نواف :صديق المقرب لعلي /انا نواف عمري40 سنه بس شكلي ما يوحي ان عمري بالاربعينات ينطي بداية الثلاثين مخلص طب نفسي من جان عمري 20 سنه جنت احب بت عمي من وانا صغير انا اكبر منها ب ٥ سنوات جان شكلها جداً نازك ومن هيه صغيرة هادئة وحبوبة وكلش اخلاقها عالية وثكيلة انعجبت بيها ومن صارحتها لليوم اتذكر جوابها الي خلاني اموت عليها كالت:(الرجال اذا حب وحدة من صدك وبشرف يخطبها ما يصارحها ويواعدها ) .
من ساعتها وانا ادك بايدي ورجلي عليها كلت لو هيه لو ماريد وراها باسبوع فاتحت الموضوع وي امي وابوي لكن رفضو رفض قاطع وصارت مشاكل وضليت 6 اشهر ما احجي وياهم لحد ما امي انتكست حالتها الصحيه من القهر لان مكاطعها ف صاحتلي وهيه كلش تعبانه
ام نواف : يمه امشية عليك الله وامان الله تفرح كلبي وتتزوج وتنسى عطر
نواف : يمه احبها حرام عليكم ليش تحركون كلبي
ام نواف: ولك يمه اكرهه امها وابوها هذولة حياسة ما تعرفهم شكد حفرو لابوك وحاقدين
نواف: يمه احنا الاولاد شعلينه بمشاكلكم رحمة لوالديج طلعينه من الحسبة
ام نواف: كلبي ما راح يرضى عليك ولا اسامحك واتبرى منك اذا ما خليتني ازوجك على مرامي
.خليتها وطلعت خانتني دموعي بين رضى اهلي وبين رضى كلبي وبين البنية الي راح اضلمها مر شهر وانا كل يوم تكلعلي سالقة اتعس من القبلها وهذا كله لان امي ماراضية علي بعدها وافقت ان اتزوج ضلت تهلهل وتحسنت اوضاع البيت واوضاع خواتي وقررو يخطبولي وحده اخت صديقة اختي طبعاً ما طلبت اشوفها ولا شي لان اعترف كلبي مو يمي ولا الي رغبة ان اشوفها واتعرف عليها صارت الخطبة واتفقنه ان العرس ورا الخطبه ب 3 ايام ف جانت هيه قاصر توقعت عمرها 17 ف بيوم الخطبه ما دخلت اللبسها ذهب ولا شفتها كلت ماتسوى بعد يومين العرس صار العرس الزلم وحد والنسوان بالبيت صارت الزفه جانت مغطينها لكن شكلها وهيه مغطايه مبين انها قصيرة وناعمه صعدوها للغرفة وتالي دخلت انا وانصدم انها طفلة صغيرة وكاعدة تبجي من شافتني زاد بجيها
نواف بصدمه: شنو هاي شبيج
منى: عمو عليك الله لا اطكني
نواف بدهشه: عمو!!! بابا انت شكد عمرج
منى : قبل سبوعين صرت 14
نواف بغضب : شنووووووووو ...لحظه هسه اجي
منى: عمو
نواف : نعم
منى:عمو عفية جيبولي لعابتي
نواف: اجذب ااذا اكللكم ما كسرت خاطري كلبي انمرد عليها ...ان شاء الله حبيبتي انت كعدي وقفلي الباب ولا تفتحينه لحد ما اجي
منى : حاضر عمو
نواف : نزلت جوا واصيح ...يمههههه يمههه
ام نواف : خيرك شمه شبيك
نواف : ولجج حرام عليج جايبيلي طفلة والله حرام ادمرونها ولج شنو من كلوب عليكم حركتي كلبي وهسه دمرتيني بالزايد وضيعتو طفولة هل بنية
ام نواف : هاي شبيك وين اكو طفلة بهل وكت دصعد اصعد يمه الله يهديك
نواف : شوفي خل اكلج شي منا ورايح ما الكم اي تدخل بيه ولا ب منى لا قسما بالله اكلب البيت على روسكم ولا تجربيني
صعدت فوك دكيت الباب ودخلت
منى : عمو وين لعابتي
نواف بنفاذ صبر : عمو باجر اخذج لاحسن محل وتشترين كلشي تردي هاي واحد وثانيا روحي بدلي ذبي هل بدله هاي وتعاي اريد اسولف وياج
منى : خوش عمو
نواف: شفتها ما تلوح الكنتور استغفرت ربي ورحت الها
_ ها بابا شنو تردين
_ عمو ما الوح هدومي
_ هسه انزلهن الج اختاري اليعجبج وانا ارجعهن الج
نزلت الها جم قطعه اختارت اتراك اسود وصعدت الباقي راحت بدلت واجت
_ تعاي حبيبتي كعدي هنا واشرت الها كدامي على الجرباية
_ اجيتك عمو
_ احجيلي عن حياتج منو انت وليش زوجوج وانت صغيرة
_ عمو انا ماما وبابا ماتو قبل سنتين جانو ماخذيني للمدينه وماتو وانا ضليت انا واختي اخذنه عمي واختي تزوجت ابنهم وانا ضليت مرت عمي كله تصيح علي واطكني وتكعدني ب 6 اعجن الها ومن ما اعرف تخلي ايدي على التنور وتجويني وممنوع ابدي اذا انطك وهوايه يصيحون عليه لحد ما اجت اختي وكالت راح يزوجني وانا مادري شنو زواج ضلت مرت عمي هوايه تحجي وياي وانا بس اهز راسي ب اي ومادري شتحجي هيه واختي لحد ما لبست وكلولي اليوم خطوبتج حتصيرين عروسه انا تونست راح اصير مثل باربي وشفت روحي حلوه بس مساعه كل لي راح تعيشين بغير بيت وما خلوني اخذ لعابتي يكلولي صرتي مرة
_ انقهرت عليها قهر العالمين قررت احسن قرار وكلتلها
_ شوفي مناوي منا ورايح انا ابوج تكليلي بابا راح ادرسج واعلمج واكبرج واي شي تردينه تجين تكليلي عليه خوش باباتي واي احد يحاجيج جوا لا تردين عليه بس تكليلي كلشي يكولونه الج وهم ماريدج ضعيفه اريدج قويه وشطورة
_خوش بابا بس شنو اسمك
_ اسمي بابا نواف
_ خوش بابا نواف
.......
نوس: جنت نايمه فزيت على نفس يضرب براسي غمضت عيوني بسرعة عرفت ان علاء ضل يحجي بهمس حتى لا يفززني
علاء: الحلوة النايمه اريدج تصيرين قوية مثل قبل مااريدج تضعفين ودائما خلي براسج ان عندج سند وظهر وذراع يمين اسمه علاء اتمنى ترجعين وانت متذكرى كلشي ماريدج تنسين كلشي راح افتقدج هواي وافتقد كعداتنه وسوالفنه الماصخه انا رايح للبصرة وماكدر ارجع الج لازم انت ترجعين لعلاء باس راسي وطلع
نورس: فتحت عيوني باوعت على الساعه ب 2 ونص مادري ليش كلماته هزت جدران كلبي هز وحسيت ان ودي اكوم واكله لا تروح ابقى مادري ليش هيجي اجاني هل احساس وبعد تفكير استمر ساعتين نفضت هل سوالف من راسي والافلام الدراميه واستسلمت للنوم كعدت متاخر لكيت امي فوك راسي تقرا قران
نورس/ صباح الخير يمه
ام نورس/هلا حبيبتي صباح الخير على عيونج
نورس / شنو ابوي وين
ام نورس / حبيبتي ابوج برا جاي يحجي وي الدكتور على حالتج
نورس / ولد عمتي وين شعجب ما غطونه
ام نورس / يا راحو سافرو رجعو للبصرة
نورس/ شعجب مادري
ام نورس / همه ما حبو يكلولج علاء استاذن من ابزج يجي يسلم عليج قبل لا يستفر شنو ما اجاج
نورس/ جنت نايمه مادري
.
.
نبا/ كعدت الصبح متأخر لبست دشداشه من فوك مخصرة مو مو لازكه لا شوي عريضه وردن ومن جوا كلوش يعني مو مخصرة صبحت عليهم ورحت للمطبخ لكيت البنات كلهم كاعدين يسولفون وياكلون كعدت وياهم اسمع سوالفهم كل وحده تحجي عن سالفة معينه والكل يستمع
وسن / نباوي سولفيلنه سالفة منا منا شسالفة
نبا / والله ماعندي سوالف حياتي كلش هادئة اقوى شي يصير وياي من اروح للمدرسة لو اتعارك وي مراد ماعندي غير هل احداث
ميسم / يووو ملل كلش حياتج
نبا / الي متعلم على اللمات والجمعات راح يشوفها ملل بس الي مثلي بالعكس يحسها هدوء كلش وراحة نفسية
اثناء حديثنة دخل مراد ونور
مراد / صباح الخير
البنات / صباح النور
مراد / حبيبتي نبوي صباحج ورد
نبا / ياروحي شلونك
نور / دباع هاي انتم صدك اهل البصرة عايشين بوادي والعالم بوادي
الكل / شلون يعني
نور/ دباعو شلون يعامل اخته هاي عد البقية اول ما يشوف اخته ينتر بيها سويلي ريوك لو سويلي استكان جاي
نبا/ عزيزي نور الرجل الحقيقي تعرفة من اخلاقة ،ومن ما يخلف بكلمته ووعده ،ومن احترامة للمرة سواء اخت ام زوجه بنته هنا تعرفه صدك رجال الها مو عليها
نور / اي والله صحيح هاي انتم لو مو بنات هوالي وخالاتي جان بوستجن وحده وحده
البنات /ههههههه
دخل رعد وعلي
السلام عليكم
الكل / وعليكم السلام
رعد جر الكرسي وكعد على الطاوله الي الكل كاعد عليها
_ مجتمعين شعدكم
نور/ لا ماكو بس نبا انطتنه شوي محاضرة عن ان شلون الرجال تعرفة صدك رجال
علي/ شلون يعني
نور / لا بس صار ....... حجه الي صار الهم همه ابتسمو وكالو صحيح حجيها
نبا/ اي واهم شي ما يمد ايده على بنيه جايتهم خطار ويتهمها
رعد / بس البنيه من تجي خطار لاحد لازم تعرف قوانين البيت وعاداته وتقاليده مو تخوط بصف الستكان
نبا/ هاي لا راحت لناس غربة مو بيت جدها وخصوصا ان الي بالبيت ما الهم سلطه عليها غير اخوها وركزلي على اخر حجايتين
البنات يحاولن يلطفن الجو ورعد صارت عيونه بكصته
علي / شوفي نبا نعرف ان انت من غير بيئة ومحافظه الج خصوصيتج بس يا عيني البيت كله حرس وزلم وهنا احنه الشباب ما اكلج ان نباوع الكم لو شي لا وحق الخلقني كلكم خواتنه وعرضنه بس نخاف عليكم لذالك الي اطلبة منج واهم شي ركزيلي على كلمة اطلبة منج اريدج تكونين هادية ما تنفعلين الي يضوجج جربي بس تشكينه لاي واحد منه وداعتج نجيب حقج منه والاهم يا نبا اريد منج لبسج يكون واسع ادري مالي حق بس انا اكلج البيت بي حرس والشبابيك مفتوحه وشباب اريد لبسج واسع ومو بجايم اذا ماعندج انا بنفسي اخذج واخذ البنات واشترو التردونه بس حبابه اريدج وما تاخذين حجي ان انا اجبرج لو اضغط عليج لو عناد بيج انا جاي اطلب منج واعلمج وبالاخير الاحترام كله لمراد واذا يا مراد حجيي بس غلط او تجاوز على نبا ف اعتذر الك وكدام الكل
مراد / لا حبيبي حشاك من الغلط حجيك ذهب
نبا / حبيت اسلوب علي وشلون يحجي بثكل وهدوء قنعني باسلوبه المحترم وحبيت اسوي الي كاله الي بدون لا افكر كتله
_ خوش بعدين اخذني للسوك واشتري ملابس لان الي عندي ما يناسبن
_حاضر ولا يهمج يالله رعد خل نكوم نروح للكيعان نشوف شكو ماكو
.
.
.
نواف / مشت الايام ودراستي الطبية مستمرة وياي لحد ما كدرت اتخرج منها منى كبرت كدامي وكبرتها وعلمتها وصارت هسه خامس اعدادي هنا بدت المشاكل وامي شدت وياها شدة الظالمين قررت اسافر واخذها اكمل ماستر وفعلا خلال شهر كملت الاوراق ورحت سافرت لبريطانيا ومنى كملت دراستها جنت ادرسها ومهتم لمستقبلها كلش
منى / بابا انا كلش خايفة
نواف / لبي باباتي
منى / المجتمع هنا ما مرتاحه وياهم نظراتهم من اروح وارجع وحتى بالمدرسة ما مرتاحه
نواف / شوفي بابا حبيبتي بامكانج انت تاثرين على الكل بسلوكج وتطبعين فكرة بذهنهم عنج وراح يحبونج صدكي وبعدين بقالج بس سنه واشوفج احلى دكتورة
منى/ ليش دكتورة
نواف / احسن الج ومستقبل واريدج اطلعين طب عام انا ماكدرت اجيب المعدل الطبية ف اريدج انت تحققين حلم ابوج
منى / جنك على حلم تددل بابا
علاقتي بمنى فعلاً علاقة اب وبنتة أبدا ما خليت عيني عليها بيوم حتى من كبرت وصارت ملامح وجهه يبرز واختفت ملامحها الطفولية الكل جان يكلي اتزوجها لا تعوفها تروح منك لكن جوابي جان واحد منى بنتي وماراح تكون زوجتي وبس اشوف الها ابن حلال يحبها من كلب اطلكها وازوجها اله ومحد اله حجايه يمي راحت الايام ومشت الايام صارت منى سادس ومرحلة اخيرة جانت تمشي وتبجي وكلش الخوف متسوطنها جنت دائما امتص خوفها وقلقها بالكلام واسويلها جلسات تأمل وفعلا جانت تنجح باجتياز قلقها وخوفها جانت من ترجع من الدوام تتعامل وياي مثل اب الها حقيقي تجي تبوسني وتروح تبدل تكعد تسولف وياي شصار وياها امتحنت منى وصار وقت النتائج وانا كاعد على نار انتظر بنتي تجي وتبشرني ما احس الا طبت تبجي وتصيح بابابابا انا هنا وكف كلبي اجت شبكتني وتبجي وتضحك وتكول بابا جبت الطبيه والله جبتها انا مصدوم من الفرحها شلتها وضليت افر بيها الشقه واضحك من كلبي واكللها معدله والله معدله وهيه تبجي وتضحك بنفس الوقت بيومها اخذتها واشتري الها كلشي جديد واثثت غرفتها من جديد عيشتها باجواء الطب من صدك وهيه كلش فرحانه ومتونسه .
.
.
يتبع
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
