رحت دكيت الباب مديت راسي والا...!
علاء:لكيتها واكفه شوي قريب عن المرحله الأولى كلت بس لا هاي طالبه شهد دخلت سديت الباب بديت بالمحاضره والا الباب انفتح على كيف ومدت راسها تصرفها ضحكني بس بكلبي ضحكت اشرتلها بصبعي يعني تعاي
شهد: دخلت وياريتني ما داخله هذا شيسوي هنا
علاء: مو شفتيني اجيت ما دخلتي
شهد : مادري بيك وبعدين هو انت شتسوي هنا
علاء: صدك انا شسوي هنا؟
شهد: وين ادري كل لروحك
علاء: ولجج ضبطي روحج واحجي وي دكتورج عدل فهمتي لو لا ويلا امشي طلعي
شهد: كلي دكتورج فلت ابو ام وجهي.. اصلاً انا طالعه للبيت
اخذت جنطتي وكتبي وطلعت خابرت السايق واجه ورجعت للبيت قبل لا اروح راحت اخذت اجازه اسبوع لان ابغداد اهل امي رجعت خابرت لنبوي وكتلها على سفري ولملمت ملابسي ورحنا لبغداد
علاء: كالت اصلاً انا طالعه اخذت اغراضها وطلعت بسرعه كلت هاي وين رايحه وفعلاً  طلعت وماهيه اختفت من الجامعه اجيت الهم بالمحاضره الثانيه على الاساس اريد واحد من الطلبه انطيه ملزمه بس ماكو باوعت لمكانها ماهيه عفت ورحت
............................................
نبأ :رجعت للبيت والم برجلي مراد راح وسوالي اجازه  مريضه ورحت للمستشفى ورجعت الادويه سطرتني ونومتني خلصت يومي كله نايمه لبنات اخابرهم ينطوني الدروس ضليت افكر بالاستاذ مالتهم  من اجه يمي وكعد سوا رجلي نوب صحيت من صفنتي ايييي نبا شبيج بكد ابوج هذا هوه انت وجهه حب دصحي على روحج رحت نزلت بس اعرج وبالكوه امشي امي شافتني
امي:ليش نزلتي
نبا:جوعانه كلش
امي :تعاي الاكل جاهز
صبتلي اكل امي وكعدت اكل مر سبوع وانا على نفس الكعده والنومه بالبيت وجان يوم ثلاثاء وراح ارجع للمدرسه

علي: المديره اخذت الطالبه نبأ وراحت كملنا لعب احنا وقبل لا نطلع اخذت الولد الي صيح على الطالبه
علي:احمد تعال شوي
أحمد :نعم دكتور
علي :شلون تصيح هيج على لبنيه
أحمد :استاذ شجابها بنصنه جاي نلعب يعني ماكلولهم مايصير تجي يمنا
علي :البنيه بعدها طفله شبيك واصلاً مايصير تصيح عليها وماا اثرت علينا بشي هيه
احمد :اسف استاذ
علي :يالله روح
رحت للجامعه رجعت علاء والروتينا نفس ما هوه الطالبه ماهيه عرفت ماراح اداوم لان متاذيه
ثاني يوم رحنا للمدرسه كاعد بالملعب ادخن واكلب بالتلفوون صافن بالدنيا بلشنا نلعب وفجأه تذكرت لبنيه من طاحت صدك شكلها حلو هاي لو متزوج جان عندي بنيه بكدها لو اصغر شوي صرت اشوفها مثل بنتي
مشت الايام واليوم رجعت بي الطالبه
نبأ؛ كعدت الصبح ملابسي مكويه ومتعطره وجنطتي جاهزه وكلشي توب لتوب كعدت غسلت تريكت بدلت راجعت دروسي جان عندي امتحان رياضيات بدلت وشديت شالي حلو وطلعت للدوام وصلت لبنات سلمو علي وبلشنه دراسه سمعت صوت الصفاره جايه من الملعب كلبي نغزني اجه وقت الامتحان كعدت امتحن واريد بس اخلص واروح للمعلب خلصت اخذت كتاب الاجتماع وفلوسي اشتريت لفتي ورحت للملعب صعدت الدرج وصلت يم الباب احتاريت ادخل لو لا ضليت واكفه واباوع الهم ومتونسه هناك كلت خل ادخل مكاني محد بي دخلت بسرعه عبرت وكعدت فتحت كتابي واكل واباوع الهم واقرا عيني عليهم وعين بالكتاب ومتونسه وكلساع يصفقون ويضحكون شي كلش حلوو
هناك حسيت واحد فوك راسي
علي :جنه نلعب واشوف وحده اجت ماانتبهت منو هناك وباوعت على لباب لكيتها هيه تباوع ومبتسمه حسيتها محتاره هناك ودخلت بسرعه كعدت على صفحه تاكل وتقرا وتباوع شكلها يضحك اخذنه استراحه رحت يمها وكفت فوك راسها
علي :مرحبا عمو
نبأ؛ وكفت نكتت ملابسي هلاوو عمو
علي:شلون رجلج صارت
نبأ :لاا كلش زينه الحمد لله
علي :ها شنو جاي تدرسين
نبأ؛ إجتماع جاي اراجع
علي؛ عفيه بالشطوره وضحكت بوجها
نبأ :ضحك بوجهي وكلي شطوره احس روحي طرت من الفرحه ونوب راح كعدت اريد افتهم شي من لكتاب ماكو دايخه بالي يكوله 🤣

يتبع
2020/10/15
ف. الخالد