﷽
الحلقه الأخيرة
_يوم جعل حياتي جحيم _
❥ حنين الموسوي ❥
أحمد: گومي بويه گومي اني ما استاهل اتگعدين يمي اني ضالم وانت انسانه نضيفه وطاهره
اني عمج أحمد الضلمچ والجوعچ
والنيمچ بالحر والضربج وعذبج والي رايد يذبحچ اني هاذه الگدامج
مهاا: اول مره اشوف عمي مكسور هاي الكسره يبچي ودموعه تجري ضليت صافنه عليه شويه اجه حيدر تقرب يمنه وحاجه عمي گاله
حيدر: اني العقيد حيدر زوج مهاا اني الي جبت مهاا البيت اهلهة.....اكيد تعرفني
انت عم زوجتي مايصير تبقه بالشارع مهمة ايكون السويته وي مهاا هيه بت اخوك هذه الشي بينك وبينهة
گوم عمي الدنيه حاره گوم امشي ويانه للبيت وخل نفتهم منك السالفه وارتاح وبعدين الله كريم...
أحمد: ايي يبويه اعرفك.... الف رحمه ؏ ذاك الاب الطيب ولله يابويه مهاا يحبهة الله ورزقهة برجال مثلك بس خليني هناات اخذ عقوبتي استاهل
اني انسان ضالم يتيمه
مهاا: تفاجأة من تصرف حيدر شكد يفتهم رغم السواه عمي بيه عامله بطريقه محترمه
حجه وياا حيدر راد اني حرمصتله أيسنه منه مايقبل يگوم ويانه گناله لعد احجينه اشصار وياك زين ليش كاعد بالشارع
كعدنه يمه وهوه بده يسولف واني اعيوني مانشفن من الدموع
زهوره نامت بحضن حيدر واموري كاعد بحضني صح الجو حار بس كعدنه يمه بمكان بي في... وهوه گام يسولفلنه گال
أحمد: تذكرين بويه من ضربتج واجه غيث راد يحميج اني شمرته ؏ البلوكه مالحكت وي ماوصلت للمستشفى اتوفه كتله النزيف انهدمت هدم عله بني كسرني لان اني كتلته بهذني اديه كتلت ابني
وراهة بفتره ابتهال حالهة گام يسوء يوم عن يوم
ردنه انسويله عمليه قبل العمليه بيوم توفت
تخربطت اوضاعنه حيل خسرت ابني وبتي بشهر واحد....
وره 7 اشهر من وفاتهم
نخطبت أيات بس جانت ماموافقه وسماح كوه جبرتهة بس أيات دگت دگه ناقصه بينه بيوم العرس لكيناهة شارده ماهيه
شردت وي واحد واني گلبت الدنيه عليهة مالگيتهة وضليت اشهر ما اطلع من البيت ضليت عايش بوصمه عار الناس اكلت وجهي طشت السالفه
صارت حديث الشارع والمنطقه
بقيت بالبيت ما اطلع ابد لمين فصلوني من الدوام ضليت ما اگدر اطلع المكان الناس فضحتني فضيحه
ادهورت اوضاعنه نرجس اطلگت ضلت عايشه يمي هيه وبتهة صارت حصره علينه اللگمه
الناس كامت تتصدق علينه ضليت اشهر حابس روحي باالبيت كمت ادين واجيب مسواك
اخذتلهة فتره سماح تشتكي من راسهة طلع عدهة ورمه خبيثه براسهة... اني ماعندي اداينت صرفت عله علاجهة فتره وبعد ماعندي خلصت افلوس
اتريدلهة تحليلات وعلاج والعمليه جانت خطره مابيهة اي نسبت نجاح
بعدين كثر الدين عليه الناس واكفتلي بالباب يردون فلوسهم حتاريت شبيع بقه بس البيت
كلت السماح خل اخوج ياخذج يمه انتِ وبتج البيت راح ابيعه هيه ماتحجي بس اتأشر
من الصدمه والمرض بعد ماتحجي
نرجس خابرت خالهة مارضه يجي گوه اجه اخذاهن
هيه ونرجس وبت نرجس عافني وحدي باالبيت بعدين سمعت مرت اخوهة مارايده سماح ابيتهة گوه مطيتهن غرفه مثل المخزن وضعهة تعبان وماتحجي
ونرجس تخدم مرت خالهة شتغلت خدامه عدهة حتى تبقه عايشه ابيت هيه وبتهة واني مابيدي شي عليهن اني من عافني وراحن بقيت وحدي بعت البيت ونطيت الديون الي اعليه
وسكنت الشارع صار بيه سكر وضغط
ونجلطت حتى ايدي هاي نشلت صفيت مجدي بالشارع
... هاي حوبتج يابويه كلمن اخذ جزاته
كلنه نستاهل الصار بينه قليل المرار الشفتي عدنه
مهاا حوبتج طشرتنه كلمن أذاج اخذ عقابه
انتِ يتيمه ماخفنه الله بيج
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
