نبا: قررت امي تروح لبيت اهلها بالعمارة انا مااتذكر عليهم هواي وصار الي فترة كلش طويلة ما رايحة لبيت جدي وحتى من جنت اروح جنت صغيرة ف هسه امي قررت نروح لبيت جدي نظل عدهم سبوعين لان ابوي راح يسافر ف كالت نغير جو جهزنه جنطنه وقررنه نطلع الفجر صار وقت طلعتنه لبست فستان طلعه اسود ساده وشال رصاصي ونسقت وياه الحذاء والجنطه صلينه الفجر وطلعنه الطريق جان شبة طويل وصلنه للعمارة امي خابرت خالي على مود يحجي وي السايق يدليها على البيت لان شالو بيت جدي بغير منطقة نهاية الحجي اتفقو ابن خالي يطلع النا ويجيبنه قرابة النصف ساعه وصلنه للمنطقه واجه ابن خالي بسيارة عالية سوده شبة مضلله وكلش حلوة وهيبة نزلنه جنت انا مدنكة سلم على امي وعلى مراد ما سلم علي كلت بيني وبين نفسي
_قليل ذوق ...بس يالله هسه انا عايشة على سلامة
صعدنه بالسيارة جنت لابسة نضارة شمسية واباوع على الطريق والمحلات والبيوت تختلف عن البصرة وجماليتها وصلنا لبيت جدي طلعو استقبلونه نسوان خوالي ثنينهن والبنات الشباب جانو بالديوان طبعاً بيت جدي عشاير جانت اجواء جديدة علي ومااتذكر بطفولتي هواي منها وانا بيت جدي بس احس بشي جديد امي وبيبتي بدو يسولفون وانا بس اباوع بعيوني ماعندي ميانه وي بنات خوالي اجت مرت خالي كالت روحو صعدو فوك بغرفة الضيوف جهزناها الكم صعدت سبحت بدلت لبست تراك شوي عريض ردن وخليت لحجاب على راسي اجيت انزل جان يجيني صوت امي
_نبا ترى انت مو بالبصرة
_شنو يعني
_هنا بيت جدج ما يرضون بهل لبس
_ يمه انا هذا لبسي اوكي همه نضامهم شكل على راحتهم ماادخل بيهم بس انا مو هيجي
_لاتخلين رعد يشوفج
_ خوش
ماجنت اعرف رعد منو بس اعتقد واحد من خوالي
بالمناسبة امي عدها ٥ اخوان وكلهم متزوجين بس اخر واحد ما متزوج ومختلف جذريا عن خوالي
نزلنه انا وامي لكيت خوالي وولدهم داخلين يم بيبي طبت امي والكل وكف الها واجو باوسوها وسلمو عليها وانا فاهيه عشيرة هاي انا الاعرفه والما اعرفه صافحته عرفت ثنين من خوالي والبقيه ما عرفتهم
خالي الكبير: نباوي شلونج
نبا:الحمدالله خالو
خالي: باي صف أنت
نبا : انا جاي ادرس اعدادية
خالي: الله يوفقج بوية
صرت اباوع الهم واحد واحد لحد ما طاحت عيني على واحد عيونه بكصته وماجان لابس مثلهم دشداشه جان لابس بنطرون وتشيرت اسود جان كلش ما عاجبه الوضع وانا طبعي استحقر هيجي نموذج تشوف عندك ضيوف اعدل خلقتك باوعتله بنظرة اشمئزاز وكملت تغدينه شربو جاي وضلو يسولفون بأمور العشيرة ولد خالي كلمن بيهم راح لمكان صعدت انا ومراد للغرفة
_اكلك
_كولي
_هاي الزلم كلهم خوالنه وولدهم
_حطيتي عينج هسه ينقرضون
_لا ولك صدك
_ اي كلهم خوالنه واولادهم وترى مو هواي همه ٤ خوال بس اولادهم ماشاء الله هواي
_ هذا ابو الاسود منو
_هذا ثاني اكبر واحد بولد خوالي
_الكبير كلش وين
_ضابط وبالشغل
_هاااا
نمنه نومة الظهر كعدت ب ٩ باليل كلش دايخه كنت غسلت لبست دشداشه طويلة وخليت لشال على راسي ونزلت البيت محد بيه صرت افتر بيه ماكو لا بالدوانيه حتى الديوان مسدود خفت لا كلهم طلعو وعافوني بالبيت طبيت لمطبخ اشرب ماي اجاني صوت
_احم احم
_اخترعت وطاح لكلاص من ايدي
_شسالفة بويه ماكو شي
_اهلي وين وليش محد موجود
_كلهم راحو بالبستان جان نشوي وانا اجيت اخذ الشيش مال الشوي
_زين ليش محد كعدني
_مااعرف
_زين انت منو
_ انا نور ابن خالج الوسطاني
_زين ليش سموك نور
_دوريلي الشياشه
_ليش سموك نور
_شوفيهن هناك
_ جاوب اول
_بسسس شكد تلحين
_هيييي لاتصيح وانا وين اندل مطبخكم شنو بي مابي واكعد ادور بس ما احس الا احد لوه ايدي
_صوتج ما يعله لا والخلقج اطيح حظج فهمتي
_كضتني العبرة :وديني لامي
_امشي انتظريني بالباب لا ادفنج
_انهضمت من حجيه وياي واسلوبة الهمجي الضاهر ماراح تتعده هل جيه على خير ...طلع وصرت امشي ورا لحد ما وصلنه للبستان شفت مراد كاعد ويمه الشباب هم كاعدين جانت الدمعة بعيني رحت ركضت عليه كعدت يمه ضليت ابجي وشابكته
مراد:شبيج تبجين
نبا.......
مراد:نبا شبيج احجي منو وياج
نبا: عايفيني بالبيت وهذاك صيح علي ولوه ايدي
مراد صدك ضاج وعصب
مراد: هسه يجي وافتهم منه ضليت كاعده يم مراد واولاد خوالي امي ماشفتها حتى اروح يمها الولد عادي يسولفون اجه نور كعد وهم ابن خالو ابو الاسود الي مااعرف اسمه هم كاعد اعمارهم تقريباً كلهم ب 20
مراد:نور شبيك وي نبا
نور :تجاوزت حدودها
مراد:شلون بالله؟
نور: علت صوتها واحنا ماعدنه حرمه تعلي صوتها
نبا/ انقهرت من ما حجه الصدك رديت عليه ...ماعدكم مرة تعلي صوتها بس عدكم رجال ما يحجي الصدك ويكول ليش علت صوتها اجانه صوت ابو الاسود .
علي: انت كولي الصدك بالله
نبا : نزلت ما لكيت احد بالبيت طبيت للمطبخ اجه هوه عرفني عليه كتله ليش سموك نور ما رد سالته مره. ثانيه جان يصيح علي بصوت كلش عالي جان ارد
علي: نور ليش صيحت هوه سوال ترى ما يضوج
نور : ياخي مااحب النسوان وحجيهن شكد يلحن
مراد: مهمه كان ما مسموحلك تعلي صوتك وتمد ايدك عليها هيه بعتبار غريبة واذا تريدها عشاير نسويها ترى .
محمد: لا مراد شسالفة احنا اهل ما تستوجب هل سالفة
مراد: نبا لا احد يدنه الها لان هاي كلشي ماكو وفطيره تمشي بالسياسه مو بالصوت العالي
نبا: خليت وكمت رحت ادور على امي لكيت بنات خالي كاعدات يسولفن ويضحكن صاحن علي كعدت يمهن ووو......
.
.
.
أحداث المستشفى /
علاء :تعدت 24 ساعة ما تغير وضع نورس وهل شي قالقني لان الطكه اجت براسها وامها متخبله عليها بس تبجي بعد مرور يومين شفنه الدكاترة يجون بسرعة للغرفة احنا اخترعنه دخلو وفجأة طلعت ممرضة وبوجهة لمحة امل بشرتنا ان نورس كعدت دموعي طاحت من الفرحة والكل الكاع ما شايلتهم من الفرحة بعد مرور ساعات من الفحوصات اكتشفنه ان نورس فاقدة الذاكرة اخر 3 سنين وهل شي جداً. اثر علينا وعلى اهلها يعني كل الي مر ما تتذكرة ولا تتذكر اي شي مر عليها وهيه ويانا
.
نورس :كعدت من النوم الم بعضامي مو طبيعي وراسي يحرقني والم بي ما ينوصف ما اعرف شنو الصاير بالضبط وليش انا هنا الي اتذكرة جنت بالشركة عدنه إجتماع وراجعة للبيت ونايمة وكلشي ما بيه شجابني هنا ؟!!!!
دخلت علي امي وابوي.
_يمه الف الحمدلله على سلامتج
نورس بتعب: الله يسلمج يمه
_بية التعب ولا بيج بويه
_ لا بابا ما بية شي هوه بس الضاهر مترضرضه عضامي ومنفتح راسي كله سهالات
_شنو تحسين هسه يمه
_ المم بجسمي كله وراسي يعورني هم ويحركني
_اسم الله عليج يمه ،يمه ترى علاء وعلي اولاد عمتج يردون يدخلون يسلمون عليج
_علاء وعلي يبووووو هذول بعدهم عايشين خل يدخلون
علاء: طلع خالي وكال النا نفوت احس خوفي عليها سبقني ودخل قبلي دخلنه انا وعلي سلمنه
_علي: الحمدلله على سلامتج نورس
نورس: الله يسلمك علي
علاء: نوروس حبيبتي الحمدلله على سلامتج
نورس: الله يسلمك مشكور
مر الوقت وانا كلساع ادوخ وانام واكعد واشوف هل علاء واخو وامي كل شوي داخلين علي لا يستحون ولا شي هسه صارلي دهر ما شايفتهم شهل ميانه اريد اعيط بيهم بس ما بيه كلش ...
.
.
شهد : جهزنه كلشي انا وزيوني الاثاث وكلشي والحمدلله المحاضرات قليلة لان اكثرهن استاذ علاء ما. يجي وعدنه وقت خلصت حياتي كلها طلعات وي اهلي وشهوده الصغيرة اجت عندي وسجلتها روضه يمنه ابوي يوديها ويجيبها .
في اليوم التالي :
نبأ : تعرفت على بنات خالي وخالاتي
رؤى : بت خالي الجبير عمرها 25 سنه واخوها رعد كلش يحبها حسب ما فهمته وان هيه الها احترامها وهيبتها بالعائلة لان هيه فارضة شخصيتها وهيه خريجة من سنة
ميسم : اخت رؤى الصغيرة طالبة اعدايه واستاذة سج عادت السنة لان جابت 90 اجيت اكضها واطقها وهم المدللة عند خالي وكلش يحبها .
وسن : بت خالتي. عمرها 21 تحب المرح والضحك ودمها خفيف وصديقة الكل والكل يعتبرها اخت اله سواء البنات او الشباب لامة اسرار البيت كلة واستاذة بالطبخ
نهى: اكبر وحدة ببنات خالاتي وخوالي عمرها 34 الي حسيته ان عدها هواي اسرار مضمومة والكل يهابها ويخاف منها ويحترمها واقرب صديق الها هوه رعد ونور بحيث همه الي يوكفون الها من يصير وياها اي شي وهيه الوحيدة الي عند خالتي الله يرحمها وهيه مخلصه جامعة ومتخرجة
.
صار الصبح كعدت غسلت لبست دشداشة تصميمها من فوك مخصره ومن جوا كلوش تصير لكيت امي كاعدة ونازلة قبل ومراد كذالك خليت عطر طلعت من الغرفة جان نور هم يطلع من الغرفة الي كدامنة عفته ومشيت جان يجيني صوتة
نور: صباح الخير
نبأ: صباح النور
نور : نبأ ...... أنا آسف على امس لان صيحت عليج
نبأ: حصل خير بس سوال
نور : تفضلي
نبأ : انت ليش سموك نور ؟
نور: يا بت الحلال شلزكتي على هل سالفة ترى والله اذيتيني
نبأ: سوال طبيعي ترى مابيها شي وانا ما تريد تجاوب اكو شي اسمة ان تبلغني انك ما تريد تجاوب ماكو داعي انك تضل تحجي و.....
نور: عمي هاي هيه انت النسوان من تحجن ما تسكتن
ابوي سماني نور
نبأ: على اسم حبيبتة القديمة ها ؟
نور : لا لا بوية مو هيجي أصلا امي هيه حبيبتة وهيه اسمها نور سماني نور لان ماتت وهيه تولدني ف سماني نور هسه عرفتي ليش مااحب احد يسألني ليش اسمك نور 😅
نبأ: ياااسفة ماادري والدتك ميته
نور: لا عادي ما صار شي أصلا انا ما اعرفها كبرت بيبي هيه الربتني بس اشوف صورها جانت حليوة وابوي دائما يسولفلي عنها يقول انها طيبة وحنونه وجانت تتمنى الطفل ومن صار عدها هيه راحت
نبأ: الله يرحمها ....يالله خل ننزل جوا نتريك
نور: نازله بهل لبس
نبأ: لابسة طويل وانا هيجي
نور: الله كريم بس على فكرة رعد باجر يجي او اليوم باليل
نبأ : ....... سكتت مادري ليش يخافون من هل رعد هذا البيت عبارة عن الكل فارض شخصيتة والكل يتعامل ببرستيج ماكو شي اسمه بساطة وعفوية وو و و. كل شي محسوب محسابة وبكل دقة حتى
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
