﷽
الحلقه السابعه وعشـࢪون
_يوم جعل حياتي جحيم _
❥ حنين الموسوي ❥
هاجر : يله مهاوي انتِ مو منه وبينه ومن اهل البيت
اريدج مثلنه تصيرين حاولي تجنبيهة وتسكتين عنه لان هاي داهيه سودة
_ لاخيتي عادي شريد منهة الله شاهد شتحجي خل تحجي اتحمل لخاطركم انتم ماقصرتوا وياي ولله وكفتكم هاي شتسوه عندي وابد ماحسستوني غريبه عليكم...
_ لا يكلبي تدللين احنه ماسوينه شي
بس لعد يله احنه مو اخوات كومي خل نكربج ويانه بالعشه..... وظحكت
نور : اي ولله يله كومي.. بظحك
اني الدولمه كملتهة لفيتهة رايحه اسبح غزوله وابدل الصادق
_ گمنه اني وهاجر للمطبخ لگيت نور لافه جدر دولمه
وهاجر كالت راح الف الكبه وموصين عله دجاج شوي من بره.... واني علمتني شلون اسوي مقبلات
لان اني صح جنت اطبخ يم اهلي بس جنت اطبخ اكل عادي
فبسرعه تعلمت سويت اربع انواع مقبلات
... نسرين وفرح وحسام وهاي ام علي بغرفت امهم وسادين الباب يحجون حتى البنات هاجر ونور ماطبن اكيد يعرفن طبعهم يمكن مايحبون وحده تدخل
من الچناين بهيج مواضيع كملنه العشه صار المغرب رحنه اني وهاجر بغرفتهة انصلي بس يزن وفطومه يلعبون.... رسول جبير غرفته وحده صلينه وكملنه وسمعنه حجي عالي وصيااح
اني رجلي بادن متت من الخووف گبل لزمت ايد هاجر بسرعه اخاف من الصياح ومن الصوت العالي ومن الضلمه احس گلبي يريد يطلع من مكانه خطيه هاجر نصدمت گالت
_ شبيج يروحي لاتخافين عادي هذه صوت حيدر اكيد وصل وعرف بأخته.... ليش هيج صايره بيج خوفه يكلبي
_ اني بسرعه نزلت ادموعي وارجف
اخاف من الصوت العالي
... ام رسول اني من جنت بالسجن وشفت التعذيب والصياح وعمي عذبني بالمخزن صرت اخاف حيل اخاااف گلبي يكوم يوجعني
_ يابعد گلبي ياخيتي وعلي مردتي كلبي لاتخافين يبعد اختج هسه اصفكلج القرءان وان شاء لله تصيرين زينه صايرة وياج خرعه
ــ خطيه هاجر كامت تقره قرءان بعدين حطيت راسي بحظنهة وتقره عليه كملت انوبه ارتاحيت شويه
.... گعدت اباوع الغرفتهة تخبل حيل حلوه وارقيه
ضلينه شويه جاعدين ونسولف
ونور بغرفتهة طبت يم بناتهة هيه مو كلش تختلط ويانه بعدين هاجر كالت خل ننزل نحضر العشه بلكت يتعشون نزلنه اني وياهة وصوت حيدر يرج رج وكلهة ساكته اني كمت ارجف عجيبه الرجفه الزمتني حتى بطتني مغصتني من الخووف
حيدر:« بصياح» شنووو هذه المسحتل احنه كبرنه راسه ونطيناه مره تسوه راسه وراس الخلفوا
هالسكير هذه ولله يا ام علاوي اني من زمان ردت اطلكج منه بس انتِ مچلبه بي عبالكم ماكوو زلم نقرضت هووو هذا هم محسوب ؏ الزلم
وانتِ هم عندج غلط ادري بي هوه نذل وناقص والله مطيح حظه بس شلون تمدين ايدج عليه احنه هيج مربيجن ياخويه
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
