احدهم لم يكن صدفه

البارت السادس

شخص
كان فاقد ثقته بالآخرين؟.🖤

ٰ• ғαтмα αʟ κнαʟıɔ ،⇣
شهد :كعدت الصبح من وكت ب ٥ صليت سبحت حضرت ملابسي نزلت تريكت صعدت بدلت ومكيجت لبست توربان وتنوره وقميص زيتوني ساده وجنطه صفح طلعت كلش مرتبه ونازكه شهوده جانت غاطه بالنوم نزلت اجه السايق وصلت للجامعه وانا بداخلي بديت اخاف من استاذ علاء وآلله شكله راح يعلكني بنص الجامعه من كد غياباتي  نزلت رحت للقاعه بعد ربع ساعه وتبدي محاضرة ست نسرين اجت وتحمدتلي بالسلامه ودرت عندي فاتحه ابغداد وكعدت تشرح المحاضره طبعاً طولت ساعه ونص  كلت اروح اكل مادام بعد ساعه على المحاضره الثانيه رحت للكفتيريا كعدت اكل جنت كلش وجوعانه كملت اكل فجاي امشي راضم لفلوس بالجنطه فجأه وكفت تذكرت شهوده وهسه ب 10 اكيد كعدت طلعت تلفوني وانا واكفه ومدنكه اتصلت على ماما
شهد :هلو ماما
امها:هلا ماما شلونج
شهد :الحمد لله شهوده وينها شلونها
امها:اول ما كعدت ضلت تبجي عليج عبالها سافرتي لحد ماابوج سكتها بلكوه وكللها امشي وياي للسوك يتسوكون للبيت
شهد :ماما ديري بالج عليها خوش يالله باي
سديته ورجعت للقاعه راح يجي استاذ علاء فعلا كعدت راجعت لتحضير طب وكفنه كلحنه اله إحتراما وو.....
علاء: غيابات شهد كلش طولت وصرت مااحب ادخل لقاعتهم وهيه ما موجوده صرت اذا اروح واصيح بالأسماء ويكولون غايبه اضوج كلش ف اليوم كعدت الصبح بدلت صبحت على امي ومبين علي الضوجه ف امي شافتني وجانت هم مبدله تريد تروح الدوام واخواني كلهم كاعدين بإستثناء علي عنده عطله سبوع ف جان نايم
ام علاء :ها يمه شبيك ضايج
علاء؛ مابيه شي يالغاليه يالله انا رايح اندعيلي يمه ترى كلش ضاقت
امه:روح الله يسرها الك ويفتحها عليك ويريح كلبك اخذت سويج سيارتي ورحت جنه انا وعلي نروح بسياره وحده لان ثنينا بنفس المكان ف مانروح سيارتي سيارتي تبقى بلبيت هسه ماراح يروح ف اخذ سيارتي شغلتها مشيت شغلت الراديو جان قرآن مشتغل بي طلعت الايه (ان مع العسر يسرا ان مع العسر يسرا)
كلش ارتاحيت من سمعت هاي الايه حسيت انها مثل الاشاره الي صار بداخلي مثل الامل والراحه رحت للجامعه اخذت محاضرة مرحله ثالثه طلعت ارتاح بالمكتب اجه وقت المحاضره الأولى احس كلبي مشى قبلي للقاعه طبيت لمحت وحده لابسه توربان تشبهه كلت يمكن مشبهن عليها هيه ما تلبس هيج ولا تحط هيج مكياج ف كعدت اخذ بالحضور لحد ما وصلت لاسمها وكالت نعم دكتور انا رفعت راسي وشفتها هيه ام التوربان صفنت بيها ابتسمت بدون لا احس هيه دنكت كتلها
علاء؛ شهد
شهد :نعم دكتور وكفت اله
علاء:وين جنتي طول ذيك الفتره غيرت طريقة كلامي وياها وحولتها جد
شهد :دكتور بيبيتي توفت بغداد واضطرينا نروح
علاء:هااا البقيه بحياتج
شهد؛ حياتك الباقيه
علاء: بس الي عدهم فاتحه هيج يلبسون ويتمكيجون؟
(جنت مغثَوث من لبسها ومكياجها وجماله مالابسه حجاب كامل ركبتها طالعه)
شهد :غطيت بهدومي من الفشله حسيت صحيح حجيه المفروض ماانسى بيبيتي شلون جانت تحبني ولا حتى امي احترمت حزنها دنكت كضتني العبره كلي كعدي ضل يشرح واحس عينه تراقبني خلصت محاضرته خابرت السايق يجي علي رجعت للبيت اول ما طبيت للبيت لكيت بابا وشهوده جاي يلعبون بالمرجوحه اجت علي شهوده تركض وتصيح مامااا  بداخلي شي كلشش حلو لمن كالت ماما حسيت صدك انا ام شبكتها وشلتها دخلت للمطبخ بست امي ريحة الغداا وشوفة اهلي نستني الي صار صعدت للغرفه سبحت وصليت نزلت تغديت صعدنا انا وشهوده انتبهت لتلفوني بي ٦ مكالمات من زين صفنت بالتلفون اتذكرت من اتصل عليه وهوه حاضرني رديت ببرود
شهد :الوو
زين بعصبيه: انت وين وليش ماتردين
شهد ببرود:جنت بالدوام ورجعت جنت جوا ما منتبه للتلفون وبعدين شعليك وين تلفوني لو ويني يمكن ماريد ارد عليك تضل تلح بالاتصالات؟
زين بعصبيه :شهددددد شوفي نفسج ويامن تحجين زين لو لا
شهد :منتبه لنفسي عدل وهسه شهوده تحاجيك تعاي ماما ابوج يريدج اجت شهوده تحاجي
ثاني يوم كعدت بدلت طلعت للدوام رجعت واستمريت على هل حال عدلت لبسي وحجابي  لسبوع ثاني اسبوع الاحد كعدت وجان شهد تكعد ضلت تبجي والا تريد تروح وياي احتاريت لحد ما استسلمت للامر الواقع بدلت ابها لبستها بنطرون اسود وقمص عنابي ساده سويتلها شعرها بطريقه مرتبه ولبستها شفقه عن الشمس وانا لبست مثلها بالضبط بس كيلوت اسود اجه السايق شهد جانت كلش هادئه رحت للقاعه وهيه كاضه ايدي بقوه ومنطلقه جاي نمشي ونريد نروح للقاعه جان تكول ماما  رديت عليها ها ماما
كالت جوعانه اخذتها للكافتيريا لان بعد ربع ساعه على اول محاضره كلت اوكلها خاف تجوع وانا ساعه ونص مدة محاضرتي واستاذ علاء مو غيره دخلنا للمحاضره فهمتها ان عندي دراسه ساعه ونص اريدها هادئه  طب الدكتور وكفناله بإحترام
جان فجأه شهد تعطس رفع راسه كال
_اكو احد جايب طفل
جان تنط شهد من يمها كالت انا موجوده عموووو
_كال منو جايبها وكفت كتله ااناا استاذ نطت شهوده وكالت
_انا جايه وي ماما لان اكعد ماالكاها وبابا مسافر ف اخاف
علاء: سمعتها كالت وي ماما وبابا مسافراناا احس حيلي انهد انصدمت ماعرفت شسوي شهد متزوجه وعدها بنيه بس عمرها صغير وهيه صغيره هاي يمتى متزوجه وبتها جبيره كتلها تعالي عمو هنا يمي لان ماما عدها امتحان سويت الهم امتحان بالماده كتلها ياحلوه انت شسمج
_اسمي شهودده
_جانت كلش هادئه وعاقله بحيث خلص الامتحان ما سمعت الها حس كاعده وساكته كلش خلصت شهد امتحان وكلتلها يالله ماما كومي خل نروح
شهوده :ماما اريد احاجي بابا
شهد :مادري ليش عصبت كتلها كدام الدكتور من نرجع عود اخليج تحاجينه
علاء: من بتها كلتلها احاجي بابا كلش ضاجت يمكن مطلكه كلت بلكت اكو امل ان هيه مطلكه وانا اتزوجها ان شاء الله مطلكه ياربي ف كامت بتها اجت علي باستني وكالت باي عموو ضحكت الها  بيباي حبيبتي تعاي وي ماما دايماً ردت علي كالت كل لماما
علاء:شهد دايماً جيبيها ونستني
شهد :مااكدر اوعدك استاذذ بس احتمال الايام الجايه يجي عليها ابوها وترجع لبغداد وماعرف اذا يجيبها مرا ثانيه للبصره لو لا بس ألله كريم اشوف شلون
علاء: من حجيها تاكدلي ان هيه مطلكه يعني ابوها بمحافظة وشهد وبتها بمحافظه ويجي ياخذ بته وماتردي اذا راح ترجع لو لا سلمت وراحت وضل تفكيري كله بهل موضوع رجعت للبيت ب ٢ لكيت امي بوست راسها وايديها وصعدت سبحت وصليت ونمت