﷽
الحلقه الثانيه
_يوم جعل حياتي جحيم _
❥ حنين الموسوي ❥
أميراتي الحلوات لطفاً لاتنسون التصويت ⭐ + متابعه لحسابي والتفاعل بين الفقرات حتى تشجعوني استمر و ♥ I Love all of you♥
ام مها: ان شاءلله يمه يله ادخلن جوه سولنه غدة ابوجن واخيجن ع جيه.
_ اي يمه ادللي هسه اروح اسوي من هاي العين گبل هاي العين
زهراء: هسه ديله غير تروح ست مها ع اساس راح تسوي القوزي هنه بيتنجان وطماطه تعودنه عليهن اكو غيرهة يوميه نفس الشي
مها: زوزة الحمد لله والشكر لا تتبطيرن ع نعمت الله اكو ناس بحسره اللگمه تاكلهة كله نعمت الله كلشي مانريد بس خلي ابوي طيب والله يخلي خيمه ع روسنه وعدنه عافيه هاي هية الحمدلله والشكر
_ ڪالعادة لازم تتفلسفين وتسكتيني... ديله سويلنه لگمه متنه جوع
_ بتسمت بهدوء : مو تدللين ام السان
« مها عدهة ثلاث اخوان الچبير علي عمره ٢٥ وأستشهد جان يداوم بالحشد بسنه ٢٠١٥ والوسط عادل عمره ٢٣ هذا جان يشتغل بتأسيس الكهرباء
وشاء القدر طگت عليه الكهرباء وتوفه خطيه جان خاطب ويطلع يشتغل علمود يلم كم فلس ويزوج بيهن والزغير أمير الي ازغر من مها عمره ١٧ يشتغل هوا وابوه حمال بالحصه يعني يشيلون اكياس طحين وتمن يعني حالتهم حيل تعبانه يادوب مطلعين لگمت عيشتهم بس همه ناس مؤمنين وغنين بأخلاقهم وقنوعين»
مها: گمت اسوي غدة فتحت الثلاجه فارغه بيهة بس ثنين بيتنجانات حيل نقهرت... گمت سويتهن وگلت راح اگول ما اشتهي بس المهم همه ياكلون خطيه...
شويه دخل ابوي عليه والأبتسامه ع وجهة رغم التعب... گال
_ سلام عليكم...هاا يبويه شلونج
_هلا يبعد العافيه وأهلهة وعليكم السلام شلونك بويه
_الحمد لله بنيتي ع الله امج وينهة
_فوت بويه جوه أمي أصلي ارتاح حتى تتغدون
_ ان شاءلله بويه
أمير : مرحباا ياقوم كيف الحال اني نورتكم
مها : ياهلا ولله انتَ منوئر وليس منور...وضحكت....
باوعلي ورفع حاجبه بغرور گال
_هجم بيتج يرگه حقج عيونج چنهن زروف چفچير وين يشوفن كل هذا النور
_ أميرررررررررررر
_ وجعييرررر... صوتج...
_ياربي هيج وتزوج واخلص منك ومن مغثتك متگابل وياي ابو الكمل الوصخ
_ لا متخلصين لان انوبه اطبگجن سوه واظحك عليجن..
_ولله اذا طلعت صاحي شتريد انطيك ... هو ظحك وراح ويهز براسه ويگول نعم نعم.... اني ظحكت ع سوالفه.... طبعاً أميرو بتسامة البيت هوه الي يسوي اجواء ظحك فرفوش... يحشش علينه ويظحك
من يدخل أميرو البيت يصير سينما عدنه وننسى هموم الدنيا.... المهم تغدو اهلي وكملوو صاحولي كتلهم ما اشتهي اكلت قبل شويه طبعاً چذب ماماكله بس عرفته قليل ومايكفي المهم گعدنه نشرب چاي وأمي فتحت موضوع الروحه وي أبوي گالتله
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
