FATMAALKHALID🔮⭐:
بارت ١٥
طبيت لكيت ام علي عدنه وعمي ابو علي بهت لوني شهل يوم هذا!
_السلام عليكم
سلمو علي احسن سلام كعدت يمهم
ام علي؛ يمه شبيها ايدج
خاله
نورس؛ طحت وتاذيت
ام علي؛ ويمتى تشيلين الجبس
نورس؛ خاله مطول شوي
ام علي؛ خاله عجلي شويه عرسكم بعد ١٠ ايام هم يالله
نورس؛ صفنت شنو علي معقولة ما حجه قررت احجي انا لان انا مو سلعه يتحكم بيها على كيفة
_خاله ماكو عرس عروستكم مو هنا
ابو علي؛ شنو بوية شتقصدين
نورس؛ علي طلكني وعقد على زينب وراد يخليكم كدام الأمر الواقع انا ما بيدي شي
ام نورس؛ وليش ما حجيتي بالله ويمتى هل حجي
نورس؛ من طحت وانكسرت ايدي
ام علي؛ وانتم ليشش ساكتين محد حجه
نورس؛ كضتني العبره
_خالة ابنج من الاول ما يريدني وكلبة عند زينب انت ما شفتي من شافها شلون اختبص؟ أصلاً هوه ما يريدني ومعتبرني اخته انتم ورطتونا بهل زواجه انا شنو ذنبي اتزوج وتالي اطلك علمود ارضيكم؟ ابنك يا عمي عمره ما يشوفني اله زوجة أصلاً حتى زواج باطل لانراحنا الاثنين مجبورين وانتم الجابرينه راح تتحملون ذنب عيشتنا ومشاكلنه حتى اذا جبنا اطفال ماراح يتربون بين ام وابو وعائلة مترابطة راح يشوفون ام وابو متفاككين ومابينهم اي موده او محبه
خاله انت ترضينها؟ ابنج يكون تعيس بحياته
_لا يمه ما ارضى
_خلاص خلو يعيش مثل ما يريد وانا مو زعلانة علاء وهلي اخوتي وانا احبهم والله كلبي فرحان اله أخيراً انجبر خاطره من رجعتله زينب خلو يفرح شوي ناقصين فرح احنا خلونا نفرح بيهم
ابو علي؛ وآلله بويه انت اصيلة وتستاهلين تاج راسه ضيعج من ايده
نورس؛ علاوي حبوب وانا والله ما شايلة بكلبي عليه وزينب هم تربت ويانا والله محد راح يخلي سعيد بس هيه
سلمو ابو وامه وراحو امي ضلت تبجي
_ها اسم الله شكو منو مات
_ولج يمه انا ابجي عليج
_يمه بيه شي خوفتيني شبيه
_يمه هيج سوا علي وانت ما تحجين
_والله يمه الفضل يرجع الكم خبصتونه عرس وعرس دباعي حياة العزابيه طبه وطلعه واحلى ونسة وياهم شبيج انت
_والله يمه بعد ما انطيج لاي احد تضلين يمي
_ياااا جا لو تربطيني لو تشمريني على الرايح والجاي عيني انا اريد واحذ طويل عضلات حليو يعني شخصيه دكتور محامي صيدلي مو دكتور جامعي
_ياااا عزا بعينج يالمعزيه ما تستحين تحجين هيج كدام امج
_يا يمه هسه انا شحاجيه غير فارس احلامي
_فارس احلامها جا ولد خوالج وعمامج شبيهم تحجين على اخوتج مو دكاتره
_اووي يمه اخوتي مطفين خل اصعد انام احسن منثوله من لسوالف
_هوه انت وين جنتي
_جنت عند صديقتي حبيبت علائوا
_ياا يلمصخمه صايرة مرسال غرام
_ يا يمه شبيج غير اخوي واساعده بس هيه شنو بنيه تجنن وهوه متخبل عليها
_روحي يمه الله يستر علينا وعلى بناتنا
.....
علي؛ احس روحي ردتلي وي زينب صرت كل يوم نطلع انا وياها وطول اليوم انا وياها على الخط ابوي درا من نورس انا مطلكها بالاول ضل يحجي علي وعصب نوب كال بلغهم عقب باجر راح نروح عليها مشيه
_صدك يبا تحجي
_اي قابل من نزفكم كدام لناس شنكل الهم
_طرت من الفرحة اخذت السويج ورحت الهم بلغتها فرحو هيه وخالتي وحسن كاعد ما مقتنع
اجه على بالي شي اتصلت على علاء
_نعم
_ها علاء شنو بعدك زعلان على اخوك
_انجز شتريد
_جيبلي نورس بمطعم.....
_حدك عاد شتريد منها مو طلكتها
_شبيك انت نورس مثل ما اختك اختي
_لا صدك والله هسه صارت اختك مو
_تجيبها لو انا اكللها تجي ابحدها
_ليش انا أمنها عندك طبعاً اجي وياها كاسرلي ايدها باول طلعه ابحدكم هل كره ترجعها الي مجنزه
_ههههههههههههه خرب بيومك دجيبها جيبها
_زين باي
.
.
زين؛ رجعت للبصره وخليت شهد يمها ماردتها تتزوج ماعرف ليش انانيه لو بس هيج خباثه المهم جنت كاعد بالمستشفى استراحة اجه ممرض
_دكتور زين الحك
_شنو شصاير
_حادث مره ورجلها وابنها
_رحنه ركض بس احس كل ما اتقدم خطوه كلبي يرجع الف للسنين الماضية لحد ما وصلت للطوارئ وانا رجلي نملت! نغم! شرجعها رجعتلي شكو نبضه الها بالضبط رجعت احبها من جد وجديد وكفت فوكها وهيه نايمه الدم مغطيها من راسها لرجليها مدممه
زين؛ شلون صار الحادث
الشرطي؛ دكتور فلت التاير من السياره فجاه والسياره مالت وجانت تريلة سريعه جايه وداستهم
زين؛ احس كلشي بيه ضل يرجف وخايف عليها اريدها تعيش ادري بيعا مو الي بس اريدها لبنها ورجلها صحيح احبها بس حرام افكر بيها البنيه متروجة حولتها على العمليات اجانه خبر ان رجلها دخل غيبوبه وابنها فاقد الذاكره وهيه بين ايدي حياتها ما كدرت اسيطر على اعصتبي ورجفتي طلبت دكتور ثاني يجي بمكاني اجه شفته يفحصها يقيس الضغط والسكر حتى نسويلها العملية بين شعور الخوف وبين الحب وبين الغيرة ماعرف وكفت على صفحة ودمعتي صارت تنزل صحيح دكتور وماره علي حوادث اكبر واخطر من هل حادث وياما ناس انتقلت لرحمة ربها بس نغم غير ماعرف شسوي تذكرت شهد رحت ركضت الها اتصل
شهد؛ جنت توني طالعه من المحاضره ونازله للنادي اتصل تلفوني رقم زيوني اتعجبت صارله فترة ما متصل
_الو
_شهد الله يخليج اندعي
_زيوني شبيك شبي صوتك ليش تبجي
_شهد
_احجي ز
أنت تقرأ
احدهم لم يكن صدفه
Acak• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
