﷽
الحلقه الرابعه وعشـࢪون
_يوم جعل حياتي جحيم _
❥ حنين الموسوي ❥
أبتهال: مها ابريلي الذمه خيتي اني هواي أذيتج خاف اموت ولله مراح يسامحني ؏ السويته وياج ؟
_ ليش تحجين هيج خيتي ولله بس وكفتج هاي ما انساهة بحياتي انتِ وغيث مبريه الف ذمه
...و سلميلي عله غيث وياج وگليله ابد مراح انساه
... من گالتلي ابريلي الذمه صدك انقهرت عليهة حسيتهة هواي متغيره ومكسوره كسرهة المرض..... حظنتهة وبچيت وكتلهة مبريه الف ذمه
ابتهال: الله يوفقج بحياتج مهاا ويبعد عنج اولاد الحرام..... يله مهاا روحي اجن روحي بسرعه
امي وأيات ونرجس جوارينه مطبباتهن لبيتهن حتى يهدئنهن
جنت احجي وي مهاا وشفتهن طلعن جايات لبيتنه
اني كلت المها روحي بسرعه خطيه مها كامت تسحل بروحهة سحل وتمشي حيل خاف يشوفنهة
مهاا: بعدني احجي وي ابتهال طلعن سماح وبناتهة الجوارين جانن مخلياتهن يمهن
همزين ماشافنه اني وابتهال لان جنه بضلمه
رحت دست عله رجلي حيل وكمت امشي حته ابتعد شويه احنه ارياف.... يعني شارع العام بعيد عليه
واني رجلي مجروحه وراسي.. متأذي بس نسيت الالم ودست عليه بس اريد ابتعد شويه طبعاً احنه مو ريف يعني المنطقه شويه ضلمه واكثريتهة بساتين
وزرع وگيعان مزروعه شلب... اخاف امشي بالبساتين خاف اكو چلاب ( تكرمون ) يركضن وراي لو يعضني
ضليت امشي اتجه عله الحياطين صيف والوادم اكثريتهة اتنام من المغرب عله السطوح
مشيتلي هفه شويه... جعدت يم محل معزل استراحيت يممه شويه.... بيت عمي صار بعيد عني
والدنيا ليل اخذت البطاقه البيهة عنوان حيدر
صريتهة بشالي ( ضميتهة بشالي )
شديتهة حيل خاف تضيع مني
ورجعت گمت امشي وين فتره مشيت وصلت الشارع العام بي اضويه ومحلات مفتحة
وگهاوي ( كوفي شوب )
جنت ميته عطش والخوف ماكلني اكل طلعت الشارع بيهة رعب مو طبيعي للبنيه اتحس نفسهة فريسه ابنص ذيابه..... گلبي يريد يطلع من مكانه من الخوف بنيه بنص اليل تمشي وحدهة شدگول الوادم وخايفه ولد الحرام يسولي شي وصلت يم ابو اسواق
طبيت واني ارجف بس تنگبت بشالي غطيت وجهي بي گلت
_سلام عليكم عمي
_ وعليكم السلام بويه تفضلي
_ عمي ولله ميته عطش انطيني اميه بثواب الحسين
_ صدك جذب بويه تدللين انتِ شنوو مجديه
_ هاااا ايي عمي ايي
_ محتاجه شي بويه
ترى الدنيه ليل والدنيه مو أمان ياعمي ولد الحرام هواي ومبينه بعدج زغيره لا تطلعين بليل يابويه اطلعي بالنهار جدي
_ اي عمي صحيح رحمله ولديك
اخذت بطل الماي منه وطلعت ارجف وابچي
الرجال عباله مجديه
صدك شكلي يشبه المجديات لا ولله هنه احسن مني
رحت شويه مشيت جعدت يم محل مال كصاب معزل اشربلي اميه ياربي وين اروح واني بنص اليل
الاهي ارحمني وحفضني من شر بنادم
وين اروح هسه حتى العقيد حيدر مو بالنجف واگول اكدر اوصله
اذا هوه بالحله منو هسه بنص اليل يوصلني للحله واني لاعندي افلوس ونطي كروه زين ويامن أمن واصعد خاف يسوولي شي
ياربي دليني عله طريق الصح ماعندي غيرك
جاعده واتراجف جسمي يختض من الخووف
اول مره ابقه وحدي بنص الشارع وبليل وبهاي الدنيا الماتتأمن..... گمت امشي واتلفت وانتخي باأهل البيت ولله اخاف
... جنت امشي وأعرج احس الناس كلهة تريد تاكلني لان وظعيتي وعباتي المشگگه توحي للأستغراب عند الناس
مشيت وين هفه بعيده ... تعبت رجليه بعد ما اتحمل ادوس عليهة واخاف من هاي الوادم بيمن اثق
امشي بالشارع وجوعانه حيل بعد حتى ماعندي طاقه امشي من الجوع اريد اي شي واخاف اطلب من واحد خاف يستغلوني لان الوقت تأخر مشيت شويه شفت قفص مشمور
اخذته وگعدت يم باب مال مدرسه فتحته لكيت بي تفاح خايس وذابي اخذت التفاحه وخرت الخايس واكلت الباقيه التفاح حيل لاعب
بس اريد اي شي اكله حتى يصير بيه حيل واكدر امشي لان دخت من الجوع اكلت اثنين بس حشه نعمت الله
ولله الحيوان ماياكلهن تلعب نفسه
منهن خايسات وبيهن ريحه
بس شسوي من جوعي كلشي اكل اخاف اطلب من واحد خاف يشوفني محتاجه ويستغل وضعي اخااف من الناس
جنت جاعده اكل شفت رجال نزل من سياره يسوگ من بسطيه مال ولد كلت هذه رجال چبير
وشعره ابيض خل احاجي بلكت يساعدني
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
