احدهم لم يكن صدفه

البارت ١٨

˝فاطمة الخالد

.

نورس؛ اخوك ليش ما اجه طلك
علاء؛ الناس تسلم
نورس؛ احجي علاء ليش ما اجه طلك
علاء؛ مادري
نورس؛ بدل لا جاي تلعبون دومنه جان حاجيته
علاء_علي؛ توجه نظرهم لفهد 🤨
فهد؛ نورس خابرت لعلاء وجان فاتح سبيكر كالت الهم على اللعبه وهمه ثنينهم ضلو يباوعولي بخزرا
_لحد يباوعلي هيه حاجتني
علاء؛ باجر احاجيج باي
.

.
راح باجر واجه عكبه وقوب العرس بعد ٣ ايام وعلي ما طلكني جنت بالشغل واحس نفسي ما اتحمل الوضع بعد لازم اروح واحاجي قررت اروحله للجامعه وما ردت اكل لعلاء لأن حتى علاء صار ثكيل مادري شبي  وصلت للجامعه اتصلت بفهد وفضه معناتها بالمحاضره اتصلت بمهند
_الو
_هلا والله شلونج نوروسه
_الحمد لله وانت
_الحمد لله
_انت وين
_انا بالكفتيريا كاعد اراجع
_اريد منك خدمة
_امري عيوني الج
_اريدك توديني لمكتب علي حالاً
_ماشي جايج
_نزلت من السياره انتظرته اباب القسم اجه ضلينا نمشي لحد ما وكفنه بالباب مال غرفة علي
_تريد ادخل وياج لو اروح
_لا خلينا وحدنا
_متأكده
_مهند جان يحجي بخوف ومتوتر
_مهند شبيك اكو شي صاير
_لا ما صاير شي انتظر انا بالباب
طبيت للمكتب شافني تفاجأ بجيتي
علي؛ اهلا اهلا نورتي
نورس؛ ممكن اعرف شمنتظر
علي؛ شمنتظر ما فهمت؟
نورس؛ اعتقد انطيتني كلمه ان تطلكني ثاني يوم ومر سبوع وانت ماكو
علي؛ ببرود؛ صراحتا ما فارغ تجهيز العرس وعقد المحكمه والغرفه والأثاث وكلشي ما فارغلج
نورس؛ ما فارغلي ؟
علي؛ صراحتةً اي
نورس؛ انا مو لعبه بايدك وهسه تروح وياي تطلكني فهمت لو لا
علي بصياح؛ احترمي نفسج فهمتي لو لا وطلاك ما مطلك
نورس؛ اطلك وغصبا عليك
علي؛ هاا شبينج وبين علاء
نورس؛ احترم نفسك وعلاء اخوي وتاج راسك رجال وكف وياي ما احس الا طحت بالكاع من الطراك الضربنياه
علي؛ كالت هل كلام ما سيطرت على اعصابي كمت وضربتها راجدي شلتها من ايدها وكفتها
_حافظي على هل وجه الحلو قبل لا يخرب ويروح نشعته بالعرس ويالله برا
نورس؛ طلعت وانا امشي ودمعتي بعيني ووجهي صار احمر من ضربته مهند يحجي وياي ما مركزه ما اسمعه احس بس اريد اطلع جان اندعم ب علاء
_شبيج نورس
_وخر عن طريقي
_سحبتها من ايدها حيل
_بصياح؛ عوفني هدوني ما بيكم رجال كلكم بس حجي
علاء؛ نورس انتبهي لكلامج شبيج
مهند؛ ما ترضى تحجي
نورس؛ ضربني ومايرضى يطلكني
علاء؛ امشي خل نروح
نورس؛ وين
علاء؛ لابوي
نورس؛ شنسوي
علاء؛ نحل المشكله ويطلكج مو على كيفه يمشيج
مهند؛ نورس على كيفج وي روحج ولا تعصبين كلشي ينحل
رحنه لبيت عمتي ام علي طبيت تلكتني عمتي
_هلا يمه شبي وجهج احمر
علاء؛ ابنج مستسبع عليها وكل يوم طاكها
الام؛ لا تكولها معقوله
مهند؛ ما تشوفين خدها احمر ابنج تخبل
علاء؛ مستسبع عليها الحقير
الام؛ هسه خل يكمل ابوك صلاة ونحجي وياه خل يحط حد لهل سالفه مصخها علي
الاب؛ ها نوروسه هنا
نورس بعبره؛ شلونك عموا
الاب؛ هلا بويه الحمد لله... شبيج بويه
علاء؛ ابنك ضاربها وهاي طبعاً مو اول مره وكل هذا مايرضى يطلكها
الاب؛ خيولي هوه بكيفه هسه يجي واعرف شحجي وياه صاير زلمه عليها
مهند؛ يبا هاي طبعاً انتم ماتدرون هوه الكسر ايدها
الام والاب؛ شنووو!
علاء؛ هوه كسر ايدها ساحبها حيل وانظربت بالسياره.
الاب؛ لا هذا ما ينسكت اله خابروا خل يجي
الام؛ انا كايمه اخابرله
.
.
نبا؛ كملت امتحانات
_يمه نبوي حضري روحج
_المن
_عرس ابن صاحبتي عكب باجر نروح نشتري باليل بدله الج
_لا يمه ماريد بدله واتقيد اللبس بنطرون وستره احلى وانزك
_على راحتج... بس يصير اخو هذا فهد صاحب اخوج الاجانه
_هااا ابو الملزمه خوش نروح ونشوف العرس العروس شلونها
رحنه باليل طلعنه اشتريت قاط كريمي ووياه قميص احمر ساده وشال احمر وحذاء احمر ومكياج جهزت كلشي.
.
.
علي؛ طبيت للبيت لكيت امي وابوي عيونهم جمرر واخواني كاعدين كلهم ونورس عرفت الكل عرف بالسالفة
_السلام عليكم
_لا عليكم
_ليش يابه
_تسأل ليش ها؟ انت رجال لو لا؟
_طبعاً
_لا مو رجال... الي يضرب مره هذا مو رجال... اليكسر ايد بنيه رقيقه هذا مو رجال... اليعوفه بيوم خطوبتها علمود حبيبته مو رجال.... الي ينطبعن اصابيعه على خدها هذا مو رجال... ولك ترضى احد يمد ايده على ميا
_لا يبا
_شلون تمد ايدك على نورس
_عصبتني واطلعني من طوري
_طلكها
_ما اطلك
_طلكني انا ما اريدك واكرهك ياخي خلي عندك كرامه
_اقسم بالله العظيم ماراح اطلكج وانا الج على هل لسان ديالله... عفتهم وطلعت. مارجعت الا الفجر والي هوه يوم الحنه بالبيت وطبعاً جانت عائليه عمامي وعماتي والخوال ماردت غرب لان القاعه عود يجون الكل
.
.
نورس؛ يأست منه كلش ونظرات الكل صارت الي مثل الاستعطاف احت يمي ميا شبكتني ضليت ابجي لحد ما كمت خليت وطلعت ضلو يصيحولي ما بقيت طلعت وتحلفت بعلي انا اله رحت لزينب سولفت الها على كلشي
زينب؛ اجتني نورس جنت جاي احضر بالجهاز طب علي عيونها حمر
؛_نونه شبيج
_كلي لرجلج يطلكني
_لهسه ما طلكج؟
_باعي خدي ضربني ومو اول مره
_هاي شبي
_زينب راح يموتني خلي يعوفني انا ماريده ياختي تورطت
_والله ادري ان ما بينج وبينه