احدهم لم يكن صدفه

بارت ٣٢

‏"لنكن أنا وأنت أبديان، لا يهزمُنا الخِصام ولا الوقت ولا البُعد."
ً
ً
نورس : اثناء كعدتنة ببيت ام مراد حسيت نبأ متوتره وما متقبله الي صار ووضعها مضطرب ١٨٠ درجة ضليت كاعده واراقب حركاتها وتصرفاتها  لحد ما طلعنه صعدنه بالسيارة
نورس: اكلج عميمه
ام علي: ها يمه
نورس : ماتحسين ان نبأ شبه ما متقبلة الوضع ومتوتره يعني وضعها مضطرب
ام علي: يا يمه هيه هاي لبنيه المؤدبة لازم تتوتر وينكلب حالها
نورس: ههههههه الا انا من اجيتو خطبتوني لعلي ضليت اهوس
ام علي: يمه حقج والله ما جنتي تعرفينه وعلاوي هم مو ذيج العلاقة بيج ما نلومج يمه
نورس: ههه صح  انا وعلي  ما نتشابهه
ام علي: بس انت وعلاء تتشابهون 😉
نورس: ولا علاء
ام علي : شلون انت وهوه كله سوى  وواحد ماخذ على لثاني
نورس: يمتى هاي ! شو ماتذكر اسمع منكم هل شي واشوف صورنه بس ماتذكر ايشي
ام علي : لا تذكرين خليكم هيج احسن يوم اشوف جهالكم
نورس : !!!!!......
ً
فهد: اكلك مهند
مهند:......
فهد : مو جاي احجي
مهند : مو الا اكلك نعم لو كول تكدر تحجي
فهد: تتوقع يوافقون ؟ وتصير الي نبوئتي
مهند: ماعرف
فهد: هسه شبيك اخذ انطي وياي
مهند: شغلة ما تخصني اخذ وانطي وياك ليش ؟
فهد:هسه يكولون اخوي
مهند: عندي امتحان اريد اكمل خليني اركز
فهد: يوم اشوفك معرس على ننوس
مهند:نورس علاء راح ياخذها
فهد: شدراك ؟!
مهند: احس هيج اليوم طول الكعده عينه عليها ما شالها ومن هيه مانطته وجهه ضاج وهيه متعمده تتجاهله حتى تستفزه  وكل تصرفاتهم  يسوي شخص يحب ومخلي قيمه للطرف الثاني
فهد: مهند مو شرط يمكن لان هوه حس بالذنب  ويمكن هيه لان زعلانه هيج تصرفو
مهند: لا لا فهد نورس لعلاء
-عاف مهند الغرفه وراح طلع برى  اذا فعلاً علاء تزوج نورس مشكلة !
ً
ً
علاء: خلص يومي وانا مغثوث كلش مادري شحس بس ماحب نورس تتجاهلني ابداً واكره برودها وعلاقتها وي اخواني ضحك وشقه وانا متجاهلتني اريد ارجع احاول وياها واصالحها بس هيه اصعب من الصعبه صايرة وعنيدة رجعت للبيت بالليل لكيت امي وميا كاعدين يباوعون مسلسل
علاء: سلام عليكم
:وعليكم السلام
علاء:يمه شلونج 
الام:الحمدلله يمه انت شلونك شلون شغلك
علاء:كلشي بفضل دعائج يمشي
الام:الفضل لله حبيبي
علاء:مياوي حبيبتي ما تسويلي استكانة جاي من ايدج الحلوه
ميا : تدلل حبيبي
علاء: يمه انا ماريد جاي
الأم باستغراب: جا يمه ليش كلتلها تكوم وهيه جاي تشوف 
علاء: يمه ماعرف اريد احجي وياج بكلبي حجي
الام : اسمعك يمه كول
علاء: يمه نورس ماعرف صح غلطت بحقها بس معاملتها وياي كلش مو حلوه حاولت اعتذر الها مافاد متجاهلتني مساع كدام اخواني احس كلش ضجت مااحب هيج يصير بينا انا صح احبها واحترمها  بس ماعرف شلون افهمج يمه انت تفهميني
الام: يمه فاهمتك انت متعلم عليها وصار بينكم فتور صار ميلان بعلاقتكم ابتعدتو انت تحن لنورس لقديمة وهيه بغير عالم  وعالمك ما يناسب عالمها وهيه هم نفس الشغله  انت تريدها وهيه تريدك بس ماتعرفون شلون تتلاكون
علاء: صح ماكدر امشي بطريقها صعب وطريقي ما يصرف الها ماريد اكسر كلبها
الام: وكلبك ؟
علاء بحسره : يمه كلبي يم شهده جان وهسه مااندله وين
الام: يمه سودة علي شبيدي اسوي الك ماتكلي البنيه راحت بفالها مايصير تحجي هيجي خلي عينك بعين الله وارضى بنصيبك واخذها حجاية من امك راح الله يعوضك وتفرح بعوضك
علاء:الله كريم يمه. انا رايح اصعد انام وامر على مياوي 
الام: روح يمه الله يجبر كلبك ويبرده
بست راس امي ورحت حسيت ارتاحيت شوي من سولفت وياها وكلت امري لله ومشيت
.
.
تسريع الأحداث
ام نبا ردت الموافقه لام علي واتفقو ورا الامتحانات الخطوبه
نورس بقت متجاهله علاء وتواصلها بس بالتلفون وي اخوانه وميا  وبعد ما زارتهم
نواف بدا تدريب ومن ينزل يلتقي بعلي. وانقطعت اخبار منى عنه. 
شهد اجت هيه وزين للبصرة بقو سبوع ورجعو للبصره وولدت شهد بسلامة
—————-
١٤/٧
فهد : راجع من الامتحان الفاينل وسامطتني الشمس ميت وباجر خطوبتي من حبيبتي يعني هم مخلص امتحانات وهم خطوبتي  رجعت فتحت الاضويه على مهند
- كوم كوم اخوك عريس
مهند : راحع قبل ساعه انا حتى انام وارتاح وراي كرف
فهد : شعندك
مهند : غير اكرف الك اخوي عريس
فهد : يبووووي يبعد اخوك اخدمك بعرسك
مهند: لا تغثني
فهد :  حبيبي لا تضوج ماتعرف كل واحد بينه شنو مضموم اله
مهند: اطلع وسد الضوه والباب وراك
طالع طالع رحت لامي جان تهلهل  وفرحانه كلش
فهد : اييييي يبعد كلبي هسه صدك احس روحي عريس امداني رحت لمهند
الام : يمه حبيبي تستاهل شعندي غيركم 
فهد : حبيبتي أن شاء لله بيدج تزفيني
ميا دخلت بايدها الديجي مشغله اغنيه مال اعراس