اول شي سوري على الأخطاء الاملائية أثناء الكتابه الي تصير لكن اكتب على استعجال وما اركز ولا ارجع ادقق مجرد اخلص الكتابه وانشر
.
.
.
نورس: قرر الدكتور يكتبلي رخصة من المستشفى من بعد فترة بكعدتي بيها ف لحيت على اهلي ان نرجع مباشرة للبصرة ومادري ليش اريد بس ارجع احس شي ناقصني وبرجعتي راح يكمل بس شنو هوه مادري مادري علاء من رجع وهوه لا حجة وياي ولا أي شي حجية بس وي امي وابوي واحس بداخلي غضب اتجاهه بس بنفس الوقت انفض هل افكار والمشاعر من راسي واكول ماعلي بية اما علي وميا وزينب جانو على تواصل مستمر وياي وفهد ومهند اجو زاروني للمستشفى وضلو يسولفون ويضحكون وماخذين على الوضع بابا قرر نرجع بطيران حتى اختصار للوقت واريح الي حجزنه وصار وقت سفرتنه الطريق كله صافنه وافكر بالنقص الي بداخلي يمكن حياتي الطبيعية الي ناسيتها او بيتنه غرفتنة اووو..... ماريد اكمل لأن مستحيل وماريد اتخيل هل شي استغفرت ربي ورحتي افكر بشي ثاني .
.
.
علاء: من رجعت للبصرة وانا افكر بنظراتها وخايف اي خايف لا هل حادثة تقلب حياتنة وعلاقتنة رأس على عقب كلش متردد قررت ابتعد عنها واطمن عليها من امها وابوها احسن شي مرت ايام وراحت ايام رجعت لشغلي وسبحانه الي زرع البرود والبهوت بمشاعري بحيث كل تفكيري بشغلي وبس لا مو وبس بالطركاعة الي ببغداد الي احس راح يخرب كلشي قررت فجاه ارسل فهد ومهند لبغداد يزورونها حتى اطمن عليها وبنفس الوقت طلبت من فهد ان يفتح مكالمه صوتية وياي اريد اسمع صوتها شلون صارت بس بدون لا تدري فعلاً راح وجان كلامها كلش قليل من طلعو نطقت
_ مهند
_ ها نوسة
_سلم على علي وعلاء
_ تدللين
هنا سمعت صوتها حسيت ان رحنه بيها بس ان شاء الله مو كلش مو بكيفها ولا ارضى ضروري اخليها ترجع تتذكر انا وهيه شنو جنة وهيه جانت خطيبة اخوي واختي فقط .
.
.
.نواف: مرت شهرين على عطلة منى وانا وهيه كلش علاقتنة حلوه نطب ونطلع بديت الاحظ ذوقها بدأ يختلف بكلشي بالموسيقى باللبس بالالوان بكلشي وجان ذوقها جداً يعجبني ويلفت نظري لأن نازك بطريقة خيالية صرت وين ما اروح اخذها وياي سواء مؤتمرات او اجتماعات ندوات اي مكان اروحلة وجان حظورها جدا يفرق قرب موعد دوامها بالجامعة وقررت اخذها للسوق مرة ثانية وتشتري للجامعة جان ذوقها حلو ضلت تاخذ لحد ما شفتها تاخذ ضيق نوعا ما مادري ليش عصبت رحت حاجيتها
نواف: منى ملابسج ليش كله تاخذين قياس صغير
منى: احلى اذا جان كاعد
نواف: لا مو احلى اخذي شي محترم
منى: بابا شسالفه ترى والله حلو وباع الالوان وهنا ترى كله بارده يعني لو جاكيت لو كوت اللبس هيجي هيجي ما يبين شي
نواف بنفاذ صبر : استغفر الله انت مو مراهقه ولا طفلة انت جبيرة ومتزوجه عرفي شلون تختارين
منى: كلمة متزوجة فرت راسي فر شنو متزوجة انا ونواف علاقة اب وبنتة والي يجمعنه ورقة فقط وهذا الاتفاق من سنين وياما سويت وغلطت ابد ماجاب طاري الزواج ولا ان انا زوجته حتى انا ناسية !!!!
اخذت مثل ما طلب بس احسني فصلت رجعنه للبيت مرت ساعتين ضميت الملابس حاولت الهي نفسي بس ما كدرت حجايته براسي عفت الي بايدي ورحتله ما لكيته بالغرفة اكيد بالمكتب دكيت الباب اجاني صوته
منى: اريد احجي وياك بابا
نواف بتنهيده : تعالي
منى: انا ياما غلطت سويت وعملت وعليت صوتي ولبست غلط وكلشي عمرك ما كتلي انت متزوجة أصلا انا ناسية ان انا متزوجة وانت تعرف انا اشوفك ابوي وصديقي واخوي ماشوفك غير هل شي شلي اختلف وخلاك تنطق هل حجاية
نواف: ضليت محتار شجاوبها لان اصلا انا مادري ليش هيجي حجيت اجتني قوة مادري منين جان احجي باعصاب ....من تحجين وي ابوج واخوج وصديقج ف تحجين باحترام وادب وبنبرة هادئة هاي واحد ثاني شي والكلمة جرحت احساسج المرهف وماادري ؟ لو تستنكفين منها ؟ ثالث شي لايكون اخذتي الحجاية بعين الاعتبار وصدكتي بيها ترى انت بتي ،بتي الجاهلة الي توها بدت تكبر انا اكول اصحي على نفسج وما مسموحلج تدققين ورا كلامي .
منى: احس ماي بارد طاح على قلبي على الرغم جان يصيح علي بس اطمنت كمت وكفت يمه اخذت ايده طبطبت عليها بايدي وكتله
_ انا اسفة يا احلى اب واخو وصديق بالدنيا ما الكه منك ثنين والله طبطب على كتفي بايده الثانيه وكلي روحي نامي وراج كعده رجعت للغرفة وانا مطمنة .
.
.
.
نبا: علي اخذنه انا والبنات واشتريت ملابس عريضه ومن هل نقطه اكدر اكول ان علاقتي كلش تحسنت بالكل وصرنه نطب ونطلع كلحنه وحيل متونسه رعد جان عصبي أحياناً وأحياناً هادئ اما نور وعلي وبقية ولد خوالي كلهم زينين ومحترمين ومراد كلش تكيف وياهم وحبهم وهمه هم حبو اجه الوقت الي نرجع بي للبصرة بيومها سهرنه الليل كله بنص المزرعه وحاطين اكل وحلويات وعصاير وكاعدين نسولف قررنه نلعب الصراحه تجمعنه كحنه وكعدنه مراد فر البطل وكاح على رؤى تسأل رعد
رؤى: احم احم ياويلك مني
رعد: طربينه
رؤى: ليش ماترضى تتزوج
رعد: واضحة لو لاقي انسانة مناسبة جان ارتبطت بيها
رؤى: هسه ماكو مرة بالدنيا بالعين
رعد: لا ماكو
افتر البطل مرة ثانيه طاح حسين ابن خالي يسأل وسن
حسين: وسن ليش كل ما تشوفين منتظر تعصبين
وسن: نفس السبب الي يخليك من تشوف فلانة تعصب وغمزتله
حسين : فلت وجهه وضحك كللها يمه منج
نور: ها اشتغلت الالغاز ولكم شو فرو البطل
افتر البطل وطاح مراد يسأل علي
مراد: علي ليش ما تكون اسرى وتتزوج وتعيش حياتك
علي بابتسامه باهته: ومنو تسوى تاخذ كلبي
مراد : الخيرات هواي شسالفة
علي: لو لاجمك الحب ماجان حجيت
مراد: اوووو مجويك مجويك الحب
علي : شعبالك
افتر البطل وطاح نور يسألني
نور: نبا اذا تقدملج واحد بينه توافقين
نبا : احس مادري شجاوب لكن قويت كلبي وجاوبت ب لا
نور : ليش
نبا: مو العيب بيكم بالعكس محضوضه الي ترتبط بيكم وانتم صدك زلم لكن اسباب خاصة بيه
رعد : كلنه بظهرج احجي
نبا: تسلم بس شي شخصي
رعد فجأة قررت ينتهي اللعب والكل يكوم لغرفته كلحنه كمنه ورحنه صعدنه الكل نام صارت ساعه ٤ ونص الفجر عطشت نزلت اشرب ماي جان الكاه كاعد بالمطبخ ويدخن ومنطيني ظهره
نبا: شنو انت ما تنام
رعد: منتظرج
نبا: ليش شدراك راح انزل
رعد: يوميه هيجي وقت تفزين عطشانة وتنزلين تشربين ماي منا ورايح حطيلج بطل ماي يم راسج حتى لا تكومين وتطير النومه من عينج يحجي ومنطيني ظهرة وعينه على الباب والباب مفتوح
نبا: شدراك
رعد: ادري ،تعاي كعدي هنا ،اشرلي على الكرسي الي بصفه رحت كعدت التفت علي وكال
_ احجيلي
_شحجي
_ الي عندج
_ شعندي
_ عندج هواي
_ يامعود فهمني شكو
_ سوال نور الج
_هاااا فهمتك ،انا كلت شي شخصي واعتقد لازم تحترم هل شي صح لو انا غلطانه
_ لا صحيح حجيج بس انا اريد اعرف
_ ماعندي شي اكوله وعن اذنك صاعدة انام وراي طريق عفته ومشيت جان يجيني صوتة
_ اذا بيوم تهتي وماعرفتي وين تنطين وجهج وحسيتي بالم رعد موجود
_ وليش
_ نبا عزيزة على رعد
.
.
.
شهد/ مرت ايام وجهزت كلشي للعرس وقررنه بالعطلة نسوي واخذت كتاب النقل وكلشي تمام حسيت ان زيوني بي شي كضوجه او قاهرة شنو هوه ماعرف بس لابد ان الايام تخلي يحجي رجع استاذ علاء يدرسنه ورجع لركادته واسلوبة الشفاف وي الطلبه وشرحة كلش حلو يمكن هذا اكثر استاذ مريح بتدريسة راحت ايام اجت ايام حاجاني زيوني
زين/ شلونها شهدتي
شهد/ اذا أنت زين ف انا بالف نعمة
زين/ والله الحمدلله ماقصني بس انت وبنيتي نجون تكملون حياتي
شهد/ شنو انت بالشغل
زين/ اي عمري بالشغل
شهد/ شلونه الوضع يمك
زين/ زين لا بأس بي
شهد/ دير بالك
زين / ان شاء الله
احجي وياة بس بكلبي رجفة وخوف من شنو مادري .
.
.
.
يتبع
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
