إتَّـقِ شرَّ الـصـابر إذا عــاف"
.
.
• ғαтмα αʟ κнαʟıɔ ،⇣
.
شهد :انعصر كلبي من شفتها احس بهزيمه عفتهم وصعدت كفكفت طبيت سبحت بدلت لبست حجابي ونزلت باقي الجنط لكيت امي هم مبدله وبيبيتي ومرت خالي ونرمين كاعدين كلهم يباوعولي طلع ابوي كال يالله همه هم كالو زين ينتظرهم برا كلبي رجف اجيت اموت بحسرتي ردت اكللهم مااريد اعوف بغداد ولا هوه بس سكتت كتمت عبرتي ومسكت دمعتي حتى لا اطيح ابوي طلع الجنط كلهم بالسياره وطلعت بيبتي وامي ومرت خالي بوستني بالطارمه ونرمين هم جانت كلش زينه وحسيتها ماتدري بشي ابد طب ابوي انا واكفه بالطارمه كالي
_بويه صيري قويه وماعليج بي اعتبري شخص عادي سلمي صعدي عوفي لا تديريله بال أبدا
_ان شاء الله طلع ابوي وانا ورا طلعت بالباب وشفته منتجي على سيارته لابس بنطرون اسود وقميص ابيض ونضاره شمسيه وشكله كلش مرتب انعصر كلبي اجه اتقدم علي
زين:عاش من شافج
شهد :بلعت ريجي وكتله انا رايحه
زين: مادري شكلج بس متاكده تردين تعوفين بغداد
شهد : اجيت اكله لا مااعوفك بس كلت العكس.. اي اريد اروح حتى انسه كلشي وابلش حياتي من جديد بعيد عن الكل
زين: تقدمت شاورتها وكتلها اسف كلش اسف احبج سكتت لحظه ورجعت كلت مثل اختي
شهد : تقدم علي شاورني انقهرت شاورني كلي احبج طاحت دمعتي بس من رجع وكال مثل اختي حسيت ودي اذبحه بايدي ابتعد مني وباس راسي كتله اشوف وجهك بخير خووويه وابتسمت
زين: بست راسها جان تبتسم وكال اشوف وجهك بخير خوويه حسيتها مال انتقام على فقدان امل هزتني حجايتها طلع عمي سلم علي باوعلي بنظرات عجزت افسرهن راحو واحس شي مني راح وياهم رجعت للبيت استمرت حياتي هادئه ونرمين قايمه بكل واجباتي صرت احبها ماجذب الي كال الحب الحقيقي هوه الي يجي ورا الزواج صرت كلش احبها حتى ماجنت احب نغم مثل حبها تعلقت بيها حتى وانا بالجامعه اتصل عليها كل نص ساعه وحتى أثناء المحاضرات اركب السماعات اغافل الدكتور بس اسمع صوتها تضل تحجي مايصير وسده وانتبهه انا متونس طاير حتى برزايلها ارجع للبيت كلشي جاهز ٣ اشهر وتبشرت نرمين حامل والكاع ما شايلتني وامي وابوي هم بيبيتي من راحو بيت عمتي للبصره وهيه حالتها مو تمام مكسورة الخاطر صحيح تحب نرمين بس مكان شهد بالبيت الكل فاقده حتى انا غرفتها الي تصير مقابل غرفتي لحد هسه محد داخل الها احتراما لخصوصيتها وخاف يجون لبغداد تكله مكانها على حطته... تروح الايام وتمشي وشهد رافضه تحاجي اي احدمن بيتنا حتى بيبتي وهذا الشي تعب بيبتي اكثر وكسر كلبها فعلاً حقدت عليها شلت الحضر عنها دزيت الها
⬛كل الي صار بيبيتي مالها شغل بي كبري عقلج انت مو جاهله وتحاربين بيبيتي المرا تعبانه ورايحه روحها من وراج خابريها خل تسمع صوتج عيب عليج
شهد : رحنا للبصره والطريق طويل وصلنا باليل بيتنا يخبل كلش حلو وجبير وبمنطقه كلش حلوه بالبصره وطبعاً الكل مفتح بيها نزلنا تسوكنا من سوبرماركت انا وابوي ورجعنا اكلنا سبحنه ونمنا اول يوم غريب علي المكان بس تعلمت عليه نقلت لغير مدرسه بالبصره وكلش ارتاحيت بيها طبعاً بيبتي ابتعدت عنها وعن خوالي كلت لامي لو شيصير مااريد اي خبر عنهم ولا تجيبيلي التلفون حتى احاجي احد عشت من جديد وحياة جديده مرت الايام اجاني مسج من زين العابدين قريته ومسحته مااهتميتله ابدا خلي بدت المدرسه ضليت اداوم تعرفت على صديقه اسمها نبأ كلش حلوه وحبابه وقوت علاقتي بيها فتره وهيه ضلت تعوف الدراسه كالت علمود عمليه عافتها بالسنه الأولى والثانيه رسبت صرت انا جامعه وطلعت من الاعداديه ورحت هندسة نفط
..
زين : ورا اشهر رزقني الله ابنوته وبيبيتي اصرت اسميها شهد على اسم بت عمتي وانا ما مانعتها عادي شهود هم احبها لان جانت خوش بنيه وما اذت احد ابدا ولا شفنا منها شي مو زين صارت لحظه الولاده نرمين كلش تعبت وضلت توصيني كلبي لعب ضليت اندعي رحنا للمستشفى لا احد يطب ولا يطلع لحد ما طلعت الممرضه كالت ان الطفله سليمه والمرا انطتك عمرها هناا تذكرت شهدد مادري ليش اجت ابالي كلت حوبتها حركة كلبها والله هسه ردها الي فعلاً انتيهت بعد فراك نرمين طلعت بنتي تخبل تشبهه امها اخذذتها وامي ضلت تعتني بيها بيت عمي اجو كالو ما يصير غراضها تضل بالبيت طلعهن من الغرفه وفعلاً امي لمتهن كلهن وي خالتي وطلعوهن بس كلشي بالغرفه يذكرني بيها حتى الزوايا مرت الايام والسنوات بيبتي تعلقت بشهوده مثل ما جانت متعلقه بشهد بت عمي حد فد ليله كعدت اسمع صوت بجي بغرفة بيبتي كاعده ومكابله صور شهد وتبجي عليها انحرك كلبي عليها وصورها وهيه جبيره الضاهر امها دازتهن شهد متغيره صايره جميله بدرجه وبيبتي مااوصف حالها صعدت شفت شهوده بنتي تحوس مثل امها طبعاً كبرت َصار عمرها ٧ سنين نسخة امها بالضبط مااكو اختلاف بينهم اطبع حركات اسلوب ومن تسئلني على امها اكللها مسافره نمت بصف شهوده متعلم انومها يمي الوحيده الي بقة من ريحة امها فزيت اذان الفجر على صريخ امي نزلت ركض الكه بيبيتي شابكه الصور وميته هنا تخبلت حسيت بالذنب كلشي سويته انا سبب روحتها وسبب وفاة بيبتي انقهرت كلش حد ماا صار نصبنا فاتحه والمغرب طب ابو شهد للجادر وسلم فرحت بداخلي شي رجع يمكن لان احتمال راح اشوف شهد واحاجيها واعتذرلها لان كلشي اتعرض اله من بعد ٧ سنين اكول حوبتها اريدها تسامحني طبينه الزلم كلبي ضل يرجف مو حبا وانما رجفة اللقاء الاول ما بينا من بعد فراك طبيت لكيت ابوي شابك احد عرفتها من ايدها هيه شهد لان بيها اثر خياط طيحتها من جانت صغيره طاحت وانشكت ايدها.. وخر ابوي وشفتها سلمت وهيه بس تباوعلي بنفس النظرات اخر مرا رجعتني وين ورا شوي طلعت وطلع وراها ابن عمي احمد هوه وهيه جانو كلش أصدقاء جان مدللها وبت عمتي ميسم هم كلش صاحبات من الصغر المهم ورا شوي ابوي سئلها عن الجامعه وجي ضلت ترد عليه هندسة نفط كلت والله سبعه ومعدله لحد ماجابت سيرة الدكتور احس ضجت فرديت عليها هيه هم ردت علي رد سخيف فجاه الكل صف وياها ضدي والكل درا موتت بيبتي من قهرها وفراك شهد ف الكل حملني ذنبهم وانا محد حس بيه.. طلعت وانا طلعت وراها لكيت احمد وهيه يسولفون كلت الها اريد احاجيج شفتها نغزت احمد حتى يدخل هاي حركتها من جانت صغيره ضحكت بداخلي اتقدمت عليها وكعدت
(عوده للحاضر)
زين: كعدت كدامها كتلها عاش من شافج بت عمتي
شهد :شكراً ودارت وجهه😏
زين:شلونج
شهد :من الله بخير
زين :ومن ابن ادم
شهد :مو بخير لحد ماارجع للبصره توجع روحي
زين :يااا اي حلو بس شعندج بالبصره
شهد :توأم روحي هناك الي مااكدر لحظه... جاي احجي واسمع صوت طفله كالت بابا بابا
زين :جاي تحجي اعصابي مااحس بيهن ساعه واكوم اجنزها َشهوده صاحت علي بابا
_حبيبة ابوج شهوده
_نعم
_هههههه لااا على بنتي اسمها شهوده
_فرحتت كلش من دريت بنته على اسمي
اجت شبكته وبوسته كلتله منو هاي
_بابا هاي وحده جانت مسافره وهسه رجعت
_يااييي هاي ماما موو ماما هم مسافره اكيد انت ماما
شهد : كلتلي انت ماما وكامت وشبكتني حيللل انا انصدمت وحبيت شبكتها باوعتله بسؤال جان يباوعلي بتوسل ويحجي بهمس
عفيه كليلها اي انا ماما عفيه
ما فهمت شكو وليش مباشرةً كتلها ايي حبيبتي انا مااما شلونج
_ماما صاحباتي كلهم امهاتهم يجوهم للمدرسه بالاول وانت ماتجين بس بابا وبابا يكلي انت مسافره صارلج هواي ماما ليوم نامي يمي
شهد :كلامها اثر بيه ورجع مشاعري تخيلت صدك انا مرته وهاي بتنه شبكتها كتلها تدللين ماماتي ليوم يمي تباتين
لاا مو ليوم كل يوم بعد ماترحين
حبيبتي تدللين ماروح
شهد؛ عيوني دمعت وانقهرت على كلامها ونضرات زين المحيره وشهد ماارضت تعوفني لحظه كله كاعده يمي لحد ماا طبيت وهيه مجلبه بيدي جان تكول بصوت عالي جدوو جدوو ماما رجعت شوفها
خالي : باوعلي باستفهام جان زين يغمزله ويباوعله بتوسل يعني لاتحجي وتكول مو هيهه
الكل افتهم وكلولها ايي هاي ماما ارتاحي كعدت بالنص امي جان تكلي ها شكو كتلها على الصار وشهد كاعده وشابكتني بيها من ريحته كلساع وحطت راسها بحظني لحد ما نامت باوعتلها هوه جان كاعد كلت كدامهم ماطول نامت احجي شنو الموضوع البنيه سوتني امها وانا اصلا مافاهمه شي جان يحجي
زين: شفته شهوده كلش تعلقت بشهد وانا هنا ماعرف شسوي فعلاً شهد تحتاج ام وامي كبرت ماتكدر عليها وانا اغلب وقتي بالمستشفى دخلنا وكلساع اشوف بنتي شابكه شهد وشهد هم ماخذها الواهس شلون اتصرف ماعرف لحد ماشفت بنتي نامت نومه مستقره وبهدوء تامم اول مرا هيج تنام جان تنطق شهد وتكلي احجيلي سولفتلها كلشي والكل احتار شنو يصير لحد ما كالت
شهد : خوش انا راح اقبل.
أنت تقرأ
احدهم لم يكن صدفه
De Todo• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
