ثم تكتشف أن أكثر أخطاءك في الحياة كانت بسبب العطف لا القسوة.
.
.
نورس : صدمتي بالطراك الي اخذته كلب كل الموازين عندي والف فكرة بفكره خطرت ببالي !!! هوه شعلية اذا حبيت لو تزوجت هوه كاطع بيه ولا يحجي وياي ولا يسأل عني ليش هيج سوا ،ضليت كاضه خدي من الالم وعيوني ينزلن دموع واباوعله مصدومة من الي سوا وهوه عيونه حمر تجدح نار من العصبية كض ايدي من المعصم ولواها
علاء: اذا طولتي لسانج علي وكلتي حجايه ما تعجبني راح اكطعج نصين والله يا نورس لا تجربيني خليج ماشيه عدل حتى لا انعوج وياج واراويج علاء عمرج ما شايفته زين لولا ؟
وهذا الي جايج وكاتله روحج علي تنسينه لا وحق الخلقج ابجيج علية ولا تجربيني للمرة الثانية
.
مهند: علاء انت تخبلت وخر عنها
علاء : كان ما يسمع مهند
مهند دفع علاء من نورس وخلاها ورا ضهره
وحجه باعصاب ٫ لا عبالك اخوي ولجبير واسكتلك من اشوفك تمد ايدك على نورس وعبالك اسكت فانت غلطان زين لو لا الا نورس واوكف لا والله اكلبها وياك دم فهمتني علاء نورس وحَدك .
.
نورس اخذت جنطتي وطلعت فهد ومهند لحكوني وميا يردون بس يحجون وياي ويسكتوني ماكو انا كمية الغضب الي بداخلي ما تتصورونها والقهر والي سوا وياي اول مرة يمد ايدة علي بهل طريقة اخذت سيارتي وطلعت للبيت اسوق بدون وعي وبدون لا افكر وانتبه لطريقي ماحسيت الا انا واكفه بباب بيتنه نزلت مانتبهت اذا اهلي كاعدين لو نايمين بس الي انتبهت اله ان انا بنص غرفتي ودموعي تنزل بجنون ....
.
.
شهد: زيوني
زين : ها يا فؤادي
شهد: ههههه هاي شنو جديده الحجايه
زين : اي بدل لا اكلج كلبي اكلج فؤادي
شهد: امممم وشنو لفرق بينهن
زين : الكلب يسمى كلب من ما يسكنه احد بس من احد يدخل بي ونحبه فيسمى فؤاد عرفتي يا فؤادي
شهد: بضحكه عالية ٫ههههههههه فهمت يا عيون فؤدتك
زين : كولي شتردين
شهد: ااا هوه شسمه
زين: شسمه
شهد: شوف احنه يعني صارانه قرن من متزوجين وانت تعرف انا بحدي وهم شهوده خطيه جاي تكبر وتضوج وهيج
زين: تردين ترحين للبصرة
شهد: اوباااااا عليك نور انا محضرة الجنط وكلشي باع وحتى عبايتي محضرتها ورا الباب
زين: ها ها ها سالمين ترى ما كتلج امشي بعد ساعه نحرك شبيج بابا نسيتي أنت حامل وطريق البصرة شبعده مخبلة لا حبيبتي هسه انسي الموضوع أخاف عليج
شهد: والعباس اذا ما اخذتني اكوم اشمر روحي من الدرج واكللهم زين ذبني من فوك السطح
زين:😕،اي ونوب
شهد: اريد اروح للبصرة ضايجه زين حرام عليك ضغط لجامعه ولبيت وكله بحدي وماعندي هنا صديقات اريد اروح يعني اروح والله
زين:يعني انت اجيتي فجاه تحجين والا هسه اروح زين وشغلي انا غير تبلغيني يمكن عندي سفر عمليات شي ما يصير هيج الا تاخذني هسه كن فيكن
شهد: ☹️،اوك براحتك تصبح على خير
زين: وانت من اهله
.
.
نبا: بنات رحت للمطبخ اكلت والبنات كلهم كعدو على واهسي اكلو جنه نضحك ونسولف وبكل اريحيه أبد ماتقيدو البنات لأن مراد ورعد موجودين بالعكس كعدنه بالاستقبال وجبنه الدومنه وضلينه نلعب وصوت ضحكنه واصل لسابع جار بنص اللعب انتبهت ان احد كعد وراي ويحجي بصوت ناصي ويكلي شنو اختار من صاي ومنو مااختارة هههه اي رعد اجه كعد هوه ومراد وضلو يباوعون علينه ويضحكون بس رعد بدون لا احس عليه كعد وراي وضل يوجهني ولبنات يصيحن مايصير هيج جاي تغششها ومو لعب وانا وهوه نضحك عليهم عاد مراد راح كعد يمهن وصرنه كروبين انا ورعد ومراد والبنات وعلنه الحرب 😈
.
.
.
ساعه 11:15 مساءً بيت علاء
علاء: كاعد مخي ساكت مشاعري ساكته كلشي بيه طافي اندك الباب فجاه
_ منو
ام علاء: انا يمه
علاء: تعاي يمه
ام علاء: شنو جاي تسوي
علاء بهدوء تام : مااسوي شي ساكت
ام علاء: تحبها ؟
علاء: منيه يمه
ام علاء: النورس
علاء: لا شتحجين يمه اكيد لا هيه اختي وبس وانت تعرفين كلش زين انا احب شهد وجنت رايدها وصارت حلال غيري
ام علاء: اي بس هسه نورس مو حلال غيرك
علاء: يمه شنو هل حجي مايصير نورس اختي
ام علاء: عصبيتك ونضراتها وتشردك منها ماتكول هيه اختك
علاء: ابتعادي عنها مو يعني احبها اكو فرق بين ان انا اريد احافظ عليها وعلى مشاعرها وبين ماريدها تخطا ومن ترجع ذاكرتها تلوص الدنيا
ام علاء: يعني
علاء: ماكو شي يمه
ام علاء: زين احلفك بروح ابوك شكو بينك وبني نورس
علاء: يمه نورس حبتني ،وانا اشوفها اختي وادري مشاعرها مرقته لان ماتذكر نمط علاقتنه بالكامل ولا تذكر شصاير يمه احتاجها انا واريدها بحياتي بس اريدها اختي اريد اروح اشكيلها من شهد الي تزوجت وهسه ببغداد اريد افضفض الها ان انا صادقت زين بالفيس وصرنه اصدقاء بس على مود اسمع حتى لو نص خبر عنها يمه انا روحي بشهد ونورس روحها بيها انا ماريد اكسرها مثل ما انا انكسرت نورس وكلبها غالين علي
ام علاء: اذا هيج انت ليش من كلتلك راح اتزوج تخبلت
علاء: لأن اظري بيها عناد بيه وماريدها تتزوج هسه
ام علاء: ليش
علاء: ماعرف
ام علاء: اذا تدري بيها تحبك لا تضيعها منك وشهد ىاحت ولجاي تسوي غلط وحرام لا تهدم حياتها لو تحبك شهد جان بقتلك والله كتبها الك انساها وفكر بمستقبلك
علاء: الله كريم
ام علاء: اخذ بخاطر نورس ترى مو عدله تمد ايدك عليها كدامنه الها احترامها ومكانتها وهيه بالاخير بنيه اخوك يصفك بيها وهسه انت شايفينها بحدها تلتمون عليها
علاء: باجر اروح الها
ام علاء : يالله يمه نام حتى لتفوتك صلاة الفجر
علاء: ماشي يمه
طلعت امي وضليت افكر بحجيها ليش نورس حبتني ليش مو شهد ،ستغفر الله انساها شبيك حرام مرا متزوجه وبعدين نورس خوش بنيه ومن ناحية الثقافه ف محد يلحكها من ناحية الاخلاق ربايتنه من ناحية الجمال فتخبل ومن ناحية العرفة ف كلشي اعرف عنها ليش مااغير نظرتي عنها ، لا يابه شبيك تاثرت بحجي النسوان دكوم نام نام هاي اختك
.
.
نواف : عودة للماضي
صار ثاني يوم من بعد ما منى بلغتني ان الشخص الي يحبها راح يجي يقابلني وانا انطيتها الموافقه كعدت من النوم وكفت كدام المراية (اليوم راح توفي بوعدك وي بت كلبك اليوم راح تنطي كلبك لغيرك اليوم راح تبني سعادة كلبي وتكسر كلبك ) ذبيت حسرة ومشيت بس كله فدوة الها خل انقهر وانكسر بس المهم اشوفها فرحانه طلعت من الغرفة تلاكتني منى
منى بفرح: صباح الخير بابا
نواف :صباح لنور بابا
منى: اا بابا ب 3 راح يجي
نواف : هلا بي
منى: بابا بيك شي ؟
نواف : تعبان
منى: من شنو
نواف : من الدنيا
منى : هاا ابو الفوف بس لا تحب
نواف : بالضبط
منى بفرح: اي ليش تخليني شايله همك خل عرسنه يصير واحد ونروح نخطبها
نواف : ماكدر اخطبها
منى: نواف ما يكدر على شي !! أنت تكدر على كلشي
نواف: ماكدر
منى: ليش
نواف: انخطبت
منى :..........
.
.
نورس: كعدت الصبح راسي ياذيني لدرجة جنونيه من كد ما بجيت باليل كعدت وانا كلي ذبول نفسي وجسدي مشيت بالكوه للحمام غسلت وبدلت شديت الشال شلون ماكان وطلعت للشغل ذبيت كل طاقتي وحيلي بالشغل بحيث ماحسيت بالوقت الاصارت ب٤ العصر رجعت للبيت لكيت سيارة علاء بالباب ذبيت حسرة ونزلت دخلت للبيت لكيته كاعد وي امي ويسولفون
نورس : سلام عليكم يمه
ام نورس : هلا يمه هذا علاوي جاي عليج يريد بسالفة ضرورية
نورس : يمه حبيبتي حضريلي الاكل كلش جوعانه
ام نورس : بعيني
نورس : رحت كعدت كدامه بس عكس ذيج المرة هل مرة ماعندي ذرة مشاعر ولا اي. شي كاني كاعده كدام واحد غريب
علاء: شلونج
نورس : زينه
علاء : شبيج
نورس : ......
علاء: ذاك اليوم جنتي كاعدة كدامي وعيونج يحجن وكلج لهفه وتردين بس تحجين هسه كلج جمود
نورس : .....
علاء: ماتحجين
نورس : ماعندي شي اكوله انت الي تريد تحجي مو انا
علاء: نورس أنا آسف
نورس : على ؟
علاء : لأن مديت ايدي عليج
نورس: وبس ؟
علاء: شنو وبس
نورس: بس لأن مديت ايدك علي ، ترى انت تجاوزت حدودك ولويت ايدي واذيتني بالحجي وهددتني شايف نفسك ماتكلي تاذيني وتعوفني وما تسأل علي وتظري كلش زين انا محتاجتك وادور عليك ومن تسمع بيه اريد ارتبط تجي تهوس لا علاء كلش ما مسموحلك
علاء: شوفي هوه الي صار بي غلط
نورس : ما يهمني انا ببيتكم تحترمني غصبا عليك انت ما متفضل علي واذا اريد اتزوج انت ما توكف بوجهي وتعال على اي أساس تكلي تنسي شنو خير ماعندك ايشي يمي حتى تكلي انسي
علاء : متاكده
نورس : أي متاكدة
علاء : براحتج انا طالع بس تحضري للي راح يصيرلج
.
.
مهند: البطل الصامت بالقصه
انا مهند طالب جامعة وتوأم فهد عكس اخواني بكلشي وهمه اذا نطقو بكلمه انا انطق بحرف غامض لدرجة جنونيه ومن احب شي احطه بمخي واصل اخطط شلون اوصلة من جنت صغير ووعيت للدنيا جانت نورس ويانا وكلش جنت احبها ومتعلم عليها على الرغم مااختلط بيها هواي بس احب حسها بالبيت ومن تجينه تكعد يم علاء اكثر شي وعلي احب بس اشوفها تضحك وتسولف واحفظ سوالفها جنت صغير بس مركز وياها معتبرها مثل اختي مثل ما يكولون لحد ما كطعت عنه لأن التهت بالسادس وهيج ضلت لا تجي ولا. تسأل اخواني ما ضلو تسالون بس انا جنت اروح اشوفها من تطب وتطلع من المدرسة اطمن عليها من بعيد لبعيد بينا فرق بالعمر بس مو هواي انا وفهد تأخرنه بالدراسة والفرق الي بيني وبينها بس 4 سنوات يعني جنت اراقبها من ومان لحد ماا دخلت للكلية واحنه التهينه بمدارسنه جنت كل خميس اجذب على اهلي وابين الهم اروح للمدرسة بس ماجنت اروح جنت اروح اشوفها من تطب وتطلع من الكلية فهد جان واكفلي عظمة بالبلعوم وين تروح انت كل خميس جنت مااجاوبه واقابل عصبيته بكتلة برود كبرنه وانا سادس وهيه تخرجت رحت لحفلة تخرجها بالقاعه جنت لابس شفقة بس ماعرفتني وشفتها بروب التخرج من فرحتي دمعت ماعرف ليش هيج اسوي بس يمكن احبها بس فرق العمر سكتني التهيت بالسادس وردت اطلع معدل وفعلا جبته للمعدل ودخلت احسن كلية وراحت أيام واجت ايام ادري بيها تشتغل ومراقب اخبارها لحد ما كلت بطل هل عادة لبيك انت مو جاهل وانتبه لمستقبلك احسن لحد ما سمعت راح يخطبوها لعلي احس جهنم اشتعلت بداخلي بس الي يشوفني كان ما مهتم ولا عبالك همه يحجون ويتفقون وانا ساكت لحد ما سمعت صايرة هوسه ونورس رافضه ضحكت بوجهه علي ضحكه خبث مادري ليش على الرغم اخوي واحبه بس نورس لا كلهم ما سوو. مثل ما انا سويت همه نسوها بس اذا ضليت اعرف عنها كلشي راحت ايام اجت ايام سمعت وافقت على علي اشتريت خط جديد وحاجيت علي بي
: تريد تاخذ وحده اخوك يحبها ؟؟؟!
انتظرته يرد ورا ساعتين من رجع من الشغل جان كاعد كدامي وصارن عيونه حمر جاوب
: ياهوه بيهم ،ومنو انت ؟
: فاعل خير ، راح تاخذ وحده اخوك نفسه بيها
اكيد وتوقعت ان راح يضن علاء الي يحبها لان علاء رفض فكرة ان علي يرتبط بيها وكلش هواي يطلعون سوا ضليت متكتر واتفرج على الي يصير لحد ما طحت برقم ام زينب وقررت احرك الموجه وفعلا حركتها واجو بيوم خطوبة علي والكل يعرف شنو صار وانا الي اصريت على علي يطلكها وضليت احجي واحجي حتى يرجع لزينب وما يعوفها بعد وجنت مبرمج كلشي حسب مرامي إلا أن شفت الحادث كدام عيني احس روحي راحت مني وماكدر اسويلها شي رجعت نورس للبصرة وصارت زينه ابتعد علاء عنها وعلي تزوج زينب انا هنا ارتاحيت جنت اريد اتقرب منها مثلهم ماعرف شلون لأن ماعرف لا افتح سالفة ولا اتناقش وي بنيه بس من بعيد لبعيد إلى ان صار اليوم الي شفت علاء يمد ايده عليها تخبلت ردت اذبحه بس تحكمت بعقل بس عقلي فضحني ما سترني خليتها ورا ضهري ووعدت نفسي ماخلي احد يطخها حتى لو جانو اخواني بيومها باليل كاعد بالغرفة اجاني فهد
فهد: ها ابو الغيرة
مهند: نعم
فهد: شنو جوّك
مهند: وضح
فهد: شنو مقنص على نورس
مهند: لاتجيب طاريها
فهد: ها تغار 😜
مهند: ماكو شي يضحك
فهد : يعني تحبها
مهند : والي يطخها العن والديه
فهد: لا تتعمق اسحب نفسك
مهند: مو انت الي تحدد
فهد: شنو كلبك ماتخاف عليه
مهند: من شنو أخاف عليه
فهد: ماخايف تكلع تحب واحد لو بحياتها احد
مهند: مااتوقع ان اكو احد بحياتها وإذا فعلاً ف أضل احميها بروحي لحد ما تتزوج
فهد: تحبها لهل درجة
مهند: هاي عيون البنات طبعاً
فهد : من يمتى
مهند: طفي الضوه واريد انام
فهد: البيت كله عاشك شكول عليكم
تصبح على خير ابو عيون
مهند: اذا جبت طاريهه كدام احد اكطع راسك
فهد: مهند البتار
.
.
.
يتبع ....❤️
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
