الحلقه السادسه
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
مها :هنه اجن عليه ضلن يدفرن بيه بضهري وبطني لحد ما وصلني للحمام شمرني بي وطلعن واني اون من لألم... والجو صار بارد شتاء واني اضل بالحمام گاعده لان زغير وكله ماي ملابسي تتنگع ألم رجليه ع صدري وأخلي راسي بين رجليه وابچي لحد ما ينغمي اعليه بعد ما احس بشي... شويه وحسيت باب الحمام يندگ احس يبس بدمي خفت حيل مافتحته وره شويه رجع ندگ حيل گمت ارجف لميت رجليه ع صدري خايفه حيل.... ورة ساعة صار هدوء أمنت شويه.... اني تعبانه حيل ومنا ضاربيني هواي نمت من التعب....
بقيت هيج يوميه ياخذوني يحققون وياي و يسئلوني نفس ألاسٸله وأني بس احلف وابچي محد يصدگني... واني صارلي عشرين يوم هناا بالسجن حسبتهن يوم يوم وساعة ساعة لان اليوم الي يمر عليه يعادل شهر
اني شفت المر والضيم بالسجن وذني الوياي السجينات عايشات بغير عالم مكياجهن ولبسهن من خلال كلامهن عرفت ثنين منهن جايبيهن من بيت دعارة وحده حارگه زوجهة وابنهة بالحمام ذابه عليهم نفط وحارگتهم وذني الثلاثه صارلهن سنين بالسجن عدهن الشغله عاديه ومتمرسات عليهة نوبات أشوفهن من يجي بليل تفتيش فجأة ع المركز ومايگدرون جماعتهن يجوهن يضلن هنه يحچن كلام مو زين ويظحكن وكلامهن غير اخلاقي ابد وسوالف مو أخلاقيه.... مره بليل جنت كلش جوعانه شفت الأكل گدامي واني گوه ازحف ازحوف لحد ما وصلت مديت ايدي لزمت الماعون اريد أكل هنة شافني اجت جرت الماعون تفلت بي ( حشه نعمت الله ) وظحكت وگالت:٠
_ هااا حبي جوعانة گومي ويانه شاركينه بسالفه بظحكه برگصه هزيلنه شويه حتى ننطيج أكل
غزل: ماحافظه نگته سافله قصه بايخه ميخالف نسمعلج ونتونس ليش بس گاعدين
_ غزل هاي مو من هذا النوع الي يحفظ نكت افلام سافله خل احنه نحجيلهة
مها: خفت حيل منهن ابدد مو شريفات گمت ارجف وابچي هنه من شافني هيج اجن اعناااد بيه رادن يشگن ثوبي ويفضحني حسيت گلبي بلحضتهة راد يوگف ما ادري منين أجتني القوة دفعتهن وصحت أشفعلي يا ابو الجوادين لا تعوفني وحدي دفعتهن ورحت ع الباب أركض فقدت گمت أصيح وأرگع بالباب وهنة بس يظحكن عليه ويحچن بشغلات ابد مو زينه .... اني عقل ماضل براسي تخبلت بس دموعي تجري ضليت ادك ع الباب محد اجاني
حيدر : ورة ماخلصت أجازتي رجعت للدوام وصلت باليل سويت جوله تفتيشيه ع الحراسه والسجون من وصلت قريب عن سجن النساء سمعت وحده تصرخ
گتلهم:٠
... شنو هذا الصوت منين ديطلع
الضابط گال:٠
_ سيدي هاي سجينه تصيح لان بعدهة ماحصلت ع ضيافه...... شرطي روح طلعهة....واخذوهة للغرفه التحقيق
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
