الحلقه العاشرة
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
مها: مرة فزيت ع رفساتهم بطني فتحت عيوني شفت شرطه ثنين واگفين ع راسي يضربون بيه واحد منهم رفسني حيل بطني و وضل ضاغط ع بطني بكل قوته واني متت گمت اتگلب جواهم مثل السمچه المزوهرة اريد أبعد رجله من بطني ما اگدر لحد ما
بعد ما اگدر اقاوم فقدت الوعي ونغمه عليه من شدة الألم الي صاار بطني حسيت روحي طلعت....
....وراهة بفترة اله فزيت الوب من الوجع ألم موتني بطني عبالكم سچاچين وتگطع بيه.. ردت اگوم أغسل ماگدرت گمت و وگعت الدم مالي المكان وملابسي متلوخه.. گوه زحفت ع رجليه وصلت للحمام...
گمت اشيل ماي وأذب ع روحي من لألم والجو بارد لان شتاء بس شسوي جسمي موتني وبطني توجعني حيل صاير داير مدايرهة كدمات زرگه غسلت وبدلت گوه اني وگاعده وطلعت أزحف وصلت لفراشي واني ميته من الألم گمت أعض بأيدي من الوجع ومناا جوعانه لأن من الصبح لسه اني بدون اكل
بقيت نايمة وعيوني بالسگف والدموع تجري ولحد لان ما اعرف كلشي، ليش هيج صار بيه، شنو سويت ورجعوا يعذبوني، العقيد حيدر وين صار مو هو الوگف وياي وساعدني وخلصني منهم وخلاني بسجن أنفرادي وجابولي ملابس لان صار شتاء واني ثوبي الجنت لابسته اتملخ... زين العقيد حيدر چان زين وياي ليش هسه عافني بين هاي الوحوش
بقت بس دموع تجري وروحي متگطعه واني صارلي بالسجن شهرين و٢٣ يوم ...
حيدر : مرت الايام عاديه بين الدوام وأهلي وحاولت هاي الفترة ما اشوف مهااا لأن بعد ماكذبت عليه مالي علاقه بيهة ولا أشوف خلقتهة لان قسماً بالله لو اشوفهة اكتلهة بأيدي وأعلمهة شلون تكذب وتضحك عليه...تقريباً مر شهر بعد ماعفتهة وهمه صاروا يحققون وياهة گاعد بالمكتب يمي النقيب محمد گتله:
_ هاي المتهمه مها لحد الأن ماعترفت...؟
_ لا سسيدي خبلتنه.. عمري وحياتي ماشايف هيج بشر، يعني متحملة كل هذا الدگ والتعذيب مثل الحيوان وما عترفت ابد....
_ هااااي شنوو فلمهة شلون تگدر تتحمل كل هذا العذاب وهيه بنيه ليش ماتريد تعترف..
_ لتخااف سسسيدي بعدهة شابه وتتحمل الدگ بس ولله اول وتالي تجزع وتعترف لشوكت تبقه هيج...
_ ماشي انتم شوفوا شغلكم وياهة ونشوف تاليتهة..
... ماعرف ليش بلحضتهة كرهتهة ومايرف گلبي عليهة رغم ادري ديعذبوهة اشد انواع التعذيب ومحد يرحمهة..رغم متأكد اكو شي غلط معقوله بنيه بهيج عمر صارلهة ثلاث اشهر بيد الشرطه وكل هذا التعذيب وماخافت وعترفت.... رغم البنات يخافن من شي أسمه مراكز وسجون وشرطه....
مها : تعبت حيل وبقيت جلد وعظم من الضرب والتعذيب..مابقه بيه حيل والجوع كتلني گمت اريد اكل اي شي اشوفه گدامي صارلي ثلاث اشهر بالسجن أدمرت نفسياً وجسدياً....
.. مرة جنت نايمة وأبچي اشكي الرب العالمين حالي والظلم الشفته احس بقهررر بداخلي... بس رغم كل هذا محد حاول يعتدي عليه احمد الله واشكرة
.. دخلت الشرطيه شافتني هيه جايبه أكل مثل كل يوم كلاص مي ونص صمونه شمرت الصمونه حيل عليه وگالت:
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
