- كنت أتمنى أن يبقى ما كان بيننا جميلاً، ولكن الأمور لاتمضي كما نتمنى، احترقت أحلامنا وبُعثرت أمنياتنا، ثم أفلتت يدي وتركتني، تلاحقني الآهات والذكريات.
.
.
.
.
نورس : كعدت الصبح لبست رسمي مكيجت سبحت روحي بالعطر وطلعت للدوام مادري ليش هيج سويت اول مرة اهتم بنفسي لهل درجة من بعد الحادث مريت لاقرب كوفي اخذت كهوه أثناء الشغل ماعرف شلون تذكرت موقف مهند وشلون خلاني ورا ويحجي وي علاء ويهدده ابتسمت ماعرف ليش حسيت ان لحد هسه اكو احد يكدر يحميني غير علاء رجعت اشتغل بحدود النص ساعه قطع تفكيري صوت تلفوني يدك طلعته من الجنطه واشوفه مهند ضحكت جاوبته
نورس : هلو مهند
مهند : ااا هلا نورس سلام عليكم
نورس: وعليكم السلام شلونك
مهند بتوتر : الحمدلله انت شلونج
نورس : تمام بخير
مهند:......
نورس : الو
مهند : وياج وياج
نورس : بيك شي ليش ساكت
مهند: ردت اسمع صوتج ، لا اقصد يعني اطمن عليج بعدج زعلانه من الصار وايدج خو ما توجعج
نورس : هههه لا مابيه شي انا زينه بس الظاهر انت بيك شي
مهند: دام انت مابيج شي انا مابيه شي الحمداللة
نورس: فهودي شلونه
مهند : خاوي راسي بالي يحبها
نورس: كله الخميس نروح انا وهوه وخاله نخطبها الة حتى لا يخوي راسك بعد
مهند: ان شاء الله
نورس: يوم الك واروح اخطبلك بت الحلال الي تحبها
مهند: بت الحلال من اسمع صوتها احمد الله واشكره الفين مرة بالثانية
نورس : لك هايي شنو مهندو طلعت طايح على وجهك بس خانس هل اشوفك ما تكعد يمنه لا تحاجيني لا شي اثاري الحكومة مروضتك
مهند بتنهيدة: يابة ياريت والله تروضني ماتدري أصلا ولا تتوقعها مني
نورس : صلاوات على محمد خيبتك وارثها من خوانك ايدك بايدهم بحيل الله
مهند: احم انا ااستاذن مع السلامة
نورس : الله وياك
.
.
.
علاء : بدت ايامي تمشي طبيعية واتعايش وياها امي بدت تلح بموضوع نورس حيل وعلي ايدها بهل شي طبعاً ولا اعترض اخذت 4 ايام ورى المشكلة هيه بس تحجي كل ما تشوفني صار يوم الخميس نزلت العصر مبدل اريد اطلع واسمع صوت ضحك بالدوانيه هرجة دخلت والكه نورس عدنه والكل ملتم عليها طبيت سلمت ردو السلام الا هيه متجاهلتني كأن ما طبيت ضلت تسترسل بسوالفها كعدت على صفحة حاولت اشاركهم بالحديث بس ماكو كان ما موجود بالنسبة الها كلش استفزني الموضوع وتوترت ضليت افر بالخاتم الي بايدي لحد ما حسيت ان كوم اطلع احسن قبل لا اكوم دخلت امي جان تكول
الام: يالله يمه نورس امشينه
نورس : اي بعيني
فهد : يمه عليج الله قنعيهم شكد ما يردون مهر لا تعارضين
الام: ولك اكلت راسي زين فهمت فهمت لبنيه ناخذها الك ناخذها واعرفها ترى طالبتي هيه واهلها زينين واعرف امها لاتخاف الله اذا رايدها الك تاخذها من حلك السبع
نورس : عقبال مهند ياخذها من حلك السبع
مهند : ها 😶!!!
نورس : ها شنو. ماتريدها
مهند : الله راضي علي اذا يخليها تشوفني (بهمس )
نورس : حظي ايدك بيد اخوانك الخايبين
الام : يمه علاء
علاء: ها يمه
الام: يمه يوم ازفك على وحده بت اوادم وتحبك وتحبها وتشيلها بعيونك يالله عجل الها يمه
علاء: مو هيه كاعده بجيبي بت الاوادم يا يمة
علي : اكو اكو بت اوادم ،😜
نورس : عمه اذا خلصتي خل نمشي يالله
.
.
.
نبا : احلى سبوع خلصته وي بنات خالي وبه سبوع جديد تونسنه وكلش هواي طلعنه ومراد ورعد همين البنات لاحظوا ان رعد ما يضحك من قبل هيج وي بنيه ويهتم الها مثل ماجاي يسوي وياي انا اتجاهلت الموضوع لان بالاخير هوه اكبر مني وما يناسبني ومختلفين من السما للكاع على يوم لعصر تبلغنه ان ام علي راح تجي تزورنه قلقتني زيارتها وبنفس الوقت كلبي ضل يدك احسه راح ينفجر على ساعة بيها ريحة الحبايب 💔 كمت بدلت لبست بنطرون وتشيرت ورفعت شعري ذيل حصان وحطيت مسكرا واحمر خدود وشوي حمره خفيفه مادري ليش خايفه البنات جانو كاعدين بس لاحظوا توتري بهل لحظه حاولو يفهمون ان شكو بس جنت ساكتة صار العصر سمعنه صوت الجرس رعد هوة الي فتح الباب الهم وامي دخلتهم انا والبنات نباوع من الشبابيك ونتهامس طبت وياها بنيه الي شفتها بعرس علي الي جانت مرته يابه صايره اية من الجمال حجيت بكلبي ( امداك يا علي هاي لو انا ولد وهاي مرتي الا انقبها ) قطع سلسلة افكاري رؤى
رؤى: وضعج غريب
نبأ: طبيعية مابية شي
رؤى : طبيعية والتوتر إلي متملكج شقضيتة
نبأ: لاتسويها سالفة مابيه شي اجانه صوت وحدة من البنات
_عوفنها عوفنها ام الحب الظاهر
نبأ: بلعمت وطلعت نزلت جوا لكيت رعد كاعد بالمطبخ
نبا: شكلي زين
رعد بأبتسامة خفيفة : كمر طالعة
نبا : شكرا
رعد: شنو شبيج مو على بعضج
نبا: لا ماكو بس يمكن لان قلق الدراسة وقله اكل ونوب تعرف لسادس
رعد: هز راسة بمعنى ان اوكي
حضرت الضيافة وكملت كلشي تالي دخلت سلمت عليهم ولبنات نزلوا سلمو همينه لحد ما بدت ام علي تحجي بالموضوع
ام علي : واللة يا ام مراد احنه جاين نخطب نباوي لابني فهد واحنه مانلكه احسن من نسبكم وبتكم
ام مراد :والله احنه نشرف بيكم ونباوي بتكم وماتعله العين عن الحاجب وان شاء الله الكم
نبا : احس اريد اموت شنو شنو احب علي وانخطب لاخو وامي شنو تنطي لموافقه عني تخبلو هذول ضليت مجمده بمكاني وهمه يحجون يحجون وانا كاعده بس اباوع بعيوني والافكار والحجي الي براسي ياكل بيه اكل لحد ما راحو انا طلعت كبل لغرفتي لبنات كاعدات ضحك وسوالف انا طبيت كبل ركعت لباب وتغطيت بفراشي صوت البجي مالتي مله البيت كلة والكل مصدوم !!!
.
.
نواف : مشت الايام وتزوحت منى وراحت عاشت وي شريك حياتها اول اسبوع جانت تخابر وتتصل الى ان بدت تكطع اتصالاتها شوي شوي ماردت اضغط عليها ولا اجبرها على السؤال لان بالاخير صرت غريب عليها مشت بيه الايام وعبرت الاشهر تذكرت صديقي علي من ايام المدرسة صارلي فترى كلش طويله ماحاجي وياه تواصلت وياه طلعت احواله اسوأ من احوالي وحبيبتة سافرت وبالضيم قررت هنا انهي شغلي وكلشي وارجع للعراقي بس كلبي ما ينطيني اعوفها اتصلت عليها مره مرتين الثالثه ردت علي
نواف : مُنيتي شلونج
منى: حمدلله بابا وانت
نواف : شبي صوتج
منى: مابيه شي بابا بس حنسافر لكندا هناك حنروح ورى خواله لزوجي وكلش ضايجة لان راح اعوف مكاني وصديقاتي
نواف : يعني بس صديقاتج ومكانج مهمين
منى: لا بابا انت هماتين بس ادري انت تكدر تجيني يمتى ماتحب
مناف : مُنيتي
منى: نعم
نواف:انا راح ارجع للعراق
منى:ليش بابا ليش
نواف : كلشي بدونج ما ينجرع وانت لكيتي حياتج ومشيتي بيها انا جنت عايش على مودج وهسة انت رحتي ماكدر اكمل انا جبتج هنا حتى احميج من كلشي ياذيج وهسه طلعتي من ذمتي وصرتي على ذمة رجال ثاني
منى: مادري بس انا هم اريدك واحتاجك انا ابوي وصاحبي وامي
نواف بحسره:مُنيتي
منى : ها يعيونها لمُنيتك
نواف : انا اح..... قاطعته منى
منى:بابا لحظه لباب يدك يمكن رجع بعدين احاجيك بيباي
من عدها مباشرة حجزت اقرب موعد للعراق الي هوه بعد سبوعين حظرت غراضي ورحت للعقار سجلت الشقه باسمي واسم منى خاف كلشي يصير بالمستقبل اكون تارك الها شي يحميها بالاخير هيه مالها احد مرت الاسابيع بسرعة
قبل لا اسافر بيوم دزيت الها مسج
مناوي باجر اسافر للعراق احتاج اشوفج لاخر مرة
_بابي ساعه 7 انا يمك
صارت الوقت بسرعه اجت فتحت الها الباب سلمت علي من بعيد لاول مره ولا ذبت حجابها حترمت كلشي بيها وكلشي جاي تسوي كعدنه نحجي نحجي لاحظت عليها تعبانه وجوا عيونها اسود ايديها مشخطات وتحاول تضمهن سالتها ان شكو. ليش هيج جان تكول تعبانه دوام وبيت وشغل وعندي بزونه هيه تخرمشني بس عرفتها جذابه وتريد بس تروح ماردت اضغط عليها بالحجي لحد ما فتحت وياها موضوع الشقه
_شوف منى الشقه سجلتها باسمنه ثنينه انا رايح بس اريد اعوفلج شي. خاف كلشي يصير وياج عندج شقتج تجين تعيشين بيها ماشي والموضوع سر ماشي حبيبتي
_ماشي بابا انا هسه رايحة دير بالك على نفسك وطمني من توصل انا سبوع لجاي طيارتنه هم
_ مُنيتي
_نعم
_احبج حيل ومكانج ما يتغير
_اناهمين ماانساك انت ابويه لربيتني وكبرتني وتعبت عليه
_الله وياج .
انكالت من كل كلب ورب الله وياج هاي هيه .
رجعت للعراق ولاهلي بعد فراق سنينننن. طويله هذا لمتزوج وهذا لميت وهذا لمادري شصاير بي فترى وصارت سالفه الفتوى قررت التحق بالكليه العسكريه طلعت ضيم كلبي كله هناك وبدت حياتي لجديده بس ما نسيتها .
.
.
.
يتبع
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
