💠فاطمة الخالد:
بارت ٢٠
الكل راح وطلعو كلمن لبيته ثاني يوم صباحاً
نورس:كعدت متكسرة تكسر ومابية حيل اروح للشغل كمت بدلت لبست كجول وحذاء رياضي نزلت شربت جاي والنعسة بعيني
_هاها ماما كعدتي
_اي يمة بس صداع ونعسانه
_طكوج عين امس بالعرس
_يمة دخيلج يا عين هاي التحجين بيها
_تعاي اشبلج جمرة واطكلج حرمل
_تحجين صدك يمه ريحتي عطور نوب تتحول لحرمل اكوم اطلع لا اتأخر
طلعت للدوام مريت بانزين خان عبيت السيارة ومشيت للشغل بديت اشتغل واحس روحي كاعدة على شعرة اريد انام صار وقت الاستراحة خليت راسي على المكتب ما كعدت الا على طكطكة والا ابن مديرنا
_استاذ عمار!
_لا كمليها لنومتج
_لا اسفة ما اقصد بس تعبانه كلت بس شوي اريح راسي بس اخذتني عيني
_تدرين هسه بيش الساعة
_لا!
_ب ٤ وانت آخر وحده بالقسم باقية لو طالعين كلحنة وقافلين الشركة عليج
_شنووووو! معقوله انا نايمة كل هذا الوقت
_مدام نورس تفصلي لبيتكم يالله
_مع السلامة استاذ طلعت وانا رلسي طبول من الصدمة نمت من ١٠ ل ٤ كله وما حاسة على روحي رجعت لبيت صعدت فوك مباشرةً نمت والحمد لله جان خميس يعني جمعة ما عندي شغل نمت كعدت ساعه ٣ الفجر صليت ورجعت نمت كعدت ٢ الظهر كمت متكسرة كلش
امي:يمه شنو شبيج كل هذا نوم
نورس؛ يمه ماعرف نعسانه كلش
الام؛ اخذتي ادويتج
نورس؛ اي يمة اخذتها
الام؛ ام علي خابرت امس وعزمتنة
نورس؛ علمود شنو
الام؛ عزيمة علاوي وزينب
نورس؛ يبووووي تدرين نسيتهم كلش
الام؛ ايي كتلهم انت مريضة ونايمة عذروج
نورس؛ وانت رحتي
الام؛ اي رحت وتونسنه وكلها سألت عليج
نورس؛ تغديت ورحت اشتغلت على الحاسبة شوي اتصل علي فهد
فهد؛ اختي حبيبتي الغالية
نورس؛ مبين عليك جاي على مصلحة خلص
فهد؛ بعد كلبي الغالية
نورس؛ البنيه صغيره انساها
فهد؛ خرب بيومج هاي شبيج شعليج انا اريدها هسه لو بالكماط اريدها اريدها.
نورس؛ شعندك اليوم
فهد؛ ماعندي شي
نورس؛ وديني لبيتهم
فهد؛ شتسوين
نورس؛ اي غير اخطبها الك اشوفها شلونها ما لونها
فهد؛ غير تكولين لامي يالله تعاي النا هسة ونحجي بالموضوع
نورس؛ كايمة ابدل جاية
بدلت لبست تنورة كلوش على قميص رصاصي وحذاء رياضي اسود
الام؛ وين رايحة مو تعبانه
نورس؛ يمه رايحة لبيت عمتي فهود يريدني بشغلة
الام؛ روحي سلمي عليهم
رحت وصلت لكيت شباب اباب البيت ويمهم علي وعلاء واكفين علاء اجه علي سوالي محال ودخلني كال جاي ينتظرج فهد ثولنا
فهد؛ يا هلا نورتي نورتي
نورس؛ اي كول شعندك
فهد؛ انتظري خل يدخلون الولد وتكعد امي ونحجي
.
.
شهد؛
ضل عدنا زيوني صار الخميس جان عندي امتحان كعدت الصبح بدلت شديت حجابي عدل لبست هل مرة فستان طويل وشوي راهي نزلت لكيته هوه وابوي وامي كاعدين يتريكون ويتناقشون
شهد؛ صباح الخير
العائلة؛ صباح النور
شهد؛ متجمعين
الاب؛ والله زيوني عنده فكرة وكاعدين نتناقش بيها
شهد؛ شنو هية
الام؛ نرجع نعيش ببغداد وننقل شغلنه كله هناك
شهد؛ بردة فعل لا إرادية... لا طبعاً مستحيل
زين؛ ليش شنو المانع
شهد؛ ما اريد وخلاص بغداد ما ارجع الها لو اموت
الاب؛ اوكي بابا شنو السبب غير نفتهم
شهد؛ احس اريد ابجي مااعرف ليش اخذت غراضي وطلعت للجامعة وصلت لكيت الكل جاي يتجمع علمود المحاضرة وكفت على صفحة اخذتلي صفنة افكر ليش هيجي رفضت رغم ان زيون رجع وعين الله علي وكلش زين وياي... ضلت الافكار تاخذني وتجيبني لحد ما حسيت احد واكف كدامي ومادلي اكلنكس
علاء؛ ورا عرس علي بيوم قررت افتح الموضوع وي اهلي حتى يخطبولي شهد الخميس داومت جان عدهم كوز الطلبة واكفين كلهم الا هيه على زاويه ومدنكه الكل دخل هية ضلت على وكفتها واضح ان هية بغير عالم وبنص معركة مال تفكير رحت يمها لكيتها تبجي بس بدون لا يبين بس عيونها شلال ولاحظت لبسها متغير لابسة طويل وشادة شالها عدل طلعت كلينكس مديته الها باوعتلي
شهد؛ استاذ علاء
علاء؛ وين جنتي الكل دخل
شهد؛ لا استاذ اسفة ما منتبة صافنه جنت
علاء؛ صاير شي وياج
شهد؛ لا ماكو شي بس تعبانه
علاء؛ اذا تحبين لا تدخلين
شهد؛ لا استاذ ولو ما بية شي راح ادخل دخلت للمحاضرة وكعدنة نمتحن كملت المحاضره لحد ما خلصنه رجعت للبيت لكيت ابوي حاط منقلة بالحوش هوه وزيوني وجاي يشون سمج وشهودة الصغيرة تلعب وي امي واصواتهم عالية طبيت
_السلام عليكم
الكل؛ وعليكم السلام
الام؛ يالله يمه شبي وجهج مخطوف
شهد؛ لا يمة ما بية شي
الاب؛ يا ما بيج شي كحلتج سايلة وجهج ابيض واسود
شهد؛ مابية شي شوي تعبانه عن اذنكم
زين؛ انفعالها واضح جان ان هية ماتريد ترجع وتذكر ايام قبل والكل افتهمها رحنة انا وعمي واشترينه سمج ومنقله وسوينه أجواء ضحك طبت هية واضح عليها وضوح الشمس ان هي باجية ما شفت عمتي ضاجت عليها وابوها هم
زين؛ عمي عادي اصعد احاجيها
الاب؛ اخذ راحتك بوية
زين؛ صعدت الها دكيت باب غرفتها
شهد؛ منو
زين؛ انا زين
شهد؛ تفضل زين
زين ؛ دخلت رفعت راسها ما بين ايدها كالت تفضل اكعد... شهودة ترى فهمت انفعالج على شنو ولو احجي منا لباجر ما اعرف اذا راح اطيب جرحج لو لا لكن آسف
شهد؛ عادي
زين؛ اذا أتقدم الج توافقين
شهد؛ نطق هاي الكلمة واحس كلبي انكلب فرقة... شنو
زين؛ شنو شنو اجيب اهلي وعمامي وأصدقائي واجيبلج خاتم ناعم مثلج وتسجلين على اسمي وتصيرين حرم الدكتور زين يا حضرة المهندسة
شهد؛ شنو زين انا مااستوعب
زين؛ ههههههههههههه خلاص طلعتي غبية مااريدج لعد اخاف جهالي يطلعون أغبياء على امهم
شهد؛ لا لا والله اتشاقة
زين؛ ههههههههههههه توافقين لو لا
شهد؛ هزيت راسي ب اي وضليت ابجي واضحك هوه هم ضل يضحك اجه باس راسي وكال يالله جوعانين بدلي ونزلي علمود نتغدى
شهد؛ طلع زيوني وانا متت من الفرحة صرت اضحك على ابجي مااعرف شنو اوصف مشاعري بس كل الاحسة ان انا اسعد إنسانه بالدنيا بدلت ونزلت امي هلهلت بوجهي
زين؛ اول ما نزلت رحت لابوها
الاب؛ ها بويه
زين؛ راضيتها
الاب؛ شلون
زين؛ سويت الي لازم يصير من سنين انا اريد شهودة تصير ام بيتي ماكو احسن منها وانا غبي لان ضيعتها بالمرة الأولى
الام؛ يا صلاوات ههههههههههههه كلللللوششش
زين؛ ههههههههههههه ها عمه فرحانة هسه رضيتي
الام؛ ماتلكه وحده تحبك كداها
زين؛ اي والله صحيح كلامج ضيعتها وجنت انا الخسران وهسه انا صححت غلطي....
.
.
اوكي بارت خفيف صحيح قصير لكن ان شاء الله بس نكمل امتحانات نرجع بكل قوى❤️
2021/2/9
أنت تقرأ
احدهم لم يكن صدفه
De Todo• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
